Ka Nupepa Kuokoa, Volume III, Number 19, 7 May 1864 — He manao ninau aku. [ARTICLE]

He manao ninau aku.

E ka Nopepa Kuokoa e ; Aloha oe :—No ka lana maikai ana mai o ka manao e waiho aku imua o ke akea, i ike mai al 'ka poe maiau, a me ka poe noelo koeau, i maa wale i ka noho a«a kapuo o na lele ulili lala kaha one—uli. Penei no kahi olelo ninau e pili ana i ka mea i olelo mua ia iwaena o kakou, o ia hoi na rula o ka poe maikai. I—O ke kanaka i ao ia i na rula o ka poe maikai a ua ike, he pelapela nae kaiii kopa a lepo loa, eia ka ninau. Ua helu pu ia anei oia ma ka īula o ka poe maikai ? 2. O, ke kanaka hoi e komo ana i na lole maikai wale co, aole nae he wahi hana kupono e loaa ai ho kona ola, he palaualelo wale no kana, eia ka ninau. Ua helu pu ia no hoi anei oia ma ia rula hookahi ? 3—Owai o keia mau kanaka elua kai komo hohonu loa iloko o na rula o ka poe maikai ? 4. lna o ke kanaka i kahiko ia i na aahu maikai kai komo hohonu iloko o na rula o ka poe maikai, eia'ka ninau. E hia aku apana rula i koe e pono ai ke kanaka iao ia nona kahi kapa pelapela? Eia paha hoi, E nana ana kekahi kanaka i ka la ma kana ohe nana la, O kekahi kanaka hoi, e lawe ana i k« kupapau ma ke kaa lio a. hiki i Kawaiahao, eia ka ninau. Owai o laua ma ka rula o ka poe maikai? e hoopau mai i ko'u pohihihi, Me ka mahalo. J. K. Kaunamano. (£7* No ka piha loa o ka pepa, nolaila, aa hoopaneeia kekahi mau roea i hoomakaukauia no keia pule. Mai kanalua ka uianao e na hoa, a opu-keemoa iho.