Ka Nupepa Kuokoa, Volume III, Number 24, 11 June 1864 — Halawai Makaainana. [ARTICLE]

Halawai Makaainana.

E like me ka hoopanee ana o ka halawai a keia Ia 1 o iune, ua akoakoa hou na makaainana, a ua kohoia o J. O. Kawehe i Lunahoomalu, a o Chas. W. Kenui i Kakauoielo. Hoopuka mai o Mr. Kauwahi, kekahi o na Elele i aeia e koho no keia Apana, i kekahi mau olelo, penei: No ka mea, o ka Oleio Hoolaha a ka Moi i hoopukaia i ka la 5 o Mei, 1864, e kauoha mai ana i kona mau makaainana e koho i mau Elele e hele aku e kuka pu me ia, a me kona Ahaolelo Alii no ka noonoo ana i keknhi mau hoololi o ke Kumukanawai, ua ku no ia i ka mnnao aloha o ka Moi. i hoomahuahuaia mai ai na pono hou i ioaa ole mamua i kona poe kanaka, a i hoomauia hoi ka noho ana o na hooilin.i o ka noho Alii. A no ka mea hoi, aole no i ikeia maloko 0 ia Olelo Hoolaha kekahi kumu mak'au a hopohopo o kona mau makaainana aloha, e lilo ana kekahi o ko lakou mau pono kivila 1 keia manawa, aole hoi e hookaumahaia lakou a e auhau hou ia no kekahi aoao hoomana : Nolaila, e E koho no kakou i mau Elele e like no me ka hoolaha ana, a i mea a mau mea makaukau e hiki ai ke kokua i ka loaa ana o ia mau pono hou, me ka hoolilo ole aku i na pono mamua i loaa ia kakou malalo o ke Kumukanawai a me na kanawai o keia mannwa e noho nei. Hookoloia, O keia mau Elele, aole e hiki ia lakou ke hoololi a hoanoe ae paha i ke Kumukanawai, ke ole ia hoololi ana a hoanoe ana paha i ke Kumukanawai, he mea e hoomau ai i na pono mamua no ke kalepa a me ka hoomana ana, a e hoomahuahua hou mai ai hoi i na pono hou no kona mau kanaka, no ka pono a me ka hoomau ana o na hooilina o ka Noho Aiii. Hooholoia, E manao maopopoia, a kapa pono ia, o ka poe e kue ana i ka loaa hou ana o na pono i na makaainana a me na hooilina o fta Noho Alii mamuli o kela hoololi ana o ke Kumukanawai, he poe enemi maopopo iakou no ka Moi, ke Aupuni, a me i ka lahuikanaka mai o a o. I Hooholoia, O keia Aha Halawai ona makaainana, aole lakou e hoapono i na manao hooholo o ka Aha Halawai Kuka o na makaainana ma Honolulu o ka la 12 o Mei, ; koe wale no ka olelo hoohoio 3 a me ka 5, a aole hoi he manao o keia halawai he kupono i kekahi kahunapule o na aoao hoomana ke hele i Elele no keia kauoha, ke ole ia kahunapule he kanaka maoli no Hawaii nei. Ua hooholo loa ia keia mau olelo hooholo maluna, a ua kauohaia e hoolahaia iloko o ka nupepa Kuokoa a me P. C. Advertiscr. J. O. KAWEHE, Lunn Hoonialu. CHAS. W. KENUI, Kakauolelo. Eia kekahi, ma na halawai elua o na makaaina o Lahaina nei, ua hooholo no lakou e koho ia J. W. H. Kauwahi a me S. Hanemo i mau Elele no lakou. C. W. K.