Ka Nupepa Kuokoa, Volume III, Number 30, 23 July 1864 — No ke Kope. [ARTICLE]

No ke Kope.

E ka Nupepa Kuokoa e ; Aloha oe:—No ka loaa ana mai o kahi ukana kupono e hookomo aku ma kou rumi hookipa, e !ike me na hua nui i kauia maluna, ke ole nae hoi i piha kui na kihi eha o kou kino momona.

iVo ke Kope. Oia hoi ko Hamakua nei kope, mokupuni o Hawaii, no ka mea. ma Kona kahi nui o ke kope, a he kop:; maikai loa ko laila, me ka pii no hoi o ke kumukuai, he 15 keneta a hiki aku i ka 20 keneta no ka paona hookahi; a pela no hoi ko Hilo kope. O keia mau wahi i hai ia, he mau lupe lele laua no keia mokupuni no na makahiki i hala'e, a pela no paha i keia wa. O ko Hamakua kope hoi i keia manawa, ke oni ae la malalo o na kakaiapola o r<a lupe lele i haiia maluna, a e kau pu paha auanei lakou i na eheu o ka makani, me ka pulu oko lakou mau kino i ka-ua-awa oka pomaikai. O kahi hikiwawe o ko Hamakua kope ma ke kanu ana, aia mauka ma ka pili ohia, ma laila no hoi au i ike ai i ka hikiwawe o ke kanu ana o ke kope me ka hakalia ole o ka ulu ana. Ma ka makahiki 1862, ma ka malama o Aperila, ua hnomaka au e kanu i na kawowo kope, he 500 aoi ae ka nui ona kumn i kanuia. No ke kana ana. Ua kanu mua ia no e o'u mau wahi kupuna i ke kalo, a ua o-a pu ia ke kanu ana o ke kope me ke kalo, he kawowo liilii ioa, mai ka hapa kapuai a hiki i ke kapuai okoa, ka loloa o ka kawowo i kanuia, nolaile, 2 makahiki me 3 malama ka nui o kona manawa mai ka hoomakaia ana o ke kanu a hiki i ka wa i hoohuaia mai ai kona hua e hoomaka nei, a ua hoihoi loa ka manao ma ka ike ana aku i kona hua nui ana mai, ame ka iho makawalu hou ana mai o ka pua ana i keia makahiki. A no keia mea, ua hoolana hou ia mai ko'u manao e kanu hou i mau kumu kope, i oi ae ka nui o na kumu mamua o ke tausani hookahi.

Nolaila, ke kau leo aku nei au i o'u mau hoa paaua o ka " Ahahui Mahiai Manaopaa o Ahualoa," e hapai like kakou i keia hana me ke kanalua ole, aole no hoi ma ke kanu kope wale no e loaa ai ko kakou pomaikai, e kanu i ka pulupulu, ke kumu waiwai nui o Amerika Huipuia, a me na Aupuni a pau o Europa. Ka pulupulu, ko, kope, huita, papapa a pela aku, ka mea hiki i ke kalepa ana me na Aupuni nui o ka honua. Aka, he kumu kanalua no nae ko kekahi poe e noho nei no ke kope; 1. No ka loihi loa o ka ulu ana o ke kope, a he inau makahiki ai aku i kona hua, 2. No ke kuhihewa o ka manao, aole eai i kona hua a make e no, a pomaikai wale aku no ka poe ola ana, me ko lakou ike ole i ka luhi o ka hana ana i kinohi. 3. No ka lohe ia ana mai nei, e puka mai ana ka naonao hoopau ina mea kanu mai Hilo mai. 4. No ka lilo ika pa wahi kiaha U., M., 0., P., K. a pela aku he nui wnle, he mau wai hooikaika kino, i lilo ai ke ano elemakule i mea opio wale, a kau ae hoi maluna o kahi lio, holo io i anei melea loa ole o kahi helu o ka la, me ka luhiua i ka ai a ka lio na hai e hooholo mai a puka ke kua. Me ke aloha ina hoa.

Wm. E. K *