Ka Nupepa Kuokoa, Volume III, Number 37, 10 September 1864 — NA MEA HOU O HAWAII NEI. [ARTICLE]

NA MEA HOU O HAWAII NEI.

Moku ka Lima.—Ua moku ka lima oC. Charms, o Hanalei, Kauai, i moku i ka mea wili hoomaloo ko, o ka haie wiii ko o Mr. R. C. Wale. Ke Kau Koho Balota.—Ke* kokoke mai nei ka manawa e koho hou ai i mau Ljinamakaainana no na Apana Koho Balotaapau o keia Aupuni. Hokuao.—E holo ana o Holuao i Maikonisia, ma ka Poaha ae nei, o ka poe mea puolo e hooili ana, e pono e hoomakaukau e mai mamua o ka holo ana o ka moku. Pau Paha i ka Mano ?—Ua hele kekahi kanaka o Kahananui kona inoa, (kuli o Piikoi,) i ka laawai-a, ma Kaipapau, Koolauloa, Oahu, i ki po o ka Poakolu iho nei, a ua nalowaie ua kanaka la a hiki i keia ia, ua pau paha oja > k& Mano ?

Heanu Clarke.—Ma Kapalama, Honolulu, ma ka la 2 o Sepatemaba, make iho la 0 Mrs. Heanu Clarke, he loihi kona waiho ana ika inai. He nui kona n?inamina ia e kana kane ame kana mau keiki elua. He 24 ka nui 0 kona mau makahiki o ke -ola ana. Hale Pau Aiii.—Ua lohe mai nei makou me ka minamina, i ka pau ana 0 ka hale o J. W. Kaupena, o Holualoa, Kona Akau, Hawaii i ke ahi, ma ka po 0 ka la 22 o Augate iho nei, aloha ino. Hekumuao maikai no keia na kakou, e ao mai ana, e malama makaala kakou i ke ahi, o poino ia auanei kakou. Ina Pela, Pono Ole.— Ua lohe mai makou, ina ka e mai kekahi poe, 0 ka hele iho la no ia e komo iloko o ka Ahahui Kaahuinanu, i hoolewa maikaiia ai. Ina oia ke kumu e konoia'i kekahi poe e komo iloko o ia Hui, aiaila, he mea ku ia ika hoowahawahāia. Kainoa paha o ke aloha ka mea nana e kono i ke kanaka e komo iloko o ia Hui maikai a na Aliiwahine i kukulu ai ?

Ka Moi.—Ua lohe mai makou, e hoi mai ana ka Moi ma Honolulu nei i keia la mai Waiawa mai, a ma ka Poakahi ae nei, e holo ana Oia i Molokai a tne Lahaina, a e holo pu ana no hoi me ia kona mau puali Alii. Nawaliwali iki no ka Moi i keia mau la aku nei, la |a ma Waialua ; aka, ua pau koke no nae ia mea, a ua maikai hou na kona Ola. Lokomaikai maoli. —O ka nui o na dala loaa o ka Aha Himeui a na 'Lii ma ka po o ka la 14 o lulai, ma Kawaiahao, he $471.75, pela ko makou haiia ana mai e Hon. C. R. Bihopa, Puuku o ka Halemai o ka Moiwahine; aua hai pu mai oia, ika hana 0 Mr Newman i ka Piano me ka uku ole, a ua kokua nui no hoi o Capt. John H* Brown, ame kekahi poe e ae, i na hana ma ia po. Nani ka lokomaikai hiwalua 0 na 'Lii i ka Halemai Moiwahine.^

No na Mea Hanohano.—Uaholoaku nei ka Mea Hanohano Lady B. Pauahi Bihopa, a me kana Alii kane, a me kekahi poe hanohano e ae, maluna o ke Kilauea, i keia holo ana'ku nei, i holo aku nei_i Maui, a hala loa i Hawaii, a e naue ae ana paha e ike ia«Hiiaka wahine ika poli o Pele. Ama ia holo ana no hoi o Kilauea, ua holo aku nei ka Mea Mahaloia R. G. Davis, kekahi o na Lunakanawai o ka Aha Kiekie, i holoaku nei e hoomaka i ke kau Hookolokolo Kaapuni o ka Mokupuni o Hawaii.

Ke Kula o Kapunahou.—Ua minamina makou i ka ike pinepine ana i na keiki Hawaii i hele i ke kuia Beritania no kekahi manawa, a loaa iki kahi ike iloko o na kula haahaa, o ka haalele iho ia no ia,a hoomaka koke no e hele mamuli o na konona pumehana a ka puuwai, no ke aha la ka hoomau ole mainuli o ka imi naauao a iawa, alaila kuupau ka lealea ? E na keiki Hawaii, e pono ia oukou mahope iho o ko oukou haaiele ana i na kuia haahaa me ka pau pono o ko iaila ike, e komo koke i ke Kulanui o Kapunahou, i pau ai ia oukou na kihikihi o ka ike. £ maiama i keia kauleo. Ka Ahahui Kaahumanu.—Ma ka Poalua a me ka Poakolu iho nei, ua hoolewa ua Ahahui nei i kekahi o na lala o ua Hui la, he 250 a oi ae paha na poe o ia Hui i hele ae ma ia huakai hoolewa ; a ua maikai maoli no hoi ka hoolewa ana. Ua lohe mai makou o ka nui ona hoa oia Hui, he 1,500, a o ka nui oke dala i loaa ma ka haawiana mai a na hoa, he $1.300 aoi ae paha; he 12| keneta ka auhau a kela Lala keia Lala o ua Hui la, $1.50 no ka makahiki; e uku ana na hoa e iike me ka hiki, oia hoi $1.50 ma ka uku paa, a i ole ia he 12£ keneta no ka malama hookahi. O ke ano o keia Hui, oia no ke kokua ana i na hoa oia Hui i pilikmia no ka mai, a i nelf; hoi i na mea kupono e malama ai iaia iho. | He hana maikai loa keia, a he hana no hoi i ku ika mahalo nui ia; no ka mea, he mea e hooluolu ai i na minute pilikia mai o ka poe ilihune. Ano ia mea, ua kupono loa ke mahalo mau loa ia na inoa o ka Mea Kiekie Ke Kama Alii o Hawaii V. K. Kaninaulani, Me Hanohano ke aiii B. Pauahi Bishop, Ka Mea Hanohano ke alii Lilia Kamakaeha Domonis, a me ko lakou mau hoa Hanohano eae, nana i hookumu i keia hana maikai aloha lahui.