Ka Nupepa Kuokoa, Volume III, Number 33, 13 August 1864 — No ke Akamai Loa o ka Hoki I KA IHO ANA ILALO MA NA PALI KIEKIE LOA. [ARTICLE]

No ke Akamai Loa o ka Hoki I KA IHO ANA ILALO MA NA PALI KIEKIE LOA.

He mea kupanaha loa ka iho ana o na Hoki ilalo ma na pali nui, ma na Mauna 0 Anede, a me na Mauna a pau'o Amerika Hema. Ua haiki lon kekahi ala ma ia mau kuahiwi, a he mea maka'u loa i ke kanaka ke iho ilalo, a he hiki oie loa 1 kekahi kanaka.

Aole pololei loa na alanui malaila, lie kekee wale no, a holo i o ianei, a nolaila, aole e hiki ke nana imua a hoomaopopo i ke ala, ina elima anana ka ike muaann, he loihi ia, o ka Hoki wale no ka mea hiki ke lawe i ke kanaka ma ia mau wahi, no ka mea, aole lio e ae e paa pono ai kona mau wawae, e haule ana no ilalo i ka pali. I ka wa e hiki ai ka Hoki ma kahi haiki loa a me kahi pali ino, ku malie no ia a nana aku, me he mea la e noonoo ana, a ina hahau ikaika ke kahu ia ia, aoie ia e holo iki ana, a makaukau pono ia ; no ka mea, ua oi aku kona ike mnmua o ko ke kanaka ma ia mau wahi I kona wa e ku maiie ana, e noonoo ana paha ia i ka pilikia mamua ona, a e hoomakaukau ana paha ia i pono kona hele ana.

Haka pono aku ia i ke ala me kekahi maka, a huli no ke poo, a nana aku kela maka, a pela ia e hoomakaukau ai. A i kekahi manawa, he ano haalulu kona, i kona ike ana i ka pali lele loa, a makaukau oia, o ka hoomaka no ia e hele aku, a penei ka hoomaka ana ; moe ihope kona kino, a kau aku oia i kona mau wawae mua imua, e like me na koo ma naaoao, ua kaawale ia mau wawae, aole pili; aka, ua pili loa na wawae hope, a kokoke no e pili me na wawae mua.

A makaukau na wawae, alaila, haka pono hou oia i ke ala a maopopo, alaila, pahee koke aku la oia me he holua la, a haia ioa iialo. Aoie hiki ke aiakai ia ia, holo no ia ma kana wahi e makemake ai, me ke alakai ole ia. Eia ka ke kanaka hana, o ka malama pono ia ia iho maluna o ka Hoki, o haule oia a make; ina e manao oia e alakni-i ka Hoki, a huki paha i ke kaulawaha, ua hewa ia hana ana. No ka mea, ua ike e na mea holo Hoki a pau, aole e alakai ia lakou ma kahi ino. No ka Hoki no e nana a e hele ma kahi a kona manaoe makemake ai, ina c huki ke kanaka 1 ke kaulawaha, e haule pu laua ika pali, a make loa. He mea kupanaha, o keia hele ana o na Hoki ma kahi i oi aku ka pilikia e ku mai ana imua o laua ia wa, he naaupo paha ko ke kanaka, no ka wikiwiki loa o ka holo ana.

O ka Hoki, aole oia e kapae ae i kona holo ana, ina ua kekee ke ala imua ona, e hiki no ia ia ke holo e like me ke ano o ke ala, aole e kapae ae, maiama pono

loa 110 ka Hoki, o pe!a lakou e holo ai a hiki ilalo, aole hikou e eha, a nole no hoi e eha ka mea nana e hooholo, ke malama pono ia ko ka Hoki makemake. Nani ko ke Akua hana ana mai i keia holoholona leo ole, i alakai no ke kanaka ma keia wahi pilikia. J. K. Kalaweloilehua.