Ka Nupepa Kuokoa, Volume III, Number 24, 11 June 1864 — Halawai Makaainana ma Makawao. [ARTICLE]

Halawai Makaainana ma Makawao.

Ahahui ona Makaainana ma Makawao, Mnui, i ka la 30 o Mei, 1864, no ke koho ana i Elele e hele imua o ka Moi Kamehameha V.,

Hoomaka ka hana, pule oJ. P. Green a pau.

Ku mai o J. P. Green, e noiana e koho ka Hale i Lunahoomalu, ua kohoia o M. Kapihe ka Lunahoomaiu, a o J. W. Haneo ke Kakauolelo. Wehewehe mai oJ. P. Green i kona manao i ka pilikia o keia lahui, ke lilo ke Kumukanawai, a hoololi kanawai ole ia paha.

Ku mai no hoi o R. Wainee e hoakaka ana i ka pomaikai o keia lahui ke lilo, a hoololi kumu ole ke Kumukanawai.

Ma ka noi a J. P. Green, ua hooholoia e koho ka Lunahoomalu i Komite nana e noo pono a koho i ka Elele kupono e hele imua oka Moi. Eia na inoa oua mau Komite la : T. H. Hobron, G. M. Spencer, J. T. Gower, B. H. Sniffins, P. Nui, Pepee, Puowaina, S H. Kaauamo, S. Kalama.

Ku mai o J, P. Green a bai mai oia kekahi e manao ana e hoio i Elele, ke kohoia mai e na makaainana, loihi no kona hai ana i kona manao ma kona aloha mau i ka Moi, a me kona manao e ku paa loa ma ke Kumukanawai. Pau kana olelo ana, ku mai o Wm. H. Uelealea, a hai mai no i kona manao e pono loa ke hoololi i ke Kumukanawai, Ku mai no hoi oJ. Nakila, oia no kekahi i manao e holo i Elele i na e ae ka Aha halawai. Pau na olelo o na Elele, hai mai leela mea keia mea i Uona manao. ikaika ka olelo a Wm. H. Kaauwai ma ka hoololi i ke Kumukanawai, pane mai no hoi o S. T. Alexander ame J. P. Green ma ka aoao o ke Kumukanawai, ma ke noi ana a J. P. Green ua puka aku na Komite koho Elele. A komo mai ua mau Komite la, ua heluheluia ka hoike a na Komūe e ke Kakauolelo. Eia no ua hoike la : OJ. P. Green no ka Elele kupono e hele aku imua o ka Moi. Ma ke noi ana a E. G. Beckwith, ua hoaponoia ka hoike ana a na Komite, aoie mea i | kue i keia kohoia ana o na haole. Ma ke noi ana a Wm. H. Kaauwai, ua heluhelu ia na manao hooholo, a ua hoohoiloia e ka hale, aole mea i kue mai. Eia Ino ia mnu olelo hooholo : No ka mea, ua kauoha mai ka Moi ia kakou e hoouna aku i Elele e kukakuka pu me ia i ka hoololi ana i ke Kumukanawai, a ke hana nei no makou e hke me ke kauoha: Nolaila, e Hooholoia 1. Ke kauoha aku nei makou a pau na makaainana o Makawao i na Eiele, aole o lakou mana e hoololi i keleahi Wii iki o ke Kumukanawai i haa\Vi lokomaikai ia mai ia kakou e Kauikeaouli Kamehameha Jll., ( E mahalo mau ia kona inoa,) no ka mea, ua hai ia mai no maloko o ua Kumukanawai nei, ke ano kupono i ka hoololi ana o na Kumukanawai,

Hooholoiu 2. He poe oloha nui kakou a pau iko kakou Moi ia Kamehameha V., A he manao lana no ko kakou ma kona aloha i keia lahui, aka, ke hoomaopopo nei makou, o ka poe Kuhina e manao nei e hoololi kanawai ole, a kapa'e paha i ke Kumukanawai, he poe enemi laKou i kaMoi, i keia Au].uni, a ī keia lahui, a ke noi haahaa aku nei maUou i ka Moi e hoopau koke i ko lakoi# noho Kuhina ana, o poino a haunaele keia Aupuni. Hooholoia 3. A ke kauoha aku nei makou i na Elele, aole o lakou mana e hookoino i ko lakou lima iloko o ka waihona dala o keia Aupuni. Oko lakou uku ma keia hele ana, na lakou ponoi no e lawe, aole na ke Aupuui. Patj ka hana ana, a ua hookuuia ka Aha halawai. Na'u na ke Kakauolelo oka Aha halawai. J. W. Hanf.o. Makawao, Mei, 80, 1864.