Ka Nupepa Kuokoa, Volume III, Number 33, 13 August 1864 — Pane ia S. W. K. Kekalohe. [ARTICLE]

Pane ia S. W. K. Kekalohe.

E ke Kuokoa ; Aloha oe :—No kuu ike ana iho nei i ka olelo wahahee a S. W. K. Kekalohe, no Wailoa, Kipahulu, Maui, i paiin ma ke Kuokoa, e olelo ana, ua pepehi ka wau i kekahi kanaka, o Nahinu kona inoa, ma Kipahulu nei, a ua ae aku ka wau imua o ka Lunakanawai Apana o keia Apana ; nolaila, o kuhihewa mai

auanei kekahi poe he oiaio, ke hai aku nei au imua oka lehulehu, he wahi kanaka wahahee loa keia, me ka imi hala wale ia'u, rae ka manaoe hoopilikia wale ia'u, no ka mea, ua maopopo kona wahahee ma kana mau olelo. Ke i mai nei ua kanaka wahahee nei, " Ua pepehiia o Nahinu i ke ahiahi o ka la hoomalolo." Eia ka ninau mulaila: " Pehea la i maopopo ai ia oe ua make o Nahinu ika pepehiia ?" No ka mea, ua loaa ole i ka poe jure ke kumu o kona make ana, a ua hoohoio no lakou, ua make i ka wai. Eia hou ; ke i niai nei o ua o Kekalohe, (kalohe \o.) "ua pepehiia ike ahiahi Poaono," ua ike pono anei oia i keia pepehi ana ? Me he mea la oia no kekahi malaiia, a ua ikemaka i ka make ana o | Nahinu. Heaha la kou mea iku ole ai a hoike imua o ka Aha niele kumu make o ko Koronero ? Eia hou nokeia wahahee, o kuu hai akuiinuaoka Lunakanawai, " owau ka kai pepehi ia Nahinu." Aole no he wahahee a koe aku, kainoa o ka mea i ae maoli aku i kona hewa, oka li wale no kona hope. Heaha la kuu mea i li ole j m ui ? Akaka loa ka wahahee o keia kunaka.

Eia hou keia wahahee, " E hookolokolo ia ana ka wau ma Lahaina, imua o ka Aha Kaapuni, u hoi, kala kahiko i pau ai ka Aha Kaapuni ma Lahaina, ua ikeia anei ko Makoliku inoa ma ka papa inoa o na hihia i hanaia ma ia kau hookolokolo o ka Aha Kaapuni ? E akuhele oe e Kaaumoana, ka mea e kapa ana ia ia iho oS. W. K. Kekalohe, o hookolokoloia auanei oeimua o ia Aha, no ka laihila me ka hoino inoa, no ka mea, aoie oe e nalo ana malalo o kou inoa kapakapa. Owau no me ka mahalo. Makoliku. Kikoo, Kipahulu, Maui % lulai 20, 1864.