Ka Nupepa Kuokoa, Volume III, Number 28, 9 July 1864 — No ka imihala. [ARTICLE]

No ka imihala.

E ka Nupepa Kuokoa e; Aloha oe :—Ke Kilohana Pookela o ka Lahui Hawaii, ka wai lohi ume naau i ka poe nana e kilohi. kou mau aoao, ine ka naau menemene no i ka hooili aku i keia wahi ukana maluna o kou kino, aka, i na he mea oluolu i kou Lunahooponopono ke hookomo iho i kahi ukana i haiia maluna, ma kahi kaawale o kou mau aoao a pau. Eia no ia : O ka i.nihala, oia no ka matiao ino, hauhua, ohumu wale me ka hoopili wale nku i ka hewa maluna o ke kino holookoa o ka makamaka, me ka ike ole ia. O ka hapanui no ia o na kanaka ma ko makou apana e noho nei, o ka imi ana 1 hewa no kekahi ma ka imihala ana, aole hoi ma ka 'oiaio wale no. ua imi wale aku kekahi i pilikia no kekahi, ma keia hana ino oia hoi'ka imihala ana. E hoomaopopo mua kakou i na kumu e hiki mai ai keia mea ino iloko o ke kanaka, oia ka imihala (akahi.) o ka noho o ka naau aloha ole iloko o kona kino. o na manao ino a pau, oia ka mea i waiho ia iloko o kona naau, a aole e loaa ia ia ka manao maikai, nolaila, i na e nele ke aloha iloko o ke kanaka, alaila, aole no e nele kona imihala ana i kona makamaka, i mea e hewa ai oia, ia ia a lilo ka noho maikai ana i inea e ino ai, mamuli o keia mea ino īpuka mai ai mailoko mai o ke kanaka, oia ka imi hala ana, ( elua.) o ka manao o ke kanaka e lilo ia i mea nui iloko o kona apana iho ma na oihan o ke aupuni, o na'lii ame ko ke Akua aupuni, pela ko'u ike ma ko makou apana nei. Penei e maopopo ai, i na ua Johe ia in«i o mea e lilo ana oia ka luna ohi, a i ole e kohoia ana o mea i haiolelo, i luna Ekaiesia, a i puuku, alaila, i ka wa i iohe ai keia kanaka, o kona hele aku la no ia imua o na Luna aupuni, a i imua hoi o na kahunapule, me ka olelo aku, aole pono o mea, he kanaka hewa, ua lohe au ua inu a ona, ame kekahi mau hewa e ae, me ke kuhikuhi o kana mau olelo hoahewa ia hai, me ka hoapono ia ia iho, nolaila, o ka manao nui o keia kunaka e lilo ia i mea nui, oia ke knmu o kona imi hala ana i kona makamaka, a lilo ka inoa maikai i kau īa maluna o ka makamaka i mea ino, i na paha he kanaka ike hohonu keia i ka B»ibHla, ina ua loaa kona alanui e hele ai o ka ike, a lohe paha i ka hewa o ka makamaka, e hele aku e ninau ia ia, a i hoole mai, e kono aku i elua, a 1 hoole hou mai, e hāawi ae na ka Ekalesia e hana, ina pela e hana ai oia, ka lula o kapoe maikai a malama i ka pono. (Ekolu,) 0 ka puni wniwai, oia kekahi kumu e hiki mai ai keia manao ino iloko o ke kanaka, oia ka imihala, pela ko'u ike ma ko makou apana, i na he kanaka kuonoono oe, he aina kuai kou. he mau iio maikai paha, a i ole ia he puu dala paha ma kou lima, a lohe wale ia kekahi hewa nou, he ona paha, a i ole ia, 0 kekahi mau hewa e ae paha, alaila, he hiki no i na makai ame kekahi poe e ae paha ke imi i mau hoike me ke ao aku ina olelo, me nei oukou e olelo ai, ua ioaa pono aku no 0 mea e inu ana. e ona ana, e moe kolohe ana, pela oukou e olelo ai, i hoopai ia loa ko kakou wahi uku. Aole no hoi e imihala ia i na he wahi kanaka ilihune ka mea e hana ana i ka heWH, aole e kii i* e hopu, no ka mea, aole e hiki ia ia ke hookaa i kona uku, nolaila, o ka puni waiwai, oia ke kumu e imi ai i mau hoike wahahee e haku aku ai 1 hewa no ka makamaka, ma ka imihala ana i mea

e hewa ai, aole keia he ike moowini, hē ike keia i hoomalamalama ia i mua o ka lehulehu e noho nei, o ka imi ana i mou hoike wahahee ma ka makemake i ke dala, aole ma ka pololei maoli, nolaila, e o'u mau hoa mai Hawaii o Keawe, a Kauai o Mano, ina ua koe aku kekahi mau kumu e hiki mai ai keia ino o ka imihala, e wiki oukou i ka hoopuka mai, i ike iho ka poe i imihala o ko makou apana nei. Me ka mahalo ika Luna o ke Kuokov, ua pau. JoHN HELEIKEANU-