Ka Nupepa Kuokoa, Volume III, Number 39, 24 September 1864 — Holo ka hana o ka mahi Laiki MA WAIMEA. [ARTICLE]

Holo ka hana o ka mahi Laiki MA WAIMEA.

E ka Nupepa Kookoa e ; Aloha of. :—Me ka ulumahiehie o ko'u puuwai, e hookomo iho oe ma kahi kaawale o kou mau kowa, i keia mau hopuna olelo ano uui e kau ae nei ma ke poo o ke kahua kaua o keia kukulu manao ana. O keia mau huaolelo i kauia maluna, oia ka'u e waiho aku imua ou, a nau ia e ahai hele aku ma mokupuni ewalu o kaua i noho kanaka ia, i īke mai ai na wahi puhpula kanaka hou o kaua, a me ka poe no hoi i kau ka lua o ke oho i ko lakou mau poo, no ka holo maoli o ka mahi laiki ma keia apana. Ke hooikaika nei kekahi poe kane a me kekahi poe wahine i mahi ole i ka laiki i keia mau makahiki i kaahope ae nei, aka, i keia ma makahiki, ke hoao nei i ka hana ana i keia mea he mahi laiki. Oka lakou mau oleio mahope iho o ka haalele ana mai o na kukuna wela o ka ia, o ka mahi laiki wale iho la no ka lakou olelo nui, a na ka ikaika 0 ka hiamoe e hoopau i ka lakou olelo ana no ka laiki. # O ka moe iho la no ia o kahi kane ne kahi wahine ma ko laua wahi pupupu hale, a ma ka wanaao, o ka hooala aku la no ia o kahi wahine i kana kane, me ka manao no e hele. 1 ka mahi laiki; a puoho ae la no ke kane, ua makaukau mua no hoi i ka wahine na wahi kapa hana, a o ka hele aku la no ia e hooinaka i ka hana ana me ka piha no hoi i ka hoihoi. O na loi a'u i ike ai i na makahiki i hala ae ua paapu i ka nahelehele, aka, i keia makahiki ke pau nei i ka mahiia, a ke hoio nei ka hana. Ke i nei au ma keia kukuiu manao ana o'u, ina e hala hou aku ua makahiki hou o ka hoomau ana i ka mahi laiki, alaila, o ka Apana o Waimea ka papa akahi o ka poe kanu i nei mea he laiki. Aole no ka hooikaika nui wale kekahi o na kanaka ma keia Apana, aka, no ka paipai nui mai o kekahi haole o Kanuka (V. Knudsen) kona inoa, a penei hoi kana mau mau olelo paipai: " Ina e hooikaika nui na kanaka o keia Apana ma ka oihana mahiai o kela ano keia ano, alaila, e loati no ka waiwai no lakou iho." Ma keia mea, ua koho ae na kanaka o keia Apana ma ka oihana mahi laiki, a oia ka oihana waiwai a lakou i manao ai, nolaila, ke hooikaika nei na kane me na wahine ma ka mahi laiki» ku iike no hoi e iike me ka makemake o k& Moi, o ke kanaka mahiai o ia kona kanaka, aole o ke kanaka palaualelo noho hana ole. He hana maikai no keia, a he hana waiwai no hoi, ke hoomau loa aku nae ka hana ana, aka, ina he hoihoi kinohi wale no, a mahope ike i ka uuku o kahi loaa o ka haalele no ia, no ka mea, he lahui molowa keia ma ka huli waiwai ana, he ake waie no ma ka loaa hikiwawe. Me ka mahaio. J. W. K. Nawai. Waimea, Kauai, Sep. 13,1864.