Ka Nupepa Kuokoa, Volume III, Number 42, 15 October 1864 — Dala nalowale. [ARTICLE]

Dala nalowale.

E ka Nupepa Kuokoa e ; Aloha oe : —Akahi no ka'iele o kuu oili i ka nana ana i kou kino o kou la haaheo o Oct. 1. O na mea hou o Hawaii, ma ka huaolelo no ke dala. " Ina oukou e hoouna ike dala me ka palapala, e pono e hookomo iloko o ka eke leta, pela e hiki pono ai." Pane aku. E oluolu oe e kamaiiio pu kaua, elua o'u dala i nalowale loa, penei: Ma ka la 24 o Augate, hookomo au i ka'u dala hookahi me ka Olelo Hooiaha no ka Alupepa Kuokoa iloko o ka eke leta, o ko'u hale leta, maia la mai a ka mahina o Sept., hoouna hou au hookahi dala ma ka inoa o D. Kalakaua, maloko o ka eke leta, aole no i puka iloko o ka nupepa a hiki i keia wa.

Manao au, aole i loaa i ka Luna o ka nupepa keia mau dala a'u, eia ka ninau malaila. Ia wai ka nalowale ana ?i ke Kapena moku anei ? i na Luna o ka eke leta anei ? Manao au i na aole i kekahi, aia no i kekahi o laua, nolaila, ua maikai ole ke dala hoouna iloko o ka eke leta, ko'u manao, ua ino loa keia hana kolohe. O ke kolu keia o ko'u ike i ka nalowale o ke dala. O Z. K. Puuloa ka mea hoouna i kana Olelo Hoolaha mamua, aole no i loaa ke dala i ka Lunahooponopono. O ka Olelo Hoolaha wale no kai loaa aku, pela hoi ka hoike a kekahi nupepa o keia hebedoma aku nei. E oluolu oe e hookomo iho i keia leta ma kahi kaawale o kou kinonui. Me ke aloha no. J. W. Makanoanoa. Luna Leta ma Kailua. lfona t Hawaii, Oct. 5, 1864.