Ka Nupepa Kuokoa, Volume III, Number 29, 16 July 1864 — Nui ka Lama Kohala Akau nei. [ARTICLE]

Nui ka Lama Kohala Akau nei.

E ka Nupepa Kuokoa e ; Aloha oe :—Oiai, ua halawai mai ia'u nei kahi inanao kaumaha, e hoopuka aku ma ke akea, i ka mea nona ke poomanao maluna ae; " Nui ka La ma Kohala Akau nei." A, oia kau e lawe hele ae e ke Kilohana Pookela o keia Lahui imua o ka lehulehu. Aneane elua nialama a oi aku, ka panoa ana o ka lepo o na wahi ma ka aoao komohana o Kohala Akau nei, aole hauie mai o na kuluwai huihui mai ka Lani mai, o na ao ua lipolipo o ka lewa ka mea ikeia'ku, i ka hele mai a hoomakua iua iluna o Pihenakalani, me ka manao, e hanaio iho ana ia mau ao, e ia ka ! he mau ao i leleino ika makani. Ma ke ahiahi, ua ike ia'ku ka pouli panopano pono ole nno mai o ka lewa, a i ke kakahiaka ana ae, ua ka-iae maikai ka Lani, a i ka wa i puka mai ai na kukuna wela o ka La, aole o kana mai a ke omo ana i na mea ma'u o na mea kupu, a palupalu ko lakou ulu ana a lilo i ka malo'o, pilikia na holoholona, me na kanaka pu kekahi.

O na wahi i ike ia aku ka malo'o o na launahelehele, ua like pu me kahi i puhi ia i ke ahi, ke koe o ka lepo wale no. Mai Waika a hiki aku i Honoipu, i na e pii a luna o na wahi kiekie ; oia hoi iluna o na lalani pu'u o Kohala Akau nei, huli aku na maka nana i ke komohana, o ka ulaula ka mea ikeia, aole o na lau uliuli o no mea kupu. Aka, i na e huli aku nana na maka i ka hikina, e ahoia, he oluolu na maka ka nana'ku. O na holoholona ka mea kaumaha o ka manao ke nana'ku, i ko lakou pii ana aluna o na ahua, e ha'u wale ai i ka makani, e pauma ana na pu'uwai i ke eo maikai: a me ka holo nui ana iloko o na u'.u-laau, e imi hele ana i ka wai. Ke ola o na hanaka. Ua ola na kanaka o keia mau apana, mamuli o ka hoomanawanui ana o na kino i ka noho ma keia mau wahi, o ka mahiai ana, aia ma Kohala—Joko; he manao ne e hele, o ke

aloha i ka pumehana o ka La o ka aina kula; " i kahi La ae paha a La," wahi a ka mea i noho a aloha ole i keia wahi. Me ka mahaio no. S. W. Beniamina. Kaipuhaa, Kohala, A., Mei 81, 1864.