Ka Nupepa Kuokoa, Volume III, Number 30, 23 July 1864 — He inoa no Kahakupoalani. [ARTICLE]

He inoa no Kahakupoalani.

Ke mahalo nei au i ka nanio Kanla, Ka pua lose i ke alo o na kuahiwi, Oia ka heke, ke keu o na mokupnni, Ke kilohanu maikai o na mauna i ka lai, Ka umauma henehene o ke kupukupu i ke I ke nahu kepa poe ia e ka waikoloa, [kula, Ponuhu ka ulu o ka ohelo neenee i ka papa, Papu ka hoke ia a kalena i ka maikai, Palahalaha Le kikala o maunauna, Palupalu ka iwi aoao o ke alo o ka pali, Ke wehe aku i ke kino o malamanui, Aala ka hanu noe a ka mauu, Ka hiohina maikai a kuu aloha, Kau mea mau i ka wai a ka naulu, Hue lalahu i ka poli o Kanehoa, I apo puhakaia ka nui o Haleauau, Papu ke komo ana i kukaniloko, Aole i pau pono i ka wai a kuene, I hoomaaliii lima ia hiki i Oahu nei, Unu peku ka laau hoolale i ka malie, Kuua ke kumu wai o Kaukuonahua, Umii ka pua nene hoonewa i ke kula, Laha iho la kanaenae i ka puukolu, Pipiii mamao ka ua haaheo i ka nahele, E mahalo ana i ka nui o Lihue, Me he pela no!unolu la i ke alo o Kamaoha, Ka anapuu a ka noe i na kuahiwi, I ke koai hoowali ia e Kawaioiohia, Malo na poohiwi o makaleha i ke onu, Ke nana iho ia lalo o Waialua, Ua liaiki ka muliwai o Kaiaka, Pahee na hono i kehu a ke kai, Waiho ka laula i ka maikai, Me he kihi-peahi la i ke one o Maeaea, Ea ke poo o Kaula i ka makani, Ola o Kahakupoolani, a kau i ka puaneane, A hoi mai ku'u aloha pili kaua—e. S. W. Holaniku. Pihanakalani, Waialua, Oahu.