Ka Nupepa Kuokoa, Volume III, Number 41, 8 October 1864 — E mihi! E mihi. [ARTICLE]

E mihi! E mihi.

Ia oe e P. A. Kalalaupunanaakeonaona, a me Kapepeekaila e; Aloha olua. Ua manao au e kakau leta aku ia oe e Kapepeekauila, o ko huna hoi i ko wahi e noho ai. Aia ma ka Helu 37, o ka Buke 3, o ka la 10 o Sept., a me ka llelu 39 o ka la 24, rna ia mau Helu na olelo liliha a olua, okalakala ka lauoho o ko'u poo no ia mau olelo pelekunu a'olua, aole pahaowau wale, o lakou nei kekahi. Ua manao paha olua ; o ka hoailona ia o ko olua naauao, pela paha ; he mau kahuna akamai no olua, he halihali i ka popo auhuhu i ko kakou Lahui, e oki ka olua hana, o lohe na kamalii a kakou, a hoomahui lakou, mai hoohalike ia kakou nie na kaikamahine 0 Kanetina. Eia ke kumu o ko'u hoahewa ia olua, o ko olua hailiili i na olelo mania, na Kalalaupunaakeonaona aku hoi puua, na Kapepeekauila mai hoi laoa. Ke hai hookamani ole aku nei au ia olua; ua hewa olua. Pehea la kakou e pakele ai Ika hewa ? wahi a loane 44 E mihi! E mihi!! i pau ka hewa." E heluhelu kakou ma ka Mokuna 5 o Mat., pauku 22, penei: 44 Eia hoi ka'u e olelo aku nei ia oukou, o ka mea huhu hala ole aku i kona hoahanau, e lilo ana ia i mea no ka hoohewaia. a o ka mea e hailiiiiaku i kona hoahanau. E! pupuka! e lilo ia mea no ka Ahahookolokolp ;ao ka mea hailiili aku. E ! lapuwale! e lilo īa i mea no ke ahi o Gebena. Pela no ma Samuela 2, 6:20. lakoba 2:20. Aole no, no olua wale ka lua'hi o Gehena, no kakou no a pau. E pau ! e pau! ka hana pela, eao luau ka hewa i ike maka ia, ua hewa kakou; ua pono no o lesu. Me ke aloha i ke " Kiiohana Pookela o ka Kahui Hawaii." J. K. Kaailehua. Holualoa, Kona A. Hawaii, Sept. 30,1864.