Ka Nupepa Kuokoa, Volume III, Number 36, 3 September 1864 — He Inoa no H. W. Auld. [ARTICLE]

He Inoa no H. W. Auld.

E o e Uwilakulani, ke keiki nona inoa, Hiapo oe a Kimo, o Uwinihepa no ko makuahine, Hanohano na kuahiwi, nani na pae mauna, Makani kahiko i ka wai o Kemaino, Ke nana iho oe i ke alo pali o Huleia, Nui laula na kula o Lihue, I ka holo a na kaa, niniu ka huila, Me he kapena moku la no ka lelepauki o ka ihu i ka makani, Makani holokake i ke alo o na kahawai, Hoolili mai la kauwila o Puukapele, Aohe amo'na hala o Kauaikunana, Ku no-mamau-pipili i ka lau o ka laau, 1 A-u mai Makehuena i ka lae o ka wai, E hoola-i ana iluna o Kalanipuu, Pupu lua i ke kai o Niumalu, Aohe hana a Maunakapu, Kapu mai la ka pua Hau i Wailua, Elua maua i ka lulu o Hauola, E haaheo ana iluna o Waialeale, | Ka oi-oi no ia o na Mauna, Ke pookela no ia o na Kuahiwi, O ke keu no ia o Kauai—e. 0 mai o Uwilakulani, ka hiapo nona ia inoa, Aohe au mea maikai ole o Puna, He maikai ke Kalukalu holu i ka makani, Holu ke a luna, miki ke a lalo, 1 ke kokohi'a e ka ua Pa-u-pili, 1 hoa pili ka la no Papaenaena, Nenenee lua i ke one o Luhi, Awala lua na niu o Kaunalewa, E hoohie ana i ka wai a Kaliula, E u-nu ana i ka hale o Limalon, E papani ana 'i ke one kani o Nohili, He anana a hua lala hu ka Pahapahn oPolihale—e. 0 mai o Uwilakulani, ka hiapo nona ia inoa, Hana i-o ke ahi i ka pali o Nualolo, E pani ana i ke kai o Kaholaiki, Ha-u kawewe aku la i ka pali o Milolii, E hooponopono ana i ka lae o Makuaiki, ī honi i ke ala Lauae o Makana, He makana na Hala o Naue i ke kai, Akahi au a ike ia Haena, 1 ke kowali hoomae ia e Maunahina, Hihi hi-o lua i na lehua o Alakai, Auamo mai ka wai o Namalokama iluna, I-i lua i na kuikui o Kalena, Maewa iki na ohia o Kupakoili, Le-a ka hulei i ke one o Manuakepa—e.

0 mai o Uwilakulani, ka hiapo nona ia moa, Nonoho lua i ke kai o Hakalau, Akahi ka ono o kuu puu i na pua hala a-i a ke Kinau, E lulu lima ke aloha me Kaukaopua, E olelo haole ana me Hihiinanu, Pakake aku la i ka wai o Kuakea, Kokami ana i na hala o Huia, 1 ke ku-i lua ia e ka ua o Hanalei, Halakau na hala o Pooku i ka makani, Maikai Limanui, hoala i ka laauoKahihikolo, E hookolo ia a loaa o Halaulani, He paepae no ka laau a Kawelo, E nawe malie ana i ka wai o Waiuli, Nahele ke kukui o Koolau i ke Kaunoa, Ka la i kui-a lima ia ke Kiahopu, Ina la oe i ike ia Anahola, lke la oe i na ale hulilua i ka moana, Alo aria Kaala, ke kuahiwi o Oahu, Oahu aku ia, o Molokai keia, He Hoolua ko Palaau, ke hu-i-hu-i nei, E Uwilakulani—e, e ku ka moni kaua —la. 0 mai o Uwilakulani, ka hiapo nona ia inoa, Hiapo oe a Kimo, o Uwinihepa ko makuahine. Nani o Maunaloa, ke kuahiwi o Molokai, Ke nana iho i na lehua o Kukalia, E kaunu ana me ke kai o Kaiolohia, E a-o-a-o ana me ke kai o Kaiehu, [ hoa ka-a-na no'u ka Lehuamakanoe, Ke kilohi iho oe i ka nani o Kaawaloa, Me he papa konane la ke one o Manawaanu, 1 ka owala mau ia e ke kai o Halo, I honi hoomau i ke ala o Kahalakomo Aohe hala a ka pali o Nihoa, A ka makani Hikioe e lawe nei, Lawe ka ua, haaheo i na pali, . Hu-e ka laau a Nanahoa, komo i Puulua, Kuleana paa ia na ke aioha, Paa pono na hala o Mapuana i ke kai, I ka puliki paa iae ka Naulu, Ulu ka manao e ike i ka liko o ka Ohia,

