Ka Nupepa Kuokoa, Volume III, Number 37, 10 September 1864 — Make i aloha nui ia. [ARTICLE]

Make i aloha nui ia.

E Ka Nupepa Kuokoa e ; Aloha oe :—E oluolu paha oe i keia wahi ukana, a nau ia e hoolaha ae ma ke akea, i ike mai ai ko kaua mnu kini e noho mai la ma na wahi au e hele ai. Ma ka la 6 o Augate iho nei, ma Kaluaolohe, Waikiki-waena, make o Pi, ka wahine mare a M. Keoki, a penei ke &no o kona noho ana malalo o kana kane : O keia kaikamahine, aole oia i pale i na olelo a kana kane, ua malama loa oia i na olelo a kana kane mare. Ua hanau o Pi ma Luakaha, Nuuanu, i ka M. H. 1844, a ua malama ponoia oia a hiki i kona wa i mare ai ī ke kane, oia ka M. H. 1857. Nolaila, he 14 makahiki mai ka hanau ana a hiki i kona wa i mare ai i kana kane, ua oluolu pono kona noho ana me kana kane, aole haalele kekahi i kekahi, ua hoomanawanui ke kane i kana wnhine, a pela hoi lea wahine i kana kane. Nolaila, ua make oia i ka la 6 o ka mahina i haiia maluna'e, 0 ka M. H. 1864, alaila, he 7 makahiki o ko laua noho pu ana a make aku la. No ka mea, o ka nui o kona mau makahiki mai ka hanau ana a hiki i ka la i haalele mai ai ka uhane i ke kino, he 21 makahiki o kona ola aiia, no ka mea, ua kaumaha luuluu kana kane me na makua, ame ka lehulehu a pau, a no ka ma-o ole ana o ka minamina a me ke aloha ia ia, ua haku iho makou i wahi kanikau nona malalo nei, penei no ia : Ke uwe helu mai o Keoki Aloha ino no kuu wahine, | Kuu honpili o ka la o Kaholoakeahole, Mai ka huikau a na lio i Polelewa, Mai ka piha uw-alua i Ainahou, ' Aia paha kuu wahme i ka ululaau ma kai o I Ke malama nei au i ko aloha. [Mamala, I Na Kahiona. I He uwe helu mai o Keoki Aloha ino no kuu wahine, Ua hele hookahi aku nei ia Aohe lua aohe ukali o ka hope, Ua haalele mai nei i ke kane, 1 ke hoapili o na keiki a maua, Aioha ka lei o ke kane Me ka wahine o na keiki. 0 kela aina makamaka ole o Kau. Na Kaaea. He uwe helu mai o Keoki Aloha ino no kuu wahine, Kuu hoapili o ka ia wela o Kulnokahua, Mai ka wai pa kanaka o Ululani, Mai ka lai o Kaialiu, Mai ka piina ikiiki la o Kaluaohau. Ku aku maua nana i ka ua haiii piii o WaaPili aku maua o ka la o Kaluaolohe, [hila, Hoomaha aku i kahi wai o Kioloa. Na Kaili. He uwe helu mai o Kahiona Aloha mo no kuu kaikamahine, Kuu hoapili o ka la me ka po, Ka hele aku nei no ka ia o kuu kaikamahine, 1 ka pili ō ke ao Haalele mai nei i ka pili aloha he makua, Eia aku nei paha oe i Kuaihelani 1 ka aina o Kanehunamoku, I walea ka uhane i ka maikai o Ulukaa. Na Lolo. He uwe heiu mai o Kukuli Aloha mo no kuu kaikaina, Kuu hoa a-e ale o ka moana, Ale o Alenuihaha, Ku ka uhane o Pi Nana i ke pili holu i kn .makani, E holu ana i kē kula o Moowini, I walea paha ka uhane o kuu kaikaina I ke kai hawanawana o Kawaihae, Niau iho nei ka uhane o Pi i I ke one o Puako, Auau ka uhane i ka wai o Wainanalii. Na Kukuli. Kanikau la he aloha nou no e Pi I hele hookahi aku nei, Aohe lua aohe kolu aohe ukali o ka hope, Ua lawe aku ke Akua i kana o ka uhane ua Kuu wahme mai ka wa ilihune, [|il o , A kaua no e nonoho ai, Kuu wahine mai ka makani kukalahale hoi o Mai na hale iaau ekolu, [Honolulu,

Auwe kuu aloha pau ole. Aia ka uhaue o kuu wahine 1 ke kui pua ohelo ai a ka iuanu, Auwe kuu aloha pau ole, Ua hoi lea uhane o kuu wahine I ka wai o Waiohinu, I ka malu kukui o Kahuaape, Auwe kuu wahine—e. Na Kaiwi. A Kahiona no he makua, He uwe helu mai o Geoki, Aloha ino no kuu wahine, Kuu hoa ohumu o ka po, a me ke ao, l)a haalele mai oe i ka pili aloha a kaua, Ke noho nei au me ka minamina ia oe, Kuu wahine mai ka ai haaheo o ka aina, Aohe wahine he hoa-pupuu no ke anu, Kuu wahine mai ka ua kihene lehua a ka manu, A ka liwi maka-polena, ai pua lehua o-uka, Eia hoi au la ua haakulou, I3a ka-lele na lima i ka lae, Ua ai i ka ia lima-lau o Kalia, Ua mihi aku, ua mihi mai, Ua hele hookahi ka uhane aohe lua, Ku nana iluna o Kaihalulu, Halulu me he kapuai kanaka la, Ke poi a ke kai o Kalehuawehe, Wehe mai nei oe i ka pili a kaua me na keiki, Na hoa alo ua alo makani, E alo aku ana i ka makani kuehu lepo o Kau, He u aloha no Pi-e, Na Pauole (w.) Uwe helu ae nei o Geoki, E ike auanei oe i ka la loloa o Koolau, 1 kahi a kakou e pii ai, I piliia ka ua nie ka la, Hele ia hoi ke anu me ke koekoe, Kuu hoa au-wai o Waiauwia, Aui ae nei au ihope, Aole kahea nna niai owu hoi kekahi, He uhane aloha no Pi e—a, Na K. Kamakaiula. U we helu ae nei o Geoki, Kuu wahine īnai ka ua apuakea o Koolau, Ke hahi mai la la i ka ili o ke kai, Hele haaheo ka ua i ke kula o Alele, Lele pu no ka ua me ka makani, Nou ae la i na uka o Kapaa, Paa mai la Nuuanu i ka ua noe, He ua pee puhala ia no Kekele, Kelekele iho nei ka maka, 1 ka ilee pono ana iho i ke aloha, 0 ka pau-mako no ia, He uhane aloha no Pi e—a. Na M. Kaelehiwa. Uwe helu ae nei o Geoki, Kuu wahine mai ka ua kukalahaleo Honolulu Mai na pihe uwa lua o ke ahiahi, Kuu wahine mai ka nahele laau loloa, Makai o Kuloloia, Loa iho nei ka maka, 1 ka ike ana'ku i ke aloha e naue mai ana, He uhane aloha no Pi e—a. Na Haleo. Uwe helu ae nei o Geoki, Aloha ino no kuu wahine, Kuu hoa pili o ke kino, I piliia e kaua ka ua me ka la, Ke anu me ke koekoe, Kuu hoa ohumu o knhi mehameha, Hoa hoolaukanaka o kahi kanaka ole, Kuu wahine mai na kai ewalu, Aohe wahine he hoa pupuu no ke anu, He uhane aloha no Pi e—a. K. Kanoiioua. Kaluaolohe, Wailaki waena, Aug. 31, 1804.