Ka Nupepa Kuokoa, Volume III, Number 22, 28 May 1864 — Ka Huakai Alii. [ARTICLE]

Ka Huakai Alii.

Ma ke ahiahi Poakolu iho nei, ma ka hora elua, holo aku Ka Moi Kamehameha V., i Hanalei Kauai, ma kona moku Alii Nahienaena, a ua holo pu aku me ia Ka MeaKiekie Prince William C. Lunaliio, Ka Mea Hanohano C. Kapaakaa, Ka Mea Hanohano R. C. Wale, Ka Mea Hanohano Peter Young Kekuaokalani, Ka Mea Hanohano Henere A. Kahanu, ame kekahi poe hanohano e ae no hoi. Ua lehulehu wale na Makaainana i hele ae e makaikai i ka holo ana o ko lakou Moi, a ua heie ka uapo o Ainahou a hooke i na kanaka, a ua hoike mai ko lakou mau helehelena i ke aloha kuhohonu no ko lakou Moi. O kekahi poe no ka nui loa o ke aloha, nolaila, ua hiki ole ia lakou ke aua ika leo, a nolaila, ua kuupau lakou i ke kahea inoa. Ua kapukapu Alii no ke ano o ka Moi, a ua maikai no hoi Kona Ola. Ika hoomaka ana 0 ka moku e holo, kiia na pu aloha Alii ma Puowaina, ame na pu o ka moku kaua Lukini " Calavala." Ua hoomau no ka lehnlehu 1 ka haiamu ma Ainahou, a hiki wale ka moku Alii mawaho iho o Kakaako, ia wa no ka hoomaka ana o ka lehulehu e hoopuehu aku. Ilaila na ano kanaka a pau, mai ka ui a ke kolopupu, o k.i aoao oolea, ame ka aoao palupalu. Ua kuuwelu ka hae ona moku a pau, a ua nani no hoi ke anaina ke nana'ku. Aia me ka Moi ka makou pule mau e hoohalawaiia inai ka huakai Alii me ka oluolu a me ka hauoli. Eke Akua, e kiai i ko makou Moi.