Ka Nupepa Kuokoa, Volume III, Number 38, 17 September 1864 — NA MEA HOU O HAWAII NEI. [ARTICLE]

NA MEA HOU O HAWAII NEI.

Ahaaina a na Olelo e.—Ma ka po iho nei o ka Poaha,he Ahaaina ka na haole o ka Hui Olelo e, ma ko lakou hale Hui ma Koleaka, a ua oluolu maikai no ka lakou hana ana, ame ko lakou hauoli ana ma ia wahi.

Mahalo Pono.—Ua pai iho makou i ka olelo hooholo mahalo a na Makaainana o Kau i ko lakau Elele W. T. Martin, ma kona kupaa ana mamuli o na pono o na Makaainana, i na ia o kona noho Elele ana iloko o ka Aha Elele kuka Kumukanawai a ka Moi i kahea ai, a hoopau iho nei.

Ko Kau Poe Koho.—Lohe wale ia mai nei, aohe ka he wahi kanaka hookahi o ka Apana o Kau» i kakauinoa no ke koho ba!ota, e like me ko kakou e kohoia nei, a o ka nui ka o ko Koolaupoko he eha wale no. Heaha mai nei la nei ? He lohe wale mai no nae keia. Ka Moi.—Ma ke ahiahi o ka Poaono o ka pnle i hila, hoi maiKa Moi mai kana huakai kaapuni i keia Mokupuni, e like no me ka makou i hai mua aku ai. Ua maikai pono ke ola o ke Alii. Pa-e wale mai hoi ka lono, e he!e ana e kaapuni ia Maui \ me Moiokai iloko o keia mau pule ae nei, a o ka la e hele ai, aole no i maopopo loa. Anoano Pūlupui.u.—Ke haiia aku nei i na makamaka a nie ka poe no a pau e makemake ana e loaa ka anoano Pulupulu Si Ailana, e kii mai ma ka Halekuai o Mi. H. M. Wini, a a haawi wale ia aku no ia lakou. Ao ka poe no a pau ona Mokupuni e e holo mai ana ia nei, e loaa no ia lakou ka anoano Pulupulu ke hoona mai ianei.

Ka Poe Koho Balota.— Ua pau iho nei ka heluia'na o ka poe kupono i ke koho balota iloko o keia Apana, e like me ka mea i kuhikuhiia ma ke Kumukanawai o ka la 20 o Aug„ 1864. Ao ka nui o ka poe i hele aku e hoo'paa i ko lakou mau inoa, he 165 paha, oiai o ka nui o ka poe koho balota o keia Apona i na wa i kaahope ae, he 2.500 paha. : —

Ke Kama Aliiwaiiine o Hawaii.—Nawaliwali iho nei ke Kama Aiiiwahine o Hawaii i keia mau la iho nei, aka. ua pohala no nae ka mai, a ua maikai hou ke ola o ke Alii. Ma ke ahiahi nei, hele ae ana i ka hoioholokaa, a i kaikeaku, ua maikai loa ke ola o ua alii la, a ua hele no hoi a me he mea la he pua i ua ia e ka ua kuahine, ka hele a ohaha i ka nae o ka mauu.

Ke Hua mai nei.—Ke hua mai nei, a ke palahalaha aku la ka hana maikai aloha lahui i hookumuia'i e ko kakou mau kaikamahine Alii, no ka mea, ua ike iho makou i ke I&kuluia o kekahi lala o ka u Ahahui Kaahumanu" ma Koloa Kauai, ma na palapala i kakauia mai e Hon. G. W. Lilikalani, a i paiia hoi ma ka Aoao 4 o ka pepa o keia la. He oiaio, aohe hana maikai i kanuia i hua ole mai ika pomaikai. Pehea la hoi na mokupuni e ae ?