Ka Nupepa Kuokoa, Volume III, Number 22, 28 May 1864 — KA MOOLELO O IOSEPA. [ARTICLE]

KA MOOLELO O IOSEPA.

18. OOKAHI NO MEA A lAKOBO I manao nui ai, makemake oia e kanu ia kona kino ma Kanaana, ma ka aina o kona poe kupuna, i moe pu kona mau iwi ma ko lakou ilina. Ua lilo ke Ana o Makepela i ke kuaiia e Aberahama, i ilina no lakou ; malaila kona mau iwi i waihoia'i e moe pu ana me Isaaka ame lsemaela ; a malaila o lakobo ame Esau i waiho ai ike kino o lsaaka. Malaila hoi o Sarai, o Kebeka, ame Lea kahi i kanuia'i, a malaila no hoi o lakobo i makemake nui e waiho pu ai mahope o kona make ana. No kona iini nui e hooko i keia manao, nolaila, ma ka hoohiki a losepa ma ia mea, oluolu ai oia. O ka hoohiki, he olelo paa loa ia, o keia hoohiki a losepa, he hoohiki i ke Akua ola ; ua like ia me ka olelo iho, " Ina aole au e hooko i keia olelo, e pono ke hoopai mai ke Akua ia'u." Oia no ke ano o ka hoohiki imua o na aha kanawai; he mea nui loa ia, he mea weliweli ka hooko ole i ka mea i hoohiki ai. Ua manao o lakoko he mea nui loa ka hoohiki; ua manao laua me losepa pela, a ua manao laua, aia pu no ke Akua ī ka hana ana o ia hana, e nana mai ana. He ano e keia hoohiki a losepa, a penei nae ka ka Baibala, a kokoke aku la i ka la e make ai o Iseraela, hea aku la ia i kana keiki ia losepa, 4 « Ina i loaa mai ia'u ke alohaia imua o kou maka, e kau mai oe i kou lima malalo o ko'u uha, a e hana mai oe ia'u ma ka lokomaikai ame ka oiaio, a mai kanu oe ia'u ma Aigupita nei. " E moe au me o'u mau makua, e lawe oe ia'u mai Aigupita aku, a e kanu ia'u ma ko lakou ilina." I aku la keia, " E hana no wau e like me kau olelo."

1 mai la no hoi kela, " E hoohiki mai oe ia'u," a hoohiki iho la kela, a kulou hoomana iho la o Iseraela ma ke poo o kona wahi moe. Ma ia hope iho, hoi aku Ia o losepa i kona home, me ka manao nae e kahea kokeia ana oia e ike i ka make ana o kona makuakane. A hiki mai la ka lohe kaumaha ia losepa, ua kokoke loa i ka luakupapau o Inkoho kona makuakane aloha. la.wa koke no, wikiwiki aku la o losepa e ike ia ia, a e hooluolu ia ia i na hora hope o kona ola ana, a e kokua ia ia e like me ke aloha i ka makua lokomaikai. Lawe pu o losepa i na keikikane elua, o Menase, ame Eperaima, o ka mua he 25 makahiki, a o ka hope hookahi makahiki, a he 65 makahiki o losepa ia wa. Ua nawaliwali loa o lakobo ia wa, a ua pili i kona moe, aia a lohe oia i ka hiki ana mai o losepa e ike ia ia, he oiuolu kona manao, a ua loaa ia ia ka ikaika e ala iluna ma kahi moe e uwe aloha ai me kana keiki, a e kamailio pu me ia. Ua makemake oia e hoike ia losepa i na mea ano nui mamua o kona make ana. Ua hoomanao oia i na olelo hoopomaikai a ke Akua ia Aberahama ame Isaaka, a ia ia iho hoi kekahi, a ua makemake oia e ike pono 0 losepa, he ano paulele kona ame kana mau keiki ia mau olelo hoopomaikai. Hoike aku la oia i ko ke Akua ikeia'na ia ia ma ka aina o Kanaana, a hoomaikai ia ia, a o ka olelo ia ia ia wa, i li!o kona mau mamo i poe nui loa, a e lilo ka aina o Kanaana ia lakou i hooilina mau. Hai aku la oia ia losepa, ua like o Menase laua Eperaima me kana mau keiki ponoi, e pili ana i kona ohana e like me kana mau keiki ponoi, a e komo ana iloko o na olelo hoopomaikai e pili ana i kana mau mamo. Ua paa kona manaoio i na olelo a ke Akua, aole ona kanalua no ko lakou ko ana, a no ka hoi ana o na mamo i ka aina o na makua, nolaila kona hooikaika ana ia losepa, a hookiki oia e lawe i kona kupapan i Kanaana ; a ua makemake oia ma keia olelo, e paa iloko o ka manao o losepa ame kona mau manao a pau i ke aloha nui i aina o na kupuna, a me ka makemake e hoi ilaila, i ka wa a ke Akua e hoomakaukau i ke alanui. O Kanaana kona nloha nui a hiki i ka wa 1 make ai; oluolu kona manao no ka hoomanao ana no kona kino kekahi e moe ai ilaila, oluolu loa oia i ka hoomanao i na mea i hala; a ua makemake oia e paipai hou ia losepa no ke aloha i ka aina o na kupuna, a ua hoike aku ia ia i kahi olelo no na m«a i hala, i mea e paipai i ke aioha o kona naau. Penei ka iakou olelo hoomanao : " I ko'u I hele ana mai mai Podana mai, make ae la o

