Ka Nupepa Kuokoa, Volume III, Number 28, 9 July 1864 — No ke koho ana i na Elele. [ARTICLE]

No ke koho ana i na Elele.

' Ke hai aku nei au i ke ano o ke koho ana i na Elele, e like me ka Olelo lloolaha Alii ako kakou Moi Kamehameha V. Ua hoohamamaia ka pahu balota ma ka hora 8 o ke kakahiaka, a ua hele mai na mea i manaoia e na Makaainana, oia hoi o J. H. Heleluhe, a me J. P. Kauwalu, aia nae oia ma Waialua, Oahu. tJa nui ka poe i hooikaika no J. P. Kauwalu, me ka hooho nui o na kanaka a pau e puka ana oia. Hookahi no nae mea hooileaika iko Mr. Heleluhe balota. I ka hiki ana nae i ka hora 5 o ke ahiahi, ua weheia ka pahu, a i ka heluia ana hoi o na balota, eia ka ua puka ka mea i manao oleia e puka, oia hoi o J. H. Heleluhe, he 135 ona mau balota, ao J. P. Kauwalu, he 105, A oJ. H. Heleluhe ka mea i kohoia. He inu ti hoi ma ia la na na keiki o Aloi poe. Me ka mahalo. M. Kekino. Kapoho, Puna, Hawah, lune 13, 1864.