Ka Nupepa Kuokoa, Volume III, Number 21, 21 May 1864 — Ua hoohalahala na Lunakula O KEIA APANA, MAI MAUNALUA, A MOANALUA. [ARTICLE]

Ua hoohalahala na Lunakula O KEIA APANA, MAI MAUNALUA, A MOANALUA.

E ka Nupepa Kuokoa e ; Aloha oe:—E lawe aku oe i ka'u wahi ukana ma kela wahi keia wahi a na Kahukula i noho ai.

Eia ua wahi ukana ala a'u, o ka " Hoohalahala o na Lunakula," pela ko'u ike maoli aku i na Luna e olelo nei lakou penei: Poho ! Poho !! Poho mnoli makou. No ka mea, o makou ka luhi i ke kii ana i na keiki i kela hale keia hale a na keiki i noho ai, a o na kumukula la, o ke ao wale no ka lakou ia lakou ka huki o ka eke pokeokeo, pokeokeo, ame ka hookuuia o ko lakou kino i ka auhau o ka niakahiki.

A o na Lunakula hoi, he wahi uku oleloa ko lakou, me ke kau no o ka auhau makahiki ia lakou, a o ka nui o ka luhi o ko iakou mau kino i ka luaieleia i o a i anei. A i ko'u kilohi iki ana iho ma ke Kanawai aoao 7, pauku 1, ku ko'u mau maka i na olelo a ke Kanawai a ko kakou Haku, ka Moi Kamehameha 111, e hai mai ana pene : "He pono like ko oukou e na kumukula, ame na kahukula, ame na Lunakula." Ke like iho, " He like ka auanei ka uku," i ke kahukula ka eke, i na kumu ka pokeokeo, a o ka na Luna kahi hapauleule, pela ka'u ike ana aku. E ka Makua, ke Kahukula, ke nonoi aku nei au ia oe, e hoomahuahua iki ae 1 ka uku o na Lunakula, no kela hapaha makahiki keia hapaha makahiki okoa. no ka mea, i pono ke ao ana a na kumu i ka ikaika o ka paipai a na Lunakula i na haumana, a i ae lakou i waiwai lakou i ia lakou iho. " Aole hoi paha," kai noa hoi pela, i na paha e nele i na haumana ole, pehea la e ao aku ai ke kumu ina haumana ke nele ? "Ao ka ua nei.

Ma ko'u ooonoo maikni ana iho, he hana kupono keia i na Lunamakaainana e noonoo nui mai ai i keia wahi mamala olelo, no ka mea, oiai oukou na waha olelo o na Makaainana mai o a o, ka poe Cenerala hoi nana e alo ana i na pakaua a ka aoao kipi, i ka wa e hoolele mai ai na poka pahu a na kipi iu oukou, a na oukou hoi e alo aku i ke anu ame ke koekoe o ka ua kipuupuu, ame na puolo kaumaha a na Makaainana e hnawe nei ma o a maanei. Aole i pau ke kapalili ana oka penesila ma ke kahua palapala o ke aiai o ke kanana. Aia a hoolele ia mai i mau poka, alaila, eeu aku no ke kama eu o ka Akau. Me ka mahaio. W. K. K. Kuihelani.