Kahela ma ko'u aoao ma ka aina o Kanaana j ma ke ala kokoke e hiki aku ni i Eperata,! a kanu iho la au ia ia malaila ma ke ala maj Eperata, oia hoi o Betelehema." Ua aloha na lahui a pau i kahi i waiho ai na iwi o na knpuna, na ilina no ia o na mukua ! Ua ala na manao kaumaha ame ke aloha ma ia mau huaolelo. No ka elemakule loa o likobo, ua ane makapo loa ia, ua ike uuku, a powehiwehi wale no, " Owai laua nei?" Wahi a lakoho, no kona ike powehiwehi anu elua kanaka opiopio e ku kokoke ana i kona moe. " O ka'u mau keikikane no ia," wahi a losepa, " a ke Akua i haawi mai ai ia'u ma keia wahi." 1 mai la kela, " E hoonoho oe ia laua imua o'u, a c hoomaikai aku au ia laua." Oia ka olelo aloha oko laua kupunakane. I ko laua laweia'na imua ona, honi aela oia ia laua, a i aku la ia iosepa ( " Ua manao au mamua, aole e ike hou ia oe, aka, ua ae mai no ke Akua e ike i keia wa me ka'u mau moopuna keikikane pu kekahi. Lawe ae la o losepa i kana mau keikikane mawaena mai o kona mau kuli, a kulou iho la ia me kona maka ilalo i ka honua. Ua hana o losepa i keia mea e hoike aku ia lakobo, a ir.a mea a pau e pili ana i ke aloha nui ame ka manao mahalo i kona makuaknne elemakule, me ka hoopoina loa i ke ano waiwai ona, ame kona mana Kiaaina 0 Aigupita, i ka wa i ku ai oia he keiki ma ka moe o kona makuakane e kokoke ana i ka make. Ala ae la o losepa a lawe mai la i kona mau keikikane a kokoke i ke kupunakane, i loaa ai kona hoomaikai ana mai ; ma ka hana ana i keia, ua makemake oia ia lakoho e like me ka hana mau, e l'au i kona lima akan maluna o ke poo o ka makahiapo, a o ka lima hema hoi ma ke poo o ka hope mai, 1 ka wa e hoomaikai ai, aole nae pela ko lakob® manao. Hooholo aku la o Iseraela i kona lima akau a kau iho la ma ke poo o Eperaima, o ia hoi ke kaikaina, a o kona lima hema hoi ma ke poo o Menase, kau akamai no ia i kona lima ; no ka mea, o Menase ka hanau mua. Hoomaikai mai la oia ia losepa, i mai la, " Na ke Akua ka mea a ko'u mau makua o Aberahama me Isaaka i hele ae imua ona ; na ke Akua nana wau i malama mai ko'u wa uuku a hiki loa mai i keia la. " Na ka Anela i hoopakele mai ia'u mailoko mai o ka hewa a pau, e hoomaikni ia mau keiki, a e heaia ko'u inoa maluna o laua, ame ka inoa o ko'u makua o Aberahania ame Tsaaka, a e laha loa laua i poe nui

