Ka Nupepa Kuokoa, Volume III, Number 18, 30 April 1864 — NA MEA HOU O HAWAII NEI. [ARTICLE]

NA MEA HOU O HAWAII NEI.

[ No ka piha loa o ka pepa a kakou i keia pule, nolaila, ua waihoia ka Manao -Pepa,]

Lohe wale. —Ua lohe mai makou e holo ana ka Moi Kamehameha V., i Kauai; i keia pule ae, a e holo pu ana kona Kuhina o ko na aina e. ■ Eoohalahala.—Ke hoohalahala mai nei o K. K. Kawaikau, no ka haiolelo oko lakou wahi o Keanae, Koolau, Maui, a okana mau olelo wehewehe ne, ua pili pono ka oiaio ia mau mea ; aka,e.pono paha ia ia ke hookolokolo hoahanau aka no i ua Kahuna pule la o jco kikou wahi.

Koho Balota ma Hilo.—Ma ka la 14 iho nei o keia malama, ua kohoia he Lunamakaainana hou no Hilo, i pani hakahaka no J. Keahi, ka Luna i kohoia a make aku nei no hoi. O Paulo, Kahikiula ka mea i kohoia, eia malalo nei ke ano o ke kohoia'na : Paulo Kahikiula, - - 297 Balota. L. Kaapa, - 295 " 1. P. Mikaele, - - - 5 u

He kanaka Hana Pono.—Ala ke kakahiaka iho nei o ka la 26 ,o keia malama, oiai e hoi ana kekahi kanaka o Kapuniia, ma ke alanui o Kapalama, a i kona hiki ana i Leleo, loaa iho la iaia he eke dala e waiho ana i ke alanui, he 30. a he $40. paha dala o loko, aohe no he mea i iko i kona apo ana iho i ua eke tlala haule nei; aka, aole nae oia i huna ia mea, aka, ua hele aku e kukala hele ma ke alanui, i ka loaa ana o ua dala nei iaia me ka nakinaki hoi ī ka eke dala ma ke poo 0 kana aumaka i ike ia mai ai e na poe a pau„ Iloko o kona hele ana, halawai mai la oia me kekahi poe, a pane mai la lakou iaia. " Ua ike'a mai nei no nae paha kou apo ana 1 keia eke dala e kekahi mea e ? " Pane aku la kela, "aole, aka, ua ike mai no nae ke Akuia i ko'u apo ana i ke dala." Maikai kau hana ana e Kapuniia ! £ loaa ana no ia oe ka uku makamae loa no kou hana hoopono ana, mai kou makua mai iloko o ka Lani. He hauoli nui ko makou ika ike ana iho i keia hua maikai o ka ke Akua olelo ma Hawaii nei,—he mau hana maikai ia i ulu noloko wale mai no o ka mana koi hoopono oka Uhane Hemolele. E hoopili kakou i ka manao i hoike ia mai e Kapuniia, oia hoi, ina kakou e hana i kekahi hewa, mai manao kakou e ike ole ia ana ia hewa e ke Akua, e ike mai ana no ia, a e hoopai mau mai ana no hoi i ka poe a pau e hana ana i na hewa, a nolaila i pono ai ia kakou ke hoopili mamuli o ka hana pono mau. Mai hana hewa iki no.