Ka Nupepa Kuokoa, Volume III, Number 48, 26 November 1864 — O ka Moeuhane, OIA ANEI KA HELE ANA O KA UHANE MAILOKO AKU O KE KINO. [ARTICLE]

O ka Moeuhane, OIA ANEI KA HELE ANA O KA UHANE MAILOKO AKU O KE KINO.

E ka Nupepa Kuokoa e; Aloha oe: E oluoiu no oe e ka Luna Hooponopono ame ka po6 lawelawe e hookomo iho i keia wahi ukana ma kahi kaawale o ka Nupepa Kuoīwa. -

He like ole ka manao o na kanaka a pau no keia mea. O ka manao o na kanaka a pau ma Hawaii nei, ua manao lakou ua hele maoli no ka uhane mai ke kino aku ; a pela no hoi ko'u manao, ua hele io no ka uhane mai ke kino aku ; aka, i keia wa, ua hookahuliia ko'u manao, a ke manao nei au i keia wa, aole i hele ka uhane mai ke kino aku. Eia kekahi mau mea i hookahuliia ai ko'u manao, o ko'u ike maoli ana ma ka moeuhane i ka halawai ana o ko'u uhane me kekahi o ko'u mau hoa'loha, uwe nui au ine lakou, a i ke ula ana ac, aia no ma ko'u mau maka na waimaka. Ina ma Waiehu kahi e uwe ai ka uhane, aia no nu waimaka ma ka maka o ke kino e moe ana ma Honokohau, nolaila, aole i hele ka uhane mai ke kino aku. Eia hoi, i ka nana ana ma ka Baiba!a, lakobo 2 : 26, " Oiaio no, o ke kino uhane ole, ua make no ia," aka, aole make iki o ke kino i ka wa e moeuhane ana, e hanu mau ana no, a e mahana mau ana no, aka, o ka mea uhane ole, ua make, u& anuanu, ua lohe ole, a ua oni ole, a nolaila, aole i hele ka uhane mai ke kino aku. A ke manao nei au, o ka moeuhane, oia no ke kamailio ana o ka uhane i ka wa e ala ana, ua kapaia he kuko ; a o ke kuka o ka uhnne i ka wa e hiamoe ai, ua kapaia he moeuhane, a o ke kuko a me ka moeuhane, hookahi no ia. Eia na mea e maopopo ai ka like ana o ke kuko me ka moeuhane. 1. Ua like loa ko laua mama: I ka wa e naue ana kekahi, ua like aku la na manao i Oahu, a i Kauai paha, me ka holo ole o ka manao maluna o kekahi mea kino lana ; pela no hoi ka moeuhane, oole i holo ka uhanema ka moku, ua hiki aku nae i Oahu. Pela ka hoi āna mai, ua hiki wawe loa e like me ka puiwa ana i ka wa e kuko ai; a pela no ka hoi ana mai o ka moeuhane, iia ano like loa ko laua mama ke hele a ke hoi mai. % lJa like loa ka nalowale koke ana: O na mea a pau > kukoia i ka ia ua pau loa ka nui i ka nolowale, uuku

loa ke koena ; pela no hoi na mea a pau i ikeia ma ka moeuhane, a i ke ala ana ae, a noonoo i na mea ana i moeuhane ai, ua pau ka nui i ka nalowale, a o na mea i koe ua hapa loa. >i. O na mea a pau i manao nuiia, a i kuko nuiia, oia no na mea e loaa nui ma ka moeuhane ; No ka mea, e mau ana no ke kuko ma na mea ana i manao nui ai, a i ka hiamoe ana, hana mau no ka uhane malaila, no ka mea, aole e hiamoe ka uhane, o ke kino wale no ; aka, ua nui na moeuhane i like ole me na kuko o ke ao, pela io no, no ka mea, aole mau ke kuko o ka uhane ma ka mea hookahi, ua holo i o ianei. 4. He mea io ole ka nui o na moeuhane ame na kuko: Nui na mea i kukoia i ka wa e ala ana, ā lilo koke i mea ole, me he ao ua ole la ma ka lewa, a puhi ia aku Ia ka makani o ka nalowale koke no ia; a pela no hoi na moeuhane, a ua lilo ka nui i mea ole, kakaikahi na mea io e like me na kuko i hookoia, pela r.a moeuhane io, na ke Akua no i hoike mai ike kanaka. Ake manao maopopo nēi au, aole i hele ka uhane mai ke kino aku ; a iua ua hewa keia kamailio ana, mai keke mai. Me ke aloha. S. K. Poikaohu.