mawaena o ka honua»" Ua hookoia ka pule a lakoho, i lilo ai na mamo o Eperaima ame JVlenase i poe lehulehu loa ma ia hope aku. No ka mea, i ka wa ia Mose, he 200 makahiki a keu aku, mai ia wa aku, ua hiki ka heluna o na mamo kupono i kana, he 85,200, a ua oi hoi ka nui i ko na keiki eaea pau a lakoho. A ike aku la o losepa, ua kau aku kona makuakane i kona lima akau ma ke poo o Eperaima, ua hewa ia i kona maka, a hapai aela ia i ka Inna o kona malaiakane a i ke poo o Menase. I aku la hoi o losepa i kona makuakane, " Aole pela, e ko'u makuakane, o ke kaikuaana keia, e kau oe i kou lima akau malunu o kona poo." Hoole mai la kona makuakane, 41 Ua ike au, e kuu keiki, ua maopopo ia'u, e lilo no hoi ia i lahuikanaka nui loa, aka, o kona kaikaina, e kela aku ana kona nui mamua o keia, a e lilo ana ia i lahuikanaka nui loa." A hoomaikai aku la oia ia laun ia la, i aku la, " Iloko ou e hoomaikai aku ka Iseraela, me ka i ana aku, e hoohalike mai ke Akua ia oe me Eperaima ame Menase." I ka pau ana o keia hoomaikai ana i na keiki a losepa, i aku la o lakobo, "Maloko ou e hoomaikai ia o Iseraela, a e hoolilo mai ke Akua ia oe e like me Eperaima ame Menase," hoonoho no oia ia Eperaima mamua o Menase. Ma keia olelo, ame ko lakoho manao, e j lilo ana o Eperaima ame kona mau mamol he poe ikaika a pomaikai hoi, a pela no hoi na mamo a Menase ; a no ia mea, ini e ma-1 kemake na kanaka o Iseraela e pule ike| Akua e hoopomaikai i kekahi, ua pule aku! ia ia e hoolilo ia mea e pomaikai ai e like me na mamo a Eperaima ame Menase. Ua kokuaia o lakoho e ka Uhane o ke Akua i ka wa i hoomaikai ai i na moopuna ana, a ma na olelo i kana mau keikikane ponoi mamua o kona make ana. A ma ia mea, ua hiki ia ia ke nana imua a koho i na mea he nui e hiki mai ana i kona mau manao; a ua hookoia keia mau wanana ma ia hope iho. Olelo iho la oia no kona make ana, penei, " Eia hoi, ua kokoke au e make, a e noho ana no ke Akua me oukou, a e hoihoi aku no ia ia oukou i ka aina o ko oukou makuakane." Oia hoi, e lawe ke Akua i na mamo a losepa, ame na mamo o na keiki eaea lakobo o ka Iseraela a pau mai Aigupita mai, a lawe oku ia lakou i Konaana. Eia hoi kekahi olelo a lakobo ia losepa, " Ua haawi hoi au ia oe i kekahi puu o ka waiwai maluna o kou poe hanauna, i ka mea a u i loaa'i ma ka lima o ka Amora me kuu pahikaua, ame kuu kakaka." Ua manaoia o kela apana aina a lakobo i haawi ai ia losepa, ame kona mau mamo, a

ia no ia mn ke kulanakauhale o Sekema t o j ia ka mea ana i kuai ni me na keiki a Ha*j mosa ; ua lawe wale paha ka Amora me ka j lima ikaika, a ua loaa hou mai ma ke kaua.! Malaila na iwi o iosepa i waihoia'i, oia ka aina i oleloia ma ka mokuna eha o loane, no ka hele ana o lesu i Sukara, e kekoke ana i ka aina o lakobo i haawi aku ai no kana keiki no losepa. He hana nui koe ia rakobo, oia ka haawi ana i kana mau keiki a pau i ka olelo wa« nana no ke ano o na mnnao o na ohana, i ka wa e hiki hou ai lakou i Kannana. " E houluulu inai ia oukou iho," wahi ana, "e lohe oukou e na keiki a pau, e hoolohe mai ia lseraela i ko oukou makuakane." Ke ku poai nei lakou a pau ma ka moe o ko lakou makuakane e kokoke ana i ka make, he 12 lakou, aole i nalowole kekahi. Ano e keia halawai, mahope o na pilikia i loaa ia lakou a pau ! Pehea la auanei na olelo ame na manao ano wanana, e lohe ai lakou mai ka waha mai o ka mea e kokoke ana e komo i kela ao. Aia no ia olelo wanana a lakoho ma ka Baibala, a na oukou e heluhelu, a e noonoo ma ke ano. A pau ia olelo ana, a hoomaikai oia i na keiki a pau, kauoha hou o lakoho ia iakou e kanu ia ia me na makua ma ka ilina o Makapela, e kokoke ana i Heberona. Ika wa e olelo ana i keia mau olelo, e noho ana oia | iluna o kahi moe; nole hoi i manao ka poe e noho ana me ia, a e lohe ana i kona leo, e i hele koke ona oia i ka mnke. [ Pela nae ka oiaio, ua pau kana hana, ua | pau mau keiki i ka hoomaikaiia eia, a nawaliwali loa iho la ia, a kokoke loa i kona manawa i make loa ai. Moe oluolu oia, opili ae la ia i kona mau wawae maluna o kahi moe, kaili aku la ke aho a huipuia iho la ia me kona poe makua. He mea manao nui ia imua o lehova, no ka make ana o kona poe haipule. " E ake au e make i ka make ana o ka poe pono, i like hoi kuu hope me kona."

Makemake anei oe e make pela ? E hilinai ia lehova e like me lakoho ; e hilinai ia lesu ka mea i hoike lea ia oe, ka hoola hookahi. Aloha aku ia ia, e hoolohe ia ia, e hoohalike me ia, e hoolilo ia oe iho i kana hana, me ka hana maikai ia hai; e kau nui ka manao iluna i ka lani, e noho e like me lakobo ma ka mannoio, e makemake oe e hele, ke pau keia ola ana i ka i hoikeia maluna ma ka lani—oia ke Konaana kahi o ka maha mau.

Ina pela, e lana paha kou manao e make ai oe' e like me lakoho, me ka weliweli ole, he oluolu, me ka makaukau e haalele i ke ao nei, na hana, ame na pilikia, a noho mau me ka Haku. Hopena.