Ka Nupepa Kuokoa, Volume III, Number 37, 10 September 1864 — Lunamakai ikaika ma kana Oihana. [ARTICLE]

Lunamakai ikaika ma kana Oihana.

E ka Nopepa Kuokoa e ; Aloha kaumaka oe:—Ka hale makeke a ka manu, kahi e o-na nuiia'nei e na tausani pua lehua i kau i ka wekiu ; na mu-o hinalo aala,i kilihuka ua liiliiia o ka hooilo, ka noio nnna e kaau nei ina ipuka hale o na keiki o-poo o ka naa.uao, mai ka ua kiai ka o ka mnnu o Panaewa i Hawaii, a ka wai kuau-hoe a Ua lawai-a ina pali i Kauai, puolo hainaka wale mai hoi o Niihau a ke kiki-i. 1 ka hapalua mua o keia makahiki, ua hoomaopopo iho au i ka ikaika o koonei Luna Makai apana, oia o D. Kaulei • oiai, ua kaikai ia oia ma ka mana o ka olelo a ka Mea Hanohano Gov. P. Kanoa, a ua noho hoi ma kaiaulu, kahi e kie-i ai maanei a ma o. Aka, ua paio oia ma keia apana me kona mau enemi, a ua lanakila o na lanakila. 0 ka pohaku kumu o ke kihi ma keia apana 1 luaiele ai na oiwi, oia no o umeke uala awaawa, ame umeke bia. Ao ka hamare hoi ana e wawahi nei, a me ka pauda, o ke Kanawai oka aina. Aka, he makehewa paha oukou e ka poe heluhelu i keia pepa, ke ike mai ika moolelo, oiai e uneune aku ana au me ke koiopa, i olokaa aku na pohaku nui, a me na pohaku liilii i ka hanahanai oka mahalo. Eia malalo iho :—

1. Oiai ua hoe-a mai ma Paa, & Mahaulepu, he poe inu uala awaawa a me ka bia; ua waiho aku o D. Kaulei i palapala hoopii imua o ka Mea Mahaloia, Judge G. W. Lilikalani Esq, Lunakanavtai apana. Aua hookolokolom lakou 9, $6.00 pakahi, $54.00; hookahi i haawi i ka bia i i hai, he 10 lakou, he $10.00-f $54.0p=564.00 ka uku hoopai, ame na koina. He kakaikahi na mea opiopio, o na elemakule a me na luwahine, ua huluaa i ka inu uala, a me 'ka bia, oiai o lakou kekahi i hoopaiia. Aiwaiwa wale na elemakule a me na luwahine o keia aina, he hoou-i okoa ae no, aole nae e hiki—O ka Helu 1 keia maluna o kona ikaika i akaka ia'u. 2. Pela no ma Koloa-kai, ua hoopii oia imua oia Lunakanawai hookahi no, a ua hookolokeloia a ahewaia, he 15 lakouj he $4,00 pakahi, a oka huina o ko lakou hoopai he $60,00, ame na koina. No ka ona i ka uala, a me na mea ona e ae paha. 3. I ka malama o lulai nei, ua komo oia ma ka apana o Hanapepe; uahoopii ka mea nona ka inoa maluna, imua o Judge J. Kauai, Lunakanawai apana, a ua hoahewaia, 6 lakou, a he $11.00 pakahi, a o ka huina o ko iakou hoopai he $66.00, a me na koina. No ka Hula Hawaii, a me ka loaa ole o ka " Palapala ae Hula." He ekolu kumu nui o kuu mahalo no D. Kaulei, Kapena Makai o Koloa. Peliea la ko oukou ike mai ia D. K—? ua hiamoe anei? ua uhiuhi lau-mamane anei o ka wai a Kapapala ? ua pee anei ma ka malu ona lala o ka hookamani ? Aole paha e-a ? Ina me D. K—kekahi Luna Makai ikaika, kulua mai ma ka Nupepa, i hinu i na laulaū ono oluna o ka papaaina o ka Nupepa Kuokoa. Ke pulou mai la o Haupu i na Kihei-pili ake anu; ke nihi ae la maluna o Maona, ke kuehu mai la ka ua Akiukiu i ka lau o ka nahele, e hoi kaua a ka poli o ke alanui o Huleia. Me ka mahalo. J. W.G. Kaia. Koloa, Kauai, Jlugate 4, 1864.