I ke ani peahi a ke Koai-e, nopa i ke kula, I ka hookomokomo alelo ia e ka Hoolua, I ka iliki pau a hemo ke pani, Panipani paa ke kula o Puuhehi,^, He hahi hewa na ka ua iluna o ka laau, Aohe lihi i koe o Waihanau, Ahai aku la ka manu, noho i ka nahele, Da hele oe a Linohau, I ka ha-ua eha ia e na hala o Kepa, Aohe u-nu-na hala o Waikolu, E unu, e holu, e miki, e palu oe i ka makani Kilioopu, Miki oolea ke kai o Mokapu, I ka lawe haaheo a Huelo i ka makani, I ke kuehu mai a ke kai o Papapaiki, I ke koini paa ia e Kamalinoamoo, 1 ka holo kake mau ia e Pa-u-onu-a-kea, Ke alawa ae i ka malie o Nuuhiwa, He nani hemolele na ki o Koae—a. 0 mai o Uwiiakuiani, ka hiapo nona ia inoa, Kiekie Haupu, lewa i ke kai, Lewa na hui o Hano, lewa i ka makani, Lewa na kuli o Kana, lewa i ka wai, Lewa ka wai o Waiehu, lewa i na pali, 1 ke koa-i hoomauia e ka makani Kilioopu, Ke nana aku ia luna o Ahumauna, Aohe au mea nani ole o laila, Waliwali ka Awapuhi, ma-u i ka ua, I apo aku a hapa i na hala o ka 1-u, Kohu no e like me ka iehua ke onaona ke ala o ka Hala, Aala ke Kupukupu me ka Hinahina, Aala ka Laua-e me ka Maile, Aala ke kupaoa me ka Mokihana, Paoa i ke a-la ka Lipoa,

Aohe au mea n-a-la ole o na pali, I ka hoohahana ia mai e ke kehau, I lu ia mai e ke A-e-ioa, Loa ka wai o Waiaama, haa i na pali, Haa ka ua Koko, haa i ka moana, Haa ka makani Kaipo, haa i Halawa, Me he Moa Lawa la ka wai o Moaula, Ke ki-ki mau i kn lau o ka Akolea, I milimiii kaa ia e Puupa, Pake Kukui o Lanikaula, pa i Puuohoku, Pa ka wai o Nihaukawa, pa i Kaapahu, Pa na Ohia kanu a Lai, pa i Puuohonolua, Elua Honouli, hookahi Kumimi, Ke alawa iho oe ia Hookamakea, Ku ka liki i ke one o Waialua, Elua maua me kuu aloha—e.

0 mai o Uwilakulani, ka hiapo nona ia inoa, 1 noua mai e Poniohua, Elua lio kakele i ke kula o Kainalu, I ke pahele kua ia e ke Kahuli, I huli aku e nana ia Kawaikapu, 0 ka pa leo ana mai a Honomuni, Pau kuhihewa i ka wai o Waihilahila, Aohe hana a Ahaino, 1 ka noho pono a Puuloli, I ka pakake a ke kai o Hauola, Aohe pa-na hala a Kupeke, Ahu kapeke i ke one o Pukoo, 1 kooa mai e Punaula, 0 kalakala na hulu i Mapulehu, E i aku ka nani o Hakawai, Honi ma-u i ke a-Ia o Mailelaulii, He a-Ia ka pua Iliau loha i ka la, Me he wahine hoohenahena la Kaluaaha, 1 ke ka hela i ke kula o Ualapue, Wehe na puka pihi i Mokulehua, 1 ke ai liolo kake ia e ka makani, Makani kulai i ka huakaihele, Hala ka makemake ia Manowai, He kanalua ko'u ia Ohia, Kuhi au he oiaio ka Woipahu, Aole ka he wahahee na Kaamola, Haaheo ka hana ia Puaahala, Halalu ka mnkani i Wawaia, E amau ana i ke kula o Kapualei, E lei mau oe i ka pua rose a ke aloha, Ka hahi ku mai a ka ua i Kamalo, Maloo aku la ke kula o Aikoolua, Elua maua i ke anu a ke kehau, E pahee wai i hiki i kn pua o ke Koolau, He lalau hewa na ka ihu anu o Kawela, Ahi awela ke kai o Kamiloloa, He mea ole ka loa o Kapaakea, Akea ka ike'na ia Konahale, I hale noho no'u o Kalamaula, Me he kumu ula la ke kula o Naiwa, Ka upalu-upalu uwali-uwali ke kai oPelaau, He lalau hewa na ka manu i ka pua o Kaakuli, Kuli wale au i ka leo o ke kai o Hilia—e, He Loio oe, he mea wehe pilikia—ea— E Uwilakulani—e, e ku kamoni kaua—la. Apela, j Kaniwaiiie. Kawela, Molokai.