Ka Nupepa Kuokoa, Volume III, Number 37, 10 September 1864 — He Leta no Oregona mai. [ARTICLE]

He Leta no Oregona mai.

, E ka Nupepa Kuokoa e ; Aloha oe:—Ka Hoku Loa malamalama o ko Hawaii Pae Aina. £ia mai kahi nu hou, ke au aku ia i na ale hulilua o ka Moana Pakifika, a halawai aku me oe i ka lai o Honolulu, ke oluolu nae i kou manao. Eia ua wahi nu hou )a, o na kanaka Hawaii a pau a Kale Olelo e, e kepa mai nei, oia hoi ka poe ku makahiki, he $10 00 no ka malama hookahi, a me ka poe hana mau hoi ma ka uku la, e hana ana maanei, $1 no ka la, ahes6no ka hepeeloma hookahi. Ika manawa e hana ai a kani ka bele aina awakea, hoi mai na haole paahana a pau a komo ma ko lakou hale aina, a pela no hoi na kanaka. Alaila, laweia mai la ka ai ana kanaka nnoli iloko o kekahi Kini-pana nui, ua hoopihaia i ka palaoa oolea, oia hoi ke koena i koe iho mai ka ai ana a ka poe haole, oia hoi ka uala kahiki koekoe, ka io bipi paakai, a kau iho Ia iluna o ka papa aina, lalau aku la na kanaka i kahi palaoa oolea, me kahi io bipi padkai, a paa iho la rna ka lima, peia ia lakou a pau, a ina e haawiia mai ke ti, he malakeke awaawa ka mea inu ai i ke ti, he elua, a ekolu paha kanaka i ke kiaha ti hookahi, a pela aku a pau lakou. A eia hoi ka hilu Joa, aole e loaa mai ke pa, ka pahi.'ke puna, ke o, i ka lima wale īho la e paa ai kahi mea ai. Holo no ka puaa malalo o ka papa aina, kipaku aku no na kanaka, huh'J ke kuene, a olelo mai, " mai pepehi oukou i ka'puaa a ka haole, no ka mea, oko oukou hoa ia e like ai." Ina hoi e laweia mai ke koena ai a ka haole, puoloia me kekahi pale pakaukau ano pelapela, a lu ia mai la ma ke alo o na kanaka maoli, e like me ka hanai o ke kahu i kana ohana moa, he nui na manawa i hana ia ma keia ano. O ka hale aina o na kanaka maoli, ane like me ka hale o na holoholona, a pela no ka hale moe o na kanaka maoli, aneane like loa no me ka hale o na holoholona.

Ma keia Mile Olopapa wale, he nui ka hana pono ole ia o ka mea ai a na kanaka ma« oli, ma ka Mile Olopapa ma Port. Madison, maikai ka mea ai a na kanaka maoli, e like me ka mea a ka haole, ua lawa pono ke kanaka ma knna ai ana, eia nae ka mea hoo» halahala, oke kopaa ka mea i makemakeia ena kanaka maoli, i mea kukua ma ka inu ana i ke ti a kofe, aole nae he loaa, o ka malakeke awaawa wale no ke loaa mai, nolaila, hoowahawaha na kanaka i keia Mile Olopapa, hiki mai no ka poe ku makahiki, nana no i ke ano o na mea ai, ina ole lawa pono, ku ae no hele ana, noho iho no kekahi poe, me ka hoomanawanui no. Ma ko'u noonoo wale ana, ina no e maikai ka mea ai, a me* ke kupono hoi o kahi e ai ai, a me kahi hoi e moe ai, me ka ioaa pu mai hoi o ke kopaa, alaila aole paha e mahuka pinepine ana na kanaka ; aka, ina e nele i ka hoomaikai ia ana ma na mea oluolu maikdi ai ke kino, e ku ae no auanei heleana. Oia kahi manao kauleo aku ia oukou e na makamaka, mai Hawaii a ka mole o Niihau, ke ike mai la no oukou i ke kina. o ka mea ai, ame kahi hoi e inoe ai. Ina e makemake ana oukou e kepa, a holo mai ianei, eia wale no ka pono. E kuka pu me ka Ona malaila, a maikai pono na mea ai a me kahi e moe ai, iilaiia, pono ke hele mai. Mannei au e kuu aku ai i ka maka oka peni sila mai ko'u hapapulima aku. Owau me ka mahalo, George B. Kahinano. Port. Gamble t W. T. lulai 16, 1864.