Ka Nupepa Kuokoa, Volume III, Number 49, 3 December 1864 — Na mea kahiko o Hawaii nei. [ARTICLE]

Na mea kahiko o Hawaii nei.

Ke nalo aku nei na mea ike i ke ano o ko Hawaii lahui i ka wa kahiko, a i ole e kakauia a paa ia mau mea, e nalo ioa auanei. Nolaila, ke paipai aku nei au i ka poe ike, e kakau koke lakou a hoolohe aku, i ike na hanauna ma keia hope aku i ke ano o ko kou poe kupuna. Eia malalo nei kekahi mau mea kahiko kupono ke imihia a hoolahaia mai. 1. Na akua kahiko o Hawaii nei. Kane, Kaneloa, Kukaili, Pele, Lono, Milu, Hiiaka, Pepekauila, Keawenuikauohilo, ke kaahele nna o na akua i ka po, na akua hoounauna, na aumakua, na kumupaa, na lapu. 2. Na luna alakai i ka hoomana ana. Na kahunapule, na kaula, na kilo, na kupua. 3. Na mea hoano. Na heiau, na dala, na kuahu, na mohai. 4. Na kapu. 5. Na hana hoomana. 1. Ka hoomana hooluolu aku i na akua. 2. " i ka lapaau ana 3. " i ka hele anai ka lawaia 4. " i ka hele ana i ke kaua 5. " i ka hanau ana ona keiki 6. " kanu ana i ke kupapau 7. " kaahele loihi loa ana 8. ka pule anaana. 6. Na lealea. 1. Na ahaaina. 2. Ka hula ame ka haa. 3. Ka pili waiwai. 4. Ka heenalu. 5. Ka lelekawa. 6. Ka holua. 7. Ko kukini. 8. Ka mokomoko. 7. Na mea ino maoli. 1. Ka aihue. Na powa. 3. Ka lua. 4. Ka umi kamalii. 5. Ka aikanaka ana. 8. Na mea hoonaauao. 1. Na kuauhau. 2. Na moolelo. 3. Na kaao. 4. Na haku mele a me na mele. 9. Na mai a me na ahulau. 10. Na oihana. 1. Na mahiai. 2. Na lawaia. 3. Na kukukapa. 4. Ke kalai ana ina waa. 5. Ke kukulu hale ana. 11. Na papa o kanaka. 1. Na alii. 2. Na makaainana. 3. Na lopa. 4. Na hu. 5. Na kauwa. 12. Ka hoopalau me ka hoao ana. O keia kekahi mau mea kahiko kupono e imi a hoike mai, a ua koe no paha kekahi: a ike kekahi mea heluhelu i kekahi mea nui i koe, pono ia ia e hoike mai. Na Hul.ikahiko.