Ka Nupepa Kuokoa, Volume III, Number 49, 3 December 1864 — He mau ninau na na Makaainana i NA LUNAMAKAAINANA A ME NA KUHINA. [ARTICLE]

He mau ninau na na Makaainana i NA LUNAMAKAAINANA A ME NA KUHINA.

Makaainana.—Heaha la ka mea i hoopuka ole ia'i ka Mooolelo o keia Ahaolelo ma kekahi Nupepa ? Lunamakaainana. —Eia ka mea i hoopuka ole ia'i, no ka manao no o na Kuhina, o ike auanei oukou i na manao o ka Ahaolelo, a manao inai paha oukou he Kau Ahaolelo nana ole keia i ko oukou mau pono. Makaainana. —He oiaio anei na oukou io no e na Kuhina, ka manao e hoopuka ole i ka Mooolelo o ka Ahaolelo ma ka Nupepa ? Kuhina.—Na makou pu no me na Lunamakanlnnna ; e hiki hoi auan«i ia inakou ke aua, i na no hoi lakou e ae ana e hoopuka no ma ka Nupepa. Makaainana.—A na wai hoi ka hoomoe i na palapala Hoopii a makou ma ka papa ? K.—Na na Lunamakaainana no ia a ou« kou, aole he hana nui a makou, a na Kuhina oia mea. M.—Nawai hoi i kauoha'ku ia oukou e na Lunamakaainana, e haawi aku i ka uku 0 na Kuhina a oi aku mamua o ka uku kupono ? L.—Na makou no i ae aku ia uku, no ko makou manao wale ana hoi e loaa hou mai ana ka haawina pakela mamua'ku o ka mea 1 noonoo ia. M.—Owai ka mea nana i ao a i kuhikuhi hoi ia oukou a hana pela ? L,—Aole makou i aoia mai, aka, na na Kuhina no e paakiki ana, aole pono ke hoe-j mi ia ko lakou uku makahiki. M.—Heaha la ka oukou mea i hoolohe wale aku ai i ka lakou koi mai ? L.—l ae aku hoi makou i ka olelo ana mai, i na ka e hoemi ia ko lakou uku makahiki, alaila, o ka pau no ia i ka haalele i ka Oihana Aupuni. M.—Ua kupono anei ka oukou koi ana e na Kuhina i ko oukou uku e hoomahuahua aku ? K.—Aole na makou wale, aka, na makou pu no me na Lunamakaainana kekahi. M.—No keaha la ka mea o na Lunamakaainana i manao ai pela ? K. —I ka lakou olelo mai, i hana ka pela i mea e loaa aku ai kekahi mau hana Aupuni ia lakou. M.—Kupanaha maoli oukou e ua Lunaenakaainana, ke manao nei ka oukou e kumukuai i ko makou mau pono no na Oihana Aupuni. M.—No keaha ka mea i oi aku ai 1 ke 40,000 ka haawiua ana a oukou e na Lunamakaainana i ka Bila Haawina mamua'ku o ka Bila Haawina a ke Kuhina Waiwai i manao ai he pono ? L.—No ko inakou manao no hoi, e oi ana mamua o ke tausani na dala o na Bila Puhi Rama, eia ka aole. M.—Aole anei makou e kaumaha ana i keia palua makahiki, no ka oi wale aku nei o na haawina mawaho ? L. E kaumaha ana no paha, aka, he mea nae paha ia e akaka'i ka nui o na waiwai o ke Kauka. M.—E na Kuhina» Aole anei o ke Puhi Bama, he mea ia e hoopio mai ana i ka malamalama o ka pono Kerisiano ma Hawaii nei ? K.t-E na Makaainana e noho pono ana, mai kuhihewa oakou, e pau ana ka noho hoomalamalama ana mai o ka la o ka pono Kerisiano maanei» aole loa, no ka mea, o la ae ia ana o ke Puhi Rania a me ka inu-rama, he hoailona maopopo noia e akaka'i ka poe pono io maoli e kupaa ana ma ka pono, a he mea ia e maopopo ai ka noho hook*mani

ana o kekahi poe. A ua manao iho no hoi makou, o kekahi peahi noia a ke Aleua e hoomaemae mai ana i kona kihapai ma. Ha» waii nel. M.—No keaha e hoemi ia'i ka uku maka» hiki o kekahi mau kanaka Hawaii, e noho ana ma ka Olhana Aupuni; a o kona hale hoi, e hooiia'ku ? K.—No ka mea, he ola no ke kanaka Ha» waii i kahi uku haaHaa, no ka mea, he ai kumukuai nui ka ka haole, a oke kanaka Hawaii hoi, he komo no kana ai i ka paakai, ka popolo, ka mamona a me na mea like. M.—Ka inoa no paha i pilikia kakou a me ko kakou Aupuni, i na haole, eia no ka na oukou no e Lunamakaainana e haawi aku i ko kakou mau pono i na Aupuni e ? L. M.—Aole no hoi na makou wale, aka, na ka Buke nui no hoi kekahi i olelo mai; " Aole e pono ke manao i ko oukou mau pono wale iho no, aka, e pono e manao aku na kanaka a pau i ka pono o hai." Makaainana. Novemaba, 1864.