Ka Nupepa Kuokoa, Volume III, Number 23, 4 June 1864 — E malama pono! [ARTICLE]

E malama pono!

Ua hoopuka aku neiau mamua, e hookaawaleia na kula, e okoa na keikikane, a pela na kaikamahine ma kahi e e ao ai. O ke kumu nui oia hoookaawale ana, oia no ka huikau ole o na keikikane me na kaikamahine, i lohe ole ai na kaikamahine i na olelo ino a na keikikane; ina olelo hooipoipo, ina olelo pahele, a me na olelo hoowalewale he nui wale. O keia hoi kekahi mea ino loa i ka wa liilii, mai laila mai ka paa ana o ke koiohe a hiki i ka wa 00, paakiki loa na ino a pau loa. Ina e hookaawaleia na kula o keia mau mahele elua, ke manao nui nei au, aole e lohe mau na keiki liilii i na olelo ino a pau me ka maluma maikai ia, a me ke ao pono loa ia, alaila, e loaa auanei na pomaikaia pau, oia hoi ka naauao o na keiki a me ka loaa o ka pono Lani, a me na pomaikai e ae i o keia ola ana. Ina hoi e hui koke ia na mea i malama maikai ia, aole no e liuliu a hua koke mai no ka laau hua maikai, aole no he malili, aole hoi o-a, aka, ma aole malama ia, aole ao pono ia, e loaa no auanei na mea a pau i hai ia aku mamua, a me ka pono a me ka pilikia o keia ola ana, a he oi loa aku hoi j ka pilikia o ke ola Lani. E nana iho kakou i ka poe mahiai, i ka poe malama holoholona, i ka poe kalepa; e hana ana anei lakou i keia mau hana me ka malama ole, a me ka waiho wale aku ? Ke ae ae nei o Piuta. E ka mea e olelo ana pela, E ! ua oki oe e Piuta." E kiei mai kakou i keia a ike pono. Ekolu pomaikai nui o keia noho ana, ke ae ia nae e ka j>ua lehua e kau lailai_ ae . O ka mua, o ka loaa o ka naauao i te keilei a pomaikai ka makua. O ka lua, o ka pii a ulu hou keia Lahui e emi nei, a o ka pomaikai o ke Aupuni; a hookahi pomaikai Lani, 0 ka loaa o kela noho ana lai, eha ole, mai oie, luhi ole, pololi ole, makewai ole, kapa ole, a nui loa aku ia pomaikai 0 ka Uhane. Aka, ina no me keia e noho nei kakou me ka huikau o ke ao ana, he makehewa ke ao ana, a e ko no auanei ka olelo a na haole, e emi ana no keia Lahui, aka, ina e malama mai ke Aupuni, a me na makua hoi i na keiki i keia manawa. Ke lana haakei nei ko'u manao e ulu no. E na nmkua mea keiki, ke kau leo wale aku nei no au ia oukou, e mahmn pono mai 1 na keiki, mai kuu-ulala aku ia lakou, o loaa koke mai auanei i ka palaho, a mimino koke iho no. Ke i mai nei kekahi wahi makawela, " O ka hoomana kii" wa!e no ka mea i emi ai keia Lahui. Ke ae ae nei no o Piuta. Aole oia wale no ke kumu i emi ai keia Lahui, he nui loa no na mea i emi ai. O kaua e ke hoa iiiulaula, ua hai mua loa aku nei au, a koe ae no ka nui. Aia iloko 0 ka aoao palupalu kekahi mea ino loa, a he ku no hoi i ka pepehi kanaka ke ano oia hana ana. oia kela mea a'u i hui mua aku ai. E na makua mea keiki, e hookomo koke ae i ka oukou Bila no keia ano i na Lunamakaainana o ko oukou mau Apana, oiai ka wa kau Kanawai o keia A. D. 1864 e kokoke loa mai nei. E awili pu ae me keia, " E ao ia na ku!a a pau ma ka olelo Beritania wale no ma keia hope aku pela oukou e hoololi ae ai, a e oki loa na kuia maoli. Ke hai leo nui aku nei au ia oukou e na keiki a me na makua o oukou, 0 ka pomaikai ia i oleloia ; ina e holo ana ka oukou mau Bila o keia ano, alaila, e īke no auanei na keiki a oukou i kela ano hana i keia ano hana. 1 ke ao kauka kahi poe, i ke ao hana wili kahi poe, i ke ao holo inokuahi kahi poe, a pela wale aku. O keia mea he olelo Beritania, he olelo waiwai loa, olelo hanohano, he olelo launa pu me ka poe naauao 0 na aina e. Ina e malama pono oukou i na keiki, a me ke Aupuni pu, i ka hemolele a me ka maiu, alaila, e hoohua nui ia mai keia Lahui, alaila, mahea ka hoomanakii e loaa ma keia hope aku ? E nana ae no hoi kakou i na kumu a kakou, lonalona ko lakou mau alo i na anoano 0 ka malama maikai ana ia Amerika, a hoohua mai ia Hawaii nei. E K. Maakuia ! Kuu hoa imi hooulu i ka Lahui, e ala, a e eu, a e hann e like me ka mea pono, a me na hoa o ke kau Kanawai o keia kau, e nana mai, e kau i keia laau hooulu o kakou ka Lahui iliulaula. Pane mai paha auanei kekahi, " Ina e hoololiia i mau kula Beritania wale no, nui loa

na auhau e kau ia mai ai, a mahea la auanei e loaa koke ae ai ?" Eia no ka pono } lalau koke iho na llina knkauha i ka honua, imi, hana mau, hnna hooki ole, a pela no e loaa'i. Me ke aloha. Shere. Limanui. Wuiiuku, Mei 7. 1864.