Ka Nupepa Kuokoa, Volume III, Number 30, 23 July 1864 — Pakike aku ia S. R. H. Makaena. [ARTICLE]

Pakike aku ia S. R. H. Makaena.

E ka Nopepa Kuokoa e ; Aloha oe:—O ka akahi no keia o ko kaua launa kamailio ana iloko o keia mau makahiki Ekolu o kou kaapuni ana mai ia'u, akahi no hoi au a hoounauna aku ia oe e kuu " kii milimili," " aohe wa—a —ua ao ka po aiia e kahi ha-liuli-puhi." No kuu ike ana ma kou Helu 25 oka la 18 o lune, i na olelo a S. R. H. Makaena o " Kauai a Keolewn iluna " e olelo ana, "he kanaka aioha liio," a malaila, ko'u makemake e pakike aku īa ia. Kupanah ! Kupanaha!! E Makaena—e, aole ika nuina, ia oe wale no; Heaha iho ia ko ulaia hewa o kona «loha ana i ka Ilio ? ua ku pono loa la ulaia ana i kona Ilio, no ka mea, ua pili ia ka hele ana, ua piiiia ka nohe ana, a ua piliia na hana a pau, a, ua ano like no hoi me ke keiki. A aloha waleia kn hoi o Kaunuohua he puu wale no hoi kela, a me ia wahi no hoi au e olelo mai la, " aloha o Kalanipuu a-u ana i ke kai," a me ia wahi mele no hoi a oukou e mele nei, "No Kilauea no ke aloha-la, O ka Moku-ahi o ke kaona—la, No Lahela no ke aloha-la, Lio kainepu o ke kaona--la," e Makaena—e! Heaha iho la ka mea i aloha ia'i o keia Moku-ahi Kilauea, a me keia Lio Lahela, no ka mea, aole laua i ae ia'ku. E laa hoi keia, o ka hoa pili maoli no hoi keia o ke kino, pehea la hoi e ole ai ke aloha ? a o ke Kanawai nui no hoi keia i kakau ia ma ka kakou Baibala. " O ke aloha he nea nui, he mea pau ole ke aloha, i hoike no keia, e nana oe ma ka palapala i kakau ia e Mareko 12 : 31. iioma 13 : 10. 1 loane 3: 18.—4: 20. Epeso 5: 12. Apela'ku no, pono no ke aloha, o ka hewa nae ka hooi aku i ke aloha i ka ilio, a ma keia mau pauku, e ike auanei oe, aole i kauoha ia mai e aloha wale no i ka kanaka, e like me oe ia oe iho, aka, e aloha no i na mea a pau loa, alaila, make-pono loa ke aloha i ke Akua, i ka mea ike maka ole ia, aka, aole nae i kauoha ia mai keia mau pauku Uaihala e aloha i ka Ilio.

E Makaena-e !—Ke olelo hoa mai nei no oe, "me e no hoi Ue aloha o keia kanaka i kana Ilio, o ke aloha pnha īa ke haawi la i hookahi kauna pu'u aloha no kana Uio," E Makaena-e !—Heaha iho la hoi auanei ka hewa oia ki pu ana a Ulaia, o ka hoike io no ia o ke aloha nui i ka hoa pili he Ilio, e like me ko ka Ilio aloha i kona kahu, i na makahiki he nui, (iwakalua paha) pela no hoi e aloha ai ke kahu i ka Ilio. E S. K. H. Makaena-e !—Ke hoike mai nei ka hope o kou kukulu manao ana. "He mea kupanaha keia, iloko o na makahiki he 35 o ko'u ola ana ina keia ao, aole au i ike i kekahi mea e hana ia ana e like me keia, aole paha owau wale no ka haohao no keia, o kakou pu no paha a pau ?"

E Makaena-e ; —la oe wale aku la no, a heaha la hoi ko mea i aioha ai ka poe heluhelu Kuokoa, no ka mea, aohe oe i launa me* kekahi o lakou, a i oi pakela hoi ko aloha i ke " Kilohana Pookela o ka Lahui Hawaii" i ke aha? no ka mea, akolu wale no makahiki kona launa ana me oe, a pehea hoi kela ? Pilikia oe! E Makaena-e —Eia mai ke kanaenae, e hai mai oe. E hele pu ana kekahi makuakane me kana mau keiki ekolu ma kahi mehameha maluna o na Lio, lele mai la ka powa maluna 0 ka makuakane,pepehi ia ia akokokemake loa, a eia ka hana a na keiki. O kekahi keiki, ua alualu aku oia i ka powa. O ka lua o ke keiki, ua noho iho oia e kokua i ka eha o ka makuakane. A, eia ka ninau ia oe e Makaena: Owai ekolu ke keiki i oi aku o kona aloha 1 ka (Alemanaka o ka 1862.") E Maka^; aloha oe:—Ke hoi nei au e lilo aku a kuu wahi Kekakake, auhea oe? 1 noho a i ipanao e imi ae ia'u, e ninau iho no i kamaaina, ana lakou ia e kuhikuhi ae i ko'u wahi noho, aia la i ka „aka o Paliuli, mauka iho o ke aianui Aupuni. E wiki oe ke " Kilohana " o moe e mai auanei o Makaena. Me ke aloha no. M. Keomanu. Lalaloa, Hoekena-uka, Hawaii. īune 29, 1864.