Ka Nupepa Kuokoa, Volume III, Number 22, 28 May 1864 — Kanikau aloha no P. Kamohai. [ARTICLE]

Kanikau aloha no P. Kamohai.

Kanikau aloha keia nou e Hookukukaopua ua i ke kai, He Opua ua no Kona, ua maiie, He Opua hailona na ke kupa o kai, ko inoa e, Nei halulu u-i-na iluna o Puupele ka lele'na, Lele ke ea kaili pau ka hanu, puaia ka uhane—a.

Paiauma, hina, lupea iluna o ka waa, e uwe, Uwe ae la no ke keiki i kona makua, Auwe kuu manaonao, kuu minamina, kuu paumako—. Kuu kaumaha, kuu luuluu e noho nei—e, Kuu makuakane hoi e, aloha !

Aloha ino no kuu makuakane alo ehu kai, Alo ua, alo makani, alo o ka la kulili—e. Kuu mak'uakane mai keone loa la e Onehali, Mai ka la haoa kunono la e Kulanaokalai, E makahehi ana i na lehua o Lihau, He hau ka makani, holo ke ala i kai o Launiupoko, E nana ana i ka lae makani la o Olowalu, Me he papakonane la ka makani ia Ukumehame, Pii aku kaua o ka piina ikiiki la o na pali, E ake aku ana e hala mai o Pohakuloa, Pau kuhihewa ia Manowainui, Hoomaha aku i luna o Aalaloloa, Alaila kuu ka luhi, ka nae, ka maloeloe, Auau aku i ka wai liula o ka Maomao—e. Kuu makuakane hoi e, aloha ! Kuu makuakane mai ke kaha loa o Kealia, E ake aku ana e inu i kahi wai huna kai la e Kalepolepo, [koko, Hele aku kaua o ke kaha ai ole o KaluaihaMai ke kula moano pu i ka la e Keawakapu, E makaikai ana i ka hale poepoe la i Makena, Alaila kaua momoe i ka luhi o ka hele ana, E kakali ana i na kukuna malamalama o Hokuloa,

A pii aku i ka piina loa la o Ulupalakua, E kukia ana i na kihapai pua o Knpunaki, Holo ke ala paoa ia luna o Malama, uhaiaholo ana i hala mai na Puumahoe, E hoolohe ana i ke kani haaheo a na manu, E kikiko-u ana i ka pua o ka lehua, Kuu makuake hoi e, aloha !

Huli ae kana nana i ka lae loa o Papaka, Ka waiho kahela a Keoneoio i ke awamoku, I-hu-pi ka lae o Pohakueaea i ka ino, Holo ka "wela ka hahana i ke a o Hanakaieie, Hele aku kaua oia waonahele kanaka ole, 0 ia kula loa mehameha ia e Auwahi, kiai ana ia lalo o \loanowainui, Auau aku kaua i kahi wahi o Waiapai, 1 nanea i ka pohu lai o Nuu—e. I Hoolohe ae o ke ahe makani a ka Moae, Ku ke'hu a ka makani Koholalele i ka moana, Ua ana kaua i ka inu i kahi wai o Waiu, Ake aku ka manao e ike ia Mokulau, Lau, mano, kmi, ke aioha e noho nei—e; Kuu makuakane hoi e, aloha ! Aia wahi kaua, hoi hou i ka home lai, Me he pukaaniani la Haleakala ka alohi lua i ka makani, [makualoa, Makani Kahikinui, ke pulumi mai la ia HaLoa ka hoi ana mai iuka o Poahu, [la, E ahu wale ana o Keokea me Kamaole i ka Lana ae ka manao e ike ia Puuokali, | Hanu aku ka ihu o ka lio i ka ua Ukiu o Makawao, Maao ae kahi manao i kahi wai o Alele, Lele ka hauli ke ike i kukui o Lilikoi, 0 ka nome a na bipi ai weuweu 1 KalanikaHe kahua holo na ka lio o Puunene, [hua, Piliia e kaua o Kanaha me Mauoni, Oni ka hueloo ka lio i ke one o Kahului, Pili ka hanu o na wai eha i ka makani, Kuu makuakane hoi e, aloha ! Kuu makuakane mai ka īhu la o ka waa, E hooiho ana i ka Jae ino e Mokuhia, E pae ana i ka ale kualoloa o ka moana, 1 ka ale poi hoi a halula wale iho, I ka ale ku hoi a akoako me he nalu la, Naueue ana ka hope o ka waa o kuu makuakane, 0 ka hoomala ia o ka pae ana o ka waa—e, Pae aku a hala mai o Puukoe, ka hae o Kahakuloa, Hoopololei ka ihu o ka waa i Honomana, Nana kahi manao o ka hala mai o Nakaleie, Lele ke ama hoalu ia ka pahee i oluolu, Oni ana Mokolea me Kunounou na lae ino o Honokohau. E awiwi aku ana i hala mai ka lae o Koea, Lea ka ena a ke kama aukai i Hawea, Alaila pau ke kupilikii o ka moana, Kuu makuakane hoi e, aloha ! [pih, Kuu makuakane mai ka ua Lililehua o Na--1 piliia e kaua ka aina me ka moana, Ua ana ole au i ka nui o ko aloha, E aloha ae ana au i ka malu Ulu o Lele, Lele ka hauli, kaili pau ke aho i ka la elua

