Ka Nupepa Kuokoa, Volume III, Number 29, 16 July 1864 — I ko Ewa poe. [ARTICLE]

I ko Ewa poe.

Honolulu, lulai 14th, 1864. Ahha ouhon e ho Etoa poe, ameko Waianae. Ua inakemake au e hai aku ia oukou i na mea e hannia nei ma ka Ahaolelo hana Kumukanawai, no ka mea, ua ike no oukou, no oukou no ka mana e hana i ke Kumukanawai i mea e pono ai ko kakou Aupuni; a ua maopopo no hoi ia oukou, aole e lilo ana ke-

kahi o ko oukou mau pono, a me ko oukou pomaikai i loaa mamua, ma keia hana hou ana i ke Kumukanawai; nolaila, e hana ana no au mamuli o ko oukou mukemake, a o ke Kumuknnawai a'u e hana ai mamuh o ko ©ukou makemake, ua oi aku kona maikai, mamua ae o ke Kumukanawai, a na'lii wale no ī hana ai me ko oukou hana pu ole; He oiaio no, no oukou no e ko Ewa, a me ko Waianae, ka mana e hana i Kumukanawai. Aole e hiki ke Kumukanawai, ke hanaia e Ka Moi a me na'liii- wale no, me ko oukou hana pu ole, a pela no hoi ka mana i loaa like i na Makaainana a pau, mai Hawaii, a hiki aku i Kauai, a kaulele aku ma Nnhau, aka, iloko o keia Aha hana Kumukanawai e noho nei ke hoole mai nei ka Elele o Makawao, a me Kona Hema, o ko Ka'u, o Hilo, a me Waimea i Kauai, a me kekahi mau Elele o Honoiulu nei; ake kikoola nei ika mana hana Kumukanawai o ko laila mau Makaainana, me ka hoole wale i keia mana nui, a me ka hoole no hoi i ko oukou e ko Ewa, a me ko Waianae, aole o oukou mana e hana i ke Kumukanawai, aka, ke kupaaloanei au, aola au e ae aku e kiola wale ia ko oukou mana ma keia mea nui, a, ke minamina loa nei hoi au i ka ike ole o ko laila mau Makaainana i ka hana a ko lakou mau Elele e hana nei iloko o keia Aha, no ko lakou hoole wale ana i ka mana o na Makaainana nana lakou i koho mai, a me ka hoowahawaha hoi o na poe Elele la i Ka Moi, a me na'lii, no ka mea, ua makaukau ia mana hana Kumukanawai a i elua e haka pu me na Makaainana i ke Kumukanawai o ke Aupuni. Aloha okukou, Me ka mahalo, J. P. E. Kahaleaahu. Ka Elele o Ewa, a me Waianae.