Ka Nupepa Kuokoa, Volume III, Number 36, 3 September 1864 — Pakele mahunehune. [ARTICLE]

Pakele mahunehune.

E ka Nopepa Kuokoa e ; Aloha oe : He wahi ukana ka'u e hooili iho ma kou kino holo okoa ; ke hiki ia me ke koena ole. Oia hoi keia, <J Pakele mahunehune." Aia ma ka po o ka ia 22 o Aug. nei. Pau iho )a ka hale o Kaupena (k) me kana wahine o Keoiewa, a me ko Iaua mau ohua. Kahi hoi e hoopunana ai i ka wela o ka (a, a me ka ua pakanui o' ka hooilo iloko o na la i hala aku la. Aneane mawaena o ka hora 9 a me 10 ka pau ana o keia hale o Kaupena ma, ma Holualoa, Kona Akau, Mokupuni o Hawaii. Aole i maopopo loa ke kumu o 0 ka pau ana o keia hale. | I ka wa i pau ai ka hale i ke ahi, aole 1 ike ae o Kaupena ma eia ke a nei ke | ahi; i puoho i ka hoohoana a na kanaka mawaho. " Pau ka hale i ke ahi e! Pau ka hale i ke ahi e!!" A lohe i keia leo, o ka puoho ino no ia a holo ana iwaho. Aumeume hoi na kanaka i na wahi ukana me ka lapalapa o ke ahi, a pakele ke ola o ka poe oloko me ua ukana a lakou. Ua manao wale ia, ua puhi mua ia kahi hale uuku ma ka aoao Komohana Akau o ka hale nui; ua pili loa no keia i hale uuku ma ka aoao o keia hale nui.

A pau ka hale i ke ahi, nana aku la au i ka helehelena o ka mea nona ka hale kaumaha maoli no. Iloko no kela wa, uwe helu mai o Keolewa (w) i ka luhi me ke kane i pau aku i ke ahi i ka mea aohe olelo mai " ua a-na au." Puoho mai la na leo kumakena o na makamakn. Hu ae la ke aloha iloko o ka poe e ku ana malaila. Aole nae malaila ka hilinai nui ana o ko'u manao ; ua oi aku ko'u minamina i ke ola o Kaupena ma inamua o ka pau loa ana o ka hale. Ina paha e pau keia poe i ke ahi, ina ua oi aku ka mainoino i kuu manao ana. Ke paipai mai nei keia leo ia kakou. £ kiai me ka malama ina hale, inai haawi i | ke ahi i ke keiki, mai hookokoke i ke ! kukui a mea e ae paha ma ka puka a paia hale paha. O loaa auanei kakou i ka Himeni a kamalii. Pau ka hale i ke ahi! E holo e, e holo e, Paea, paea, paea! Lawe mai wai, Lawe mai wai. Ewiki mai kaua e ka manu keokeo. Ke Kilohana o ke Aupuni Hnwaii nei. Ua ko ke ano i ke kula o Huuli la. Me ka mahalo. L. P. Hoiuuloa, Kona Akau, Hawaii, Aug. 24, 1864.