Ka Nupepa Kuokoa, Volume III, Number 27, 2 July 1864 — Pepehi kanaka ma Kipahulu. [ARTICLE]

Pepehi kanaka ma Kipahulu.

E ka Nupepa Kuokoa e ; oe:—He wahi mea hou ka'u e hai aku nei ia oe, a nau hoi ia e hai ae ma ke akea, i ike mai ai na kanaka a pau mai Hawaii a Kuuai, hookoe aku o Niihau no ka ilikeokeo. 1 ka malama o Aperila, ua make o Nahinu kekahi haumana o ke Kula Nui o Lahainaluna. A penei ke kumu o kona make ana,i kekahi la, oia ka poaono, hele aku la o Nahinu i ka hale o Kahula, aia ia vva hi ma Kakalahale, he Ahaaina Aweuweu na na wahine olaila; ia la no, ua komo pu o Nahinu iloko oia Ahaaina. A i ke ahiahi ana'ku, hoi aku la o Nahi- j nu i kona hale, ma kahi o C. K. Kakani, a ahiahi poeleele, hele aku la o Nahinu ma kahi o Mokoliko, aia ia wahi e pili koke ana ma kahi oua Nahinu nei i make ai. Ua pepehiia oia i ua ahiahi hoomalolo nei. A ao u.i po nei, oia ka la Sabati, ua imiia o Nahinu ia la a po aole i loaa,, a ao ae o ka Poakahi, loaa kona kino kupapau e waiho ana maloko o ka wai, o Pupuka ka inoa oia wahi, he pali kiekie loa ia ke nana iho maluna. Ua laweia mai ke kino kupapau o Kahinu mailoko mai o ka wai. ua heie kahiko e no i ka po poaono kona hoa hoomanawanui o ka imi ana i neia mea he naauao, a oia no hoi ka mea nana e hoonioni na aa o ka puuwai a ke aloha e pili ana me ke ea, 0 ka mea nana i hoopumehana i kona nui kino. Ua kauoha ka Lunakanawai oC- K. Kakani i mau jure, na lakou e imi i ka mea 1 make ai o Nahinu, ua like ole ka manao o lakou; ekolu o iakou e manao ana, ua make o Nahinu ika pepehiia; ekolu hoi e olelo ana, ua make i ka lilo ana i ka wai. A mahope iho, ua hooholo na jure, ua make i ka wai, no ka loaa ole ona hoike ku ppno, ua hoomoe ia, a mahope, loaa iho nei ka mea nana i pepehio Nahinu, o kona inoa o Mi>koliku, oia ka mea nana i pepehi o Nahin«, ua hai no o Mokoliu imua o ka Lunakanawai i keia mau la i kaahope ae nei. Ua laweia'ku o Mokoliku e paa'i ma Lahaina, a hski mai ke jure, aiaila hookolokolo ia oia. Auhea oukou ena makamaka a pau a me na hoa Lahainaluna o Nahinu, e ao oukou. '*0 ka uku oka hana hewa, oka make tjo ia/' S. W. K. Kekalohk. Waiha, Klpahulu, .Aīaui, Mei 28, 1864.