Ka Nupepa Kuokoa, Volume III, Number 31, 30 July 1864 — Na Palapala. I ko Kohala me ko Kona Hema Hawaii. [ARTICLE]

Na Palapala.

I ko Kohala me ko Kona Hema Hawaii.

ALOHA OUKOŪ : Ua ike inua paha oukou iloko o ka Nupepa Kuokoa o ka la 23 olulai i ka olelo hoole a me ka haalele ana ona El ele a oukou i koho ai i ko laua noho maloko o ka Aha kuka no ka hoololi ana i ke Kumukaaawai. O inaua na Elele a onkou i koho ai, a ua ike paha oukou iloko o ua olelo hoole la, i na kumu o ko maua haalele ana. He pono nae ia maua ke olelo pokole aku ia oukou no la mea. j Ua koho mai oukou ia maua e komo i ka Ahaolelo o Ku Moi me na'Lii a me na Elele no keaha ? Eia, no ke l,uka pu ana me lakou ma ka ana ike Kumukanawai. Oia wale no. Pela ma ka olelo kuahaua a Kn Moi; pela hoi ma ko oukou makemake, iko maua noonoo ana ena Makaainana. Oia wale no ko maua mana, he uuna kuka wale no. A mamuli oko oukou hoouna ana, ua noho maua iloko oua ASiJT la. Ua haawi ia mai ka hana. Heaha la hana ? Eia, e hoopau i ke Kumukanawai o ka M. H. 1852, a e hana i Kumukanawai hou. He kupaianaha keia hana. He ha-na ku ole ika pomaikai o ke Aupuni, a me na'Lii, a me na Makaainana Hawaii. Nolaila, ua hoole aku maua ia hana, a ua kupaa loa maua ma ka hoole nna, aole e hookahuli i ke Kumukanawai, ke kahua o na pono Kivila a pau o keia pae ainn. Aole e hiki la maua ke hana ia mea; no ka mea, he poino ia no keia aina, a me keia Lahui. Aole e hiki ia maua ke hana ia mea; na ka mea, he mea ia e kulanalana ai ka pono o na'Lii a me na Makaainana. Aole e hiki ia maua ko hana pela ;no ka mea. he mea ia e pilikia ai ke ea o ka aina. Aole e hiki ia maua ke hana pela ; no ka mea, he mea ia e hewa ai maua ia oukou, ko maua mau haku nana i hoounā mai ia maua e kiai i ko oukou mau pono. Nolaila, i ka wa i hooholo ai ka Aha, e hana aku no lakou, a e hoopau i ke Kumukanawai. a e hana i Kumukanawai hou, aole mea i koe no maua, o ka haalele wale ana no i.ko maua noho ana. Aua hana hoi maua i keia me ka noonoo nui i ko oukou pono ena Makaainana. Aole maua i kiola, a haalele, a hoowahawaha i ko oukou ana ika pono ma keia mea. Aole maua i hana ino i ka pono nui a oukou i waiho mai ai iloko oko maua—mau lima. E like me ko maua ike ana he mea ia e pono ai oukou, pela inaua i hana'ku ai. A he lana ko rnaua manao e loaa ana ia maua ka aponoia imua o oukou ma keia meu, a ke kaii nei hoi a lohe mai-i ko oukou leo. Me ka mahalo. O maua no ka oukou mau kauwa. ( Henry H. Pareka. j O. H. Kulika. Honolulu, Oahu, lulni 23, 1864e