Ka Nupepa Kuokoa, Volume III, Number 38, 17 September 1864 — Mea hou ka Lio ma Kalalau. [ARTICLE]

Mea hou ka Lio ma Kalalau.

E Ka Nupepa Kuokoa e ; Aloha oe :—E hiki paha ia oe ke hookomo iho i keia wahi mea hou i ike ia ae nei ma na pali o Kqlalau nei, oia hoi ka hiki ana o ka iio maanei, mamuli o ko makou hana maalea ana, ke pono nae hoi la ia oe a me kou Luna Hooponopono puuwai palupalu. He mea hou i ko'u ike ana i ka lio*i ka hiki ana maanei, a ua hoopaa iho hoi wau ma ka'u Buke Hoomanao, i Helu I ia no na mea hou i ike ia ma Kalalau nei iloko o keia makahiki, no ka mea, mai kinohi mai hoi a hiki i ka makahiki i aui'aku la, aohe no i ike ia ka lio uo ka mea, He aina pono oie keia no ka heleana mai o ka lio a hiki maanei no ka pali pono ole. Aia no ko makou ike maka wahi lio aku, a hele aku ma na nina palahalaha aku, ma Haena, Waioli, a pela aku, alaila ike aku i ka lio, me ka haohao nae o na inaka ma ia ike ana'ku. 0 ka makou mau keiki hoi, oki loa aku hoi ka makou mau keiki no ka ike ole, hele a ike aku i ka iio, aohe makau a pau mai. Ma keia wahi naē hoi, e ike auanei kakou i ka hiki ana o ka iio maanei, a me kahi hoi i hiki ai. No ka mea hoi, iloko okeia mau la maPka malama mai o Mei, a hiki mai i keia la a'u e hoopuka nei ma ka Nupepa, ua hiki aku ka nui o na lio i ka umi a keu aku. Ma na maoli makou e lawe mai nei i na lio. Akamai no hoi na kanaka 1 ka hooili ana ī ka lio maluna o ka waa. A ua pau no hoi na lio elua ma ka waa hookahi i ka holo hookahi ana. O iia iio nae i hiki mai i o mal<ou nei, ke hookauwa ia nei e makou me ka hooamo ana i na pai kuai hapaha ma Hanaiei; na ka lio e hali a hiki ī kahakai, a na ka waa no hoi e hali aku a hiki ma kahi e kuai ai, a, pela no makou e hana mau oei. Ua oki iho la ka hana eha ma.ke amo maoli ana e like me ka mea mau o keia lahui/ Ua hala aku la ia auwe ana i kekahi poe o makou. Ke holoholo nei hoi makou i keia mau lio mai uka mai a hala ma kahakai, a mai kai mai hoi a hala i uka, aole nae e hiki ke holo ma Mana a me Haena, oiai hoi uā "kaupale ia mai makou e na pali e ku laumania ana ma kela a me keia aoao. E hoomaikaiia hoi ke Akud, ka mea nona ka lani a īne ka honua, a nana hoi i ha-

j na i keia aina i pa no na lio a me na bipi, a me makou pu no.hoi kekahi. Ke henehene ia mai nei nae makou e kekahi poe malihini mai na wahi e mai, no ka lawe ana mai ka o makou i ka lio maanei, me ko makou ike no ka he paii, a he kupono ole ka no ka malama ana i ka lio, a luhiua no hoi, wahi a lakou i pane naaupo mai me ke kuhihewo, me ko iakou noonoo ole iho, he mea hou no ia i ikeia iloko o keia makahiki, no ka mea, iloko o na makahiki lehulehu i kaahope aku, aole no he wahi mea a Ike ia o keia mea he lio maanei, aka, iloko o ke au ia Kamehameha R., akahi no a ike ia ka lio, e like me ka mea i olelo mua ia e a'u maluna ae. Ma keia oielo hoohenehene nae, he oiaio no ia, ke akoakoa mai nae oukou, me oukou no hoi ka lealea, me makou jho no hoi ka hilahiia, Heaha la ia, hele ka wai hele ke ala, huli ae ke alo iluna, kaka na wawae i ka paia, ka ua mea he olioii. E aho ia wahi mea hou o ke kuaaina, ke puolo aku oe a hiki i kahi o ka wai paina a ku aku hele i kau huakai hoolaha i na mea hou, i ike mai ai ko kaua mau hoa puni mea hou. Ina hoi he poe kekahi i noho mua no maanei, a ua hele aku nae ma na wahi e ae o keia mau mokupuni, e hai aku oe ia lakou no keia mau mea a kaua i kamailio ae nei, anoai o hu ae ke aioha no ka aina ana i ike mua ai, a lilo ia i mea nana e kaao ai iloko i o kekahi manawa lealea i ioaa iaia, oiai hoi ua ike no ia i kona wa e noho ana maanei j aohe lio. Me ke aloha no. j L. Nakula.la. ! Piliwah, Kaīalau, JTauai, Aug. 20, 1864. j