Ka Nupepa Kuokoa, Volume III, Number 18, 30 April 1864 — He kanikau no John. Kaukunui. [ARTICLE]

He kanikau no John. Kaukunui.

Kuu makuakane Puaohai—e, Aia paha h i Kanehili, I niau iho nei pale ka ikena, Ua lilo i ka lale maka onaona o Kaiona—e; Kuu makuakane mai ka wai o Peleula, Kuu hoa luana o ke ahiahi, Ua ahi loko maeele i ko aloha, Hele aku nei oe noho iho makou me ka u, Me ka paumako i kou hele ana'ku nei, He aha la ka hala nui o ka hele ana ? 1 haalele mai ai oe ia makou, A me kou hoa pili he wahine, Ke imi nei makou aole oe i loaa, Ua lilo aku Ia oe i ka polikua a Kane, Ua kino wailua aohe ike mai, Ia makou i na keiki ua hoohewahewa, Ua palai na maka o kuu makuakane, Ua wehe mai nei i ka pili a makou, Me o'u hoa oua lai nei la—e ; E luana ai i ka malu o ka hale, Me o'u mau makuahine he nui, Me Luuwai ame Punilama hoi, No oukou kekahi aloha, Na hoa alo o ka inea, Oia aina lai wale ke noho, Kuu inakuakane o ia aina, Kuu hoa holoholo o ke ahiahi, Ua ahi loko i ke aloha e noho nei, E pono ole nei o kuu kino, E hoomanao nei e ike aku ia oe, Aole e ike ua huna i na maka, Ua lawe koa waa i koa kanaka, Ua hala i ke ala hoi ole mai, He wahi alo—ha no Kaukunui no—e. E. A. Malo.