Ka Nupepa Kuokoa, Volume III, Number 39, 24 September 1864 — NA MEA HOU O HAWAII NEI. [ARTICLE]

NA MEA HOU O HAWAII NEI.

Lehuleiiu.-—Lehulehu loa no na eepakeke i kau mai nei ma ka moku Kometa mai Kapalakiko mai, he Uanalima kumamakolu ka nui; nana'ku no hoi oe, laukanaka ka towapo o Halekuke kahiko, i ke ku ana mni i ka Poakoln iho nei. Kauka Minuteole.—Ma ke ku ana mai nei o ka moku Cometa ma ka Poakolu iho nei, ua kau pu mai malaila ko kakou makamaka Kauka Minu(eo)e, a ua maikai loa no kona ola. ,E hoomaka hou ana oia i kana oihana lapaau, ma kona wahi mau. Ua loaa mai nei ia ia na laau maikai ano hou a pau. A he oluolu no paha oia e ike i kona mau hoa mua. Ano Ole na Leta.—Ua hoolilo makou i kekahi hapa nui o ka Aoao 4 o ka pepa o keia la, no ka letu a Kapepeekauila, me ka manao e hoike aku i ka poe kakau manao i ke kumu e hoopanee pinepineia'i o Ua lakou mauJeta ma ka papa; no ke ano ole maoli o na olelo o loko, a he kupono ole hoi ke hele e koa imua o ko kakou kahua kaua, e like me ka palapala a Kapepeekauila, mai ka mua aka hope, he opala wale no. Ua hele no hoi na olelo mai ka maikai a ka lapuwale loa, me keano ole maoli no. Na oukou no e ike iho. — E Ao Kula Ana.—iUa mahuiia mai makou e ka lono, e hoomaka ana ka o Rev. H. H. Pareka, o ka Halepule o Kawaiahao, i ke ao kula olelo Beritania, no na keiki kane a me na kaikamahine a pau e makemakemake ana e aoia i ka olelo Beritania, me ka uku ole. Ina he oiaio keia lono, alaila, he nui ko makou makemake e hele nui na keiki ilaila e ao ai i ka olelo haole, no ka mea, e hiki ana ia lakou ke haawi mai ai i ka ike, me ka lilo ole oka uku. E wiki oe me kau hana maikai. Ke Ko o Waikapu.—Lohe mai nei makou, ke wili nui ia nei ke ko o Waikapu i keia mau la, a hala paha kekahi mau malama, alaila, hoomoe iki ka wili ana, no ka hooponopono hou ana i kekahi mau mea e pili ana i ka wili, a me kekahi mau mea hoomaloo ko kou. E hala ana paha na malama elua ma ia hooponopono ana, alaila, hoomaka hoa no ka wili. Oia oe e Waikapu. Pau ike Am.—Ma ke ku ana mai nei o ka moku Kiakolu Flestwing, mai ka mokupuni { Bakers lsland) Pua-ka-ilima, aina hana lepo manu, ua hiki mai ka lono ma o na la, e hoike mai ana i ka pau ana o na mea a pau maluna o ua mokupuni la i ke ahi, ma ka la 6 o Augate iho nei, oia hoi na hale, na kaa, na mea ai, a me na lako hana a pau maluna oia mokupuni; aole ka o kanamai ke oneanea oia wahi i keia manawa. Ona waiwai a pau oia mokupuni, no ka Hui i kapaia ka u American GuanoCompany," a no lakou ke poho nui ma keia pau āhi ana mai nei. O ko kakou hoa Dr. G. P. Judd (Kauka,) ka Agina (Agent) oia hui e noho nei maanei.