Ka Nupepa Kuokoa, Volume III, Number 38, 17 September 1864 — I ka poe ike i na rula o ka Mare ana. [ARTICLE]

I ka poe ike i na rula o ka Mare ana.

E ka Nupepa Kuokoa e ; Aloha oe :—E oluolu oe, a me ka Lunahooponopono o kou kino, e hookomo iho i na hua e kau ae la niaiuna, maloko o kou kowa kaawale. Ma kou Helu 28 Book 111, aoao 4, i hookomo iho ai oe i kekahi mau olelo, mai Wailuku aku nei no, i kakau inoa ia e E. K. Wahinehuhu, ma keia pooleio nae; "No ka mare ana." Ke ninau aku nei au i ua o E. K. W., he pono anei i ka wahine i mare ole ia me ke kane i mare ole ia, ke moe pu ma kahi hookahi ? Eia hoi, ina paha no Lahaina ka wahine i hoopalauia, a no Wailuku nei ke kane i hoopalau ai, a o ka wahine nae, ua hele mai oia a noho ma kahi o kona kaikunane; a lohe iho la ke kane i hoopalau ai; kii koke mai la oia, a olelo aku i ua wahine la, e hoi e moe i ka, home hookahi. He pono anei keia hana, oiai aole laua i mare ia, ke manao nei au a me lakou la'e paha, aole pono. Nau no nae eE. K. W., ka mea ike pono i na nila o ka mare ana e wehewehe mai i ka pono a me ka ole oia hana.. No kuu ike ana ma ke Ahupuaa o Wailuku nei, i kekahi mea e hana ana maia ano, nolaila, ke holo aku nei au i ou ia i pau ka pohihihi i ka hoomalamalama ia mai. Aole paha i ike ua mea la i na rula au i hoolaha aku ai, no ka mare ana, ma na helu i kaahope ae. No ka mea, ua ike au ma kou paipai ana mai ia kakou, ma ke -Kuokoa penei: "E na hoa, ena makamaka, na kaikuaaoa hoi o ka pono, a me lakou la ae no hoi; e nana pu mai no kakou, o ka mare ana, he hana nui a hanohano hoi, nolaila, i mea e nani ai, e hana me ke akahele a me ka noonoo pono." Ma keia mau olelo au e E. K. W M ke ao mai nei oe ia kakou e akahele; o pono ole hoi ke hopuhopu-alulu, a pihoihoi, e like me kela kanaka i hai ia ae ia maluna; e noonoo pono o hauWe ka mare ana a lilo ka mea hanohano i olelo ia'i i raea kne, i keia olelo i pai pinepine ia: "E mahalo ia ka mare e na raea a pau." E aloha aūaneL P. K.Moo. Wailuka, Alaui, Bep. 12,1864.