Ka Nupepa Kuokoa, Volume III, Number 35, 27 August 1864 — Page 1

KA
NUPEPA KUOKOA
Ke Kilohana Pookela no ka Lahui Hawaii.
BUKE III. HELU 35. HONOLULU, AUGATE 27, 1864. NA HELU A PAU 144.

Ka Malama Ana i ka La
31 O IULAI.

No ke komo ana o ka la 31 o Iulai ma ka la Sabati, nolaila, ua lawe ae na keiki aloha Aupuni o Kohala Akau, i ka la mua o Augate, (Poakahi,) i la olioli no lakou, mamuli o ka mea mau i hanaia e ke Aupuni a me ka lahui, i na makahiki he iwakalua i kaahope ae nei ; aka, he Nu Hou nae ia'u i ike ai ma keia aoao o ke Aupuni Hawaii nei, no ka mea, akahi no a hoomakaia ka olioi ana o ka la 31 o Iulai ma keia Apana.

Ua maikai no a naauao hoi, ka hanaia'na o ka Ahaaina Olioli, na ka Ahahui i kukulu ka Ahaaina Olioli, he Ahahui nae i kapaia,

" KA AHAHUI HANOHANO O KOHALA AKAU," a penei no ka moolelo :

Mamua aku o ka la 31 o Iulai, ua noonoo na Komite Hooko o keia Ahahui, i na hana no ka la i manaoia ka olioli, a ma ka hooholo ana a na Komite Hooko. Ua kohoia i Kahunapule, a i Haiolelo, a eia ka olelo i hooholoia.

HOOHOLOIA.— E pule hoomaikai aku no ke Kahunapule i ke Akua, no na mea e pili ana no ka la 31 o Iulai, a me ke Aupuni, a me ka Moi, na'Lii, a me na poe e paa ana i na Oihana Aupuni, a me ka lahuikanaka pu. A e kapaia ua Kahunapule la, " Ke Kahunapu