o Aperila, O nei, o holo ka pihe i ke awakea, i ke ahiahi, E haiamu ana i ka malu hale o Wehekealoha, 0 lele walawala, o keehi ku, o ka uwe a kuu makuahine, E hoohelelei ana i na kulu waimaka, me he paka ua la, E hoope ana i na pola hainaka a ke aloha, Aloha ka makua o ka ua Paupili o Lahaina, Mai ka malu o ke kuikui o Milimilimoopuna, Ke milimili hele nei na moopuna i ko aloha, E ui ninau ana i na makua o lakou, Auhea la ko makou kupuna, o Pipi he inoa ? Ua hala, ua hala i ke ala Koiaweula, Kuu makuakane hoi e, aloha ! Kuu makuakane mai ka makani he Ma-a, E wehe ana i ka lau o na niu o Wailehua, He lehua oe he pookela no Makila, He aiwaiwa hoi no ka lai o Puehuehu, Kuu makua mai na po kanaka nui o Adamu, E hoolohe ana i ka leo o na puukani opiopio, 1 ke kani kuilua a na pila i ke aumoe, Moe au hoolono i ka leo o ka bele o Wainee, £ ka alohi lua a na puakaaniani i ka la, He la wela ke aloha e noho nei i kuu kino, E haukoi ana hoi ka puuwai me he ale la, E holo ana hoi na aakoko me he muliwai la, E kapalili ana hoi ke ake niau, me he pepa la i ka makani, Kuu makuakane hoi e, aloha ! Kuu makua mai ka malu haimuku o Uo, Mai ka malu kou Ia i Pelekane, Mai ka piha kanaka la e Keawaiki, E hoolohe ana i ka pakake a na haole, Kuu makuakane mai ka wai o Kapaulu, E ulu wale ana au i ko E kaikai hele ana i Puuohiwaii, A hoomaha aku ia luna o Puuopelu, Oia kula wela panoa au e Koloholo ai, A ike aku i ka maka o ke keiki la, E noho ana i ka malu kukui o Kaukaweli, I ka olu kohaihai hoi o Maunafiiku, O ka huikau hoi o na keiki o Lahainaluna,

Kahi hoi o ka naauao a me ka oiaio i noho ai, Kuu makuakane hoi e, aloha.' Kuu makuakane mai ka pono o ka Haku, E uhaiaholo ana i na la a pau, A haalele mai nei ia'u—e, Eia aku nei paha oe i ka Paresaido, I ke kulanakauhaule o lerusalema, I kahi ihi o ke Keiki Hipa kina oie, Aloha ! Aloha ! Aloha ka makua ! E oluolu nae au ma ka noonoo JBaibala, I hoikeia ma ka waha o Isaia, "Na lehova i haawi mai, na lehova i lawe aku," E hoomaikaiia ka inoa o lehova. D. Kahaulelio. Wailehua, Lahaina, Maii, Mei, 18, 1864.