Ka Nupepa Kuokoa, Volume III, Number 34, 20 August 1864 — NA MEA HOU O HAWAII NEI. [ARTICLE]

NA MEA HOU O HAWAII NEI.

Fete Napoliona.—Ma ka Poakahi ihonei, ua malamaia ka la 15 o Augate, ma keia kulanakauhale, oia kekahi la i hoomano nuiia e na kanaka o Farani, no ka Emepena Napoliona 1. He pule Mesa ma ka Halepule Katolika Roma, ma ke kakahiaka o ia la ; a ma ka hapalua o ka hora 11. mele ia kekahi Te Deum, no ka Emepem Napoliona 111. Ua hele malaila ka Moi Kamehameha V., a me kona mau Alii ukali, a me na Kuhina, a me na Komisina, a me na Kanikela o na Aupuni e, e noho nei iloko o keia Aupuni.

E Hele i ke Kudala.—E īke mai oukou a pau e ka poe heluhelu nupepa, e Kudalain ana ka Bipi, Lio, a me ka Hipa, o Waianae, Oahu, ka waiwai o P. F. Manini, ma ka Poakolu ae nei, la 24 o Augate. E hele ae ilaila e na kanaka a pau, a e loaa ka Lio maikai, ka Bipi momona, a me ka Hipa hulu maikai, no ke kumukuai makepono loa.

"Wili Pūlupulu. —Ua hiki mai nei ma ka moku Helen Mar mai Bosetona mai, he Wili Pulupulu Si Ailana, aia ma kahi o H. M. Wini kahi i waiho ai, me ka makaukau no ka wili ana i ka Pulupulu Si Ailana. He mea nu hou keia ma keia Pae Aina, no ka mea, ua like ole ke ano o na wili o na ano pulupulu e ae, me ka wili no ka pulupulu Si Ailana.

Hoku Loa.—Ua aie aku makou ika lokomaikai oioi o na Luna Hoopoaopono o ka nupepa " Hokuloa," no ko laua haawi ana mai i kekahi mau kepau o kekahi o ko laua mau manao, oia hoi no ka Luakini ma Kaluaaha. ka hoike a ka Puuka i ka. Ahahui Euauelio o Hawaii, ka hana ma ka ia Sabati, ame ka faolo ana o ka " Hokuao," me laua ko makou aloha.