Ka Nupepa Kuokoa, Volume III, Number 22, 28 May 1864 — E ala! E ala!! [ARTICLE]

E ala! E ala!!

E na Makaainana e !—Auhea onkou ? (Ja ike oukou ma ka olelo kauoha a ka Moi, ua kahea ia oukou e koho i na Elele i ka la 13 o lune, j poe kuka pu me ke 'Lii a me na 'lii no ka hoololi ana i ko kakou Kumukanawai. ina oke kuka kamailio pu wale no ka lakou hana, aole hewa malaila, a he kulike no ia me ke Kumukanawai. Aka, " aole pono ia lakou ke hoololi i hookahi huaoleio o ke Kumukanawai." Hookahi wale no alanui e hiki ai ke hoololii ke Kumukanawai, a iia kuhikuhiia ma ka Pauku 105 o ua Kumukanawai la. A o na hoololi ana a pau, e noonoo mua ia e na kau Ahaolelo elua ; a e hoolaha ia maloko o na nupepa na hoololi ana i ekolu mahina mamua iho oke kau koho Luna Ahaolelo.

Eiia hou keia! Ke manao paa nei makou, ua ohumu pu kekahi poe e lawe lilo i ko oukou mau pono kuokoa. Ua oleloia, o kekahi mau mea o na Kuhina, i kokuaia e kekahi poe malihini kuleana ole maanei, ua hui ka lakou, a ua hana i 44 Kumukanawai hou," a ke makemake nei lakou e lawe i keia Kumukanawai maikai a kakou, a e haawi mai ika lakou mea hou. Ke manao nei lakou e hoonele ia oukou i ka pono nui o ke koho haloila ana, i lohe oukou e na Makaainana! Ke olelo nei kekahi o ua poe la, aia a ioaa i ke kanaka $150 paha i ka makahiki, a pela hoi i kela makahikikeia makahiki, aiajla ka pono ia ia ke koho haloka! Pehaa ko oukou manao i keia, ena Makaainana ? Ke olelo nei makou, ina hookaa ke kanaka i kona auhau alaila, he pono no ia ia ke koho balota. Ke makemake nei pahana makua oia Kumukanawai hou e lilo ia mea i newa e hahau ai i na inakaainana a pepeekue, i noho iho lakou malalo o na wawae.o ka poe waiwai, aole hoi e hiki ke pii ae ma ke ano kanaka e like me ka mea a ke Akua i hana'i.

Maloko o ka noho Alii ana o ka Moi Maikai oia o Kauikeaouli, ( e mau loa kona inoa) malalo o kona noho Moi ana, ua puka mai oukou mailoko mai o Aigupita, a mailoko mai hoi o ka hale hooluhi, a e ae anei oukou e hoi hou iioko oia noho luhi ana ? Aole ! Aole loa !! Ke makemake nei paha ua poe la e hui i ka Hale Alii me ka Hale Makaainana, i hookahi hale, i pau ka mana 0 na Lunamakaainana maluna o na bila waiwai! me na auhau. Aole paha lakou i makaukau e hoonoho paa i ka Ekalesia Enelani i keia makahiki i Ekalesia Aupuni; aka, ina e holo na mea a lakou e makemake nei, heaha la auanei ka hope ? | Ke olelo nei lakou ma na nupepa Beritania, eia kakou malaloo ka mana hooponopono o Beritania Nui. Pehea oukou ena Makaainana ? He inakemake anei oukou e lilo i Panalaau no Enelani ? Aole! Nolaila, e koho oukou i poe Elele pono, he poe aloha io i na Makaainana, he poe hopohopo ole, he poe niakau i ka uku kipe, 1 pioe kupaa mamuli o ke Kumukanawai me na Kanawai. Ina he Kahunnpule, a ina aole he Kahunapule, he hiki no ke kohoia i Elele. He hiki no hoi ika poe Pope ke hui me ka poe hoole Pope ma keia mea, aole pono ke mokuahana. O ko oukou mau pono nui keia e kueia nei, o ka pono o ka oukou mau keiki, ame ko oukou poe kupuna ! E hoomanao oukou, h« mea oluolu wale no ka haawi lilo ana i ko oukou mau pono, ma nae e lilo, o ka lilo loa no ia, aole a loaa hou mai. Nolaila, e ala nui mai oukou ! E hele nui ae i na wahi koho balota, ma ka la 13 0 lun« e hiki maiana. E hele lehulehu mai, e lilee me na lau o na ululaau, na ululaau o Hilo i ohu i na pua lehua. Pela oukou e hele moi ai i ka Ia 13 o lune, me ka manao lokahi, a o ko oukou kumumanao ma ia la. E OLA MAU LOA KE KUMUKANAWAI, A E MAU KE EA 0 KA AINA I KA PONO! Lehulehu.