Ka Nupepa Kuokoa, Volume III, Number 29, 16 July 1864 — Aha Himeni. [ARTICLE]

Aha Himeni.

No ka Aha Himeni a na'Lii.—Ma ka po Poakahi iho nei, ua himeni mai ka Ahahui himeni a makou i hoike mua'ku ai, he makehewa paha ia makou ke olelo ae o mea ka lea, a o mea ka lea, no ka mea, ua pu ia pu no ke kula ika lea. Oka makou mea nae emahalo ai mai ka iwihilo mai ame ka iho 0 ko makou puuwai, oia no ka lokomaikai hiwahiwa o na'Lii i komo iloko o ia Ahahui himeni, oia hoi o Ka Mea Kiekie ke kama AliioHawaii V. Kamamalu Kaahumanu, Ka Mea Hanohano Kiekie B. Pauahi Bishop, Ka Mea Hanohano Lilia Kamakaeha Domonis, Na Mea Hanohano Col. D. Kalakaua ame Col. P. Y. Kekuaokalani, ame kekahi poe hanohano e ae, ma ia po ua hana oukou 1 ka hana lokomaikai nui, ua imi oukou mamuli o ko oukou hooluhi kino ana i mea e loaa mai ke dala i hiki ai ke hoopauia ka pilikia ame ka ehaeha o na kanaka hune o ko oukou lahui nei,—a ma ia hana ana, ua kanu iho oukou i ko oukou mau inoa ma ke kiahoomanao pau ole, oia hoi ka puuwai o na leanaka Hawaii, no ka mea, ua Jokomaikai a ua aloha io oukou i ko oukou Jahui. A ke haaheo kumu nei ka lahui Hawaii i kona ohana Alii lokomaikai. Ua haawi Ka Moi he SlOO, a o ke Kuhina Nui he $50 no ia hana maikai. Eke Akua e hoola ika Moi ame kona mau Alii.