Ka Nupepa Kuokoa, Volume III, Number 30, 23 July 1864 — Pau ka hale i ka Faea! [ARTICLE]

Pau ka hale i ka Faea!

E Ka Nupepa Kuokoa e ; Aloha oe :—He wahi puolo makamae ka'u e hooili aku ia oe e ka Lunahooponopono. A nau hoi ia e hookomo iha ma kahi kaawale o ka kakou nupepa. Ma ka la 13 o lulai nei, oia hoi ka poakolu oia hobedoma, pau iho la i ke ahi ka hale o Makaha ma Wailupe, o ke kumu i pau ai oua hale nei; aia hoi, he umu uala ke kumu i pau ai; hoi mai la ua kanaka nei o Makaha kona inoa. me ka uala mai uka mai kukulu i ka imu, a hoa ī ke ahi, ia hoa ana a enaena ka imu, ulu ia ka imu, ia ulu ana a pau, hoihoi aku la kekahi kanaka i ka ulu o ka imu ana i ulu ai, o Kaoio kona inoa, waiho aku 1 a oia i ua ulu nei ma ka paia o ka hale, oia hoi ka aoao hema o ua hale nei.

Aia hoi, aole i ike ua kanaka nei o Kaoio i ke ahi o ka iaa'u, ia hoi ana mai a ua Kaoio nei e kalua i ka uala, ia nana hou ana'ku mahope, aia hoi e lapalapa ana ke ahi ma ka hakala o ka hale, kahea ae la ia me ka leo nui. Auwe ! Pau ka hale ike ahie!! Pau kakou i ke ahi e!!! Aia no hoi e hooluolu ana wau i ko'u wahi kino iluna o ka bela nolunolu o huleilua i ke kihei pili o wehe ke aloha, a puka'ku la wau mawaho o Uo'u wahi home hale, oia hoi, ua hiki mai he wahi kanaka malihini o Kamoana (k) kona inoa, a nana'ku la wau, e nakii lio ana ia, pane mai la ia me kona leo nui, " Pau kela hale i ke ahi—e! Pau kela hale ike ahi—e !!" I nana'ku ko'u hana, he mea e ke ahi nui.

I Aia hoi, e poi aku ana kekahi wahine me i kona mau lima i ke ahi, a o Kapiioho (w) kona inoa, a me ua Kaoio nei kekahi e kinai] ano i ke ahi, ua pii oia maluna ilio o ka ha-! le e kinai ai i ke ahi me ka pu-a la-i e paa ana i kona lima, i mea e pio ai ke ahi, aia nae, aole wahi mea a pio iki iho. Aia hoi, kukini mama'ku la na kane, a me na wahine, a me na keiki i kokua aku i kahi o ua hale nei e a ia nei e ke ahi, a owau pu no hoi kekahi i lawelawe aku i na ukana o ka poe i pio i ke ahi, aole no hoi i poino na wahi waiwai o lakou. Eia ke kumu i poino ole ai o ka ukana, no ka paapu ana aku o na kanaka kokua. A nolaila, auhea oukou e o'u mau makamaka mai ka la hiki a ka la kau, mai hana kakou e like me ka naaupo, e hana hoi kakou me ka naauoo, i poino ole, a i pilikia ole ai hoi ko kakou mau hale, e like hoi au- , anei me neia ka pau o ka hale i ke paea. S. Y. Kalanikuihonoikamoku Wailupe, oahu. lulai 18,1864*