Ka Nupepa Kuokoa, Volume III, Number 24, 11 June 1864 — He wahi Nu hou. [ARTICLE]

He wahi Nu hou.

E ka Nupepa Kuokoa e ; oe:—He wahi Nu hou ka'u e waiho aku ia oe, a i na he pono no ke waiho iloko o kou mau lalani, e hiki no ia oe lee hana pela,a eia ua nu hou la. Ua kakau kauoha ikaikaia ka Lunakanawai apana o keia Mokupuni e hooikuika loa oia, i koho ole ia na haole i mau Elele, e hele ana i ke Kauoha a Ka Moi— Penei no ke ano o ke kakau ana. " E hooikaika loa oe ia oe iho, a me ka Lunamakai, a me na Makai malalo iho o olua, i ole e kohoia na haoie i mau Elele no ka halawai Elele a Ka Moi i Kauoha mai nei; no ka mea, aole he pono na haole ke kohoia i mau Elele, aka, o na kanaka maoli na mea pono ke kohoiu i mau Elele—Nolaila, he pono ia oe e hana koke i balota nou iho, a e lawe oe i kekahi kanaka maoli e ae me oe, i na o Kuaka oia no; a e keakea aku oe i ka hana o na poe e kue nei i ka manaoa Ka Moi —E hoonoho aku oe i hope nou ma ke kiai hana balota ana ma ka pahu baiota; a e nana oe i kanaka noonoo i hiki iaia ke noho ma ke kiai pahu balota, a e hana ia me ke akamai loa, i ole e puka kekahi haole ma ka hana balota ana." Oia na olelo o ka palapala i palapalaia i ko makou Lunakanawai apana; pole no hoi i pau na olelo o ua palapala la i ka hai ia maanei, o ka mea nana i kakau kela palapala. oia no ke Kiaaina o naMokupuni o Maui, Molokai a me Lanai— Ua haawi ia mai ua palapala Ia e heluhelu, a ua heluhelu wau a me kuu mau hoa hele, i- na olelo a pau o ua palapala apiki la. Aole anei o keia ka hoomaka ana e hookahuli i ko kakou Kumukanawai makamae, kahi i ne ia na kanaka a pau, e koho aku ma ka balota ana (me ka hooweliweli ole ia, a me ke kauoha ole ia mai e na Kiaaina a poe e ae paha,} i na lunaa lakou i makemake ai ? I ka nana ana'ku, o ka hoomaka mua no keia o ka hoolilo ana o na pono a pau o kakou ona makaainana o Hawaii nei. Ina he hiki i na poe e noho ana ma na wahi kiekie o ko kakou Aupuni, e hoomakaukau, a e hooweliweli, a kauoha kanawai aku i ua makaainana, i na mea a lakou e koho balota ai, e like me na gpa i haiia maluna, alaila, he oi-iio maoli no, o ka hoomuka lima ikaika no keia e lawe pio i na pono a pau loa o kakou ona makaainana. Me ka mahalo i nahoao'u. Kanakamaoli. Wahine Pupule Make.—Ma ka la 6 iho nei o kera malama, ua make kekahi wahine pupule ma ka Halewai, ma Honolulu, aole nae i ikeia kahi nona maioia, ua hopuia oia ma ka la 28 o Apetila, e hele wale ana me ka ulala hele ika po. Ua kakauia ka uhi ma kona lima, a penei no ia : Keoni Lai Kapapale Naake." Ua pai inakou i keia wahi mea, no ka manao ana, he makamaka no koe ona e ola nei.