Ka Nupepa Kuokoa, Volume III, Number 49, 3 December 1864 — Lincoln & Johnson. God Save the Union. [ARTICLE]

Lincoln & Johnson. God Save the Union.

i ka Poakolu iho nei, ua hiki mai ka moku Onwarch a nana i lawe mai ka lanakila ana o Linekona a me Johnson ma ke koho balota ; ua kikohuia na papalina Amerika i ka hauoli, a me ka olioli, no ko laua koho hou ia ana. Ma ko laua koho hou ia ana, aole e mau ana ka na kipi hana. Ma ka Poaha a po iho, ua hoomalanialamaia kela hale.Amerika, keia haie Amerika, me na kukui ihoiho, a ua kena ae hoi lakou i na ahi lele, na kao, a me naahi o na wni hooluu ano e.

Mamua'ku no o ke koho hou ia ana o keia mau Alii Pakui, ua hoohiki ae no na Amerika a pau, aole e hoopau i ke kaua, a hiki i ka wa e pelu ai ko lakou kuii ilalo o ka lepo, me ka hoomaikai, no na ino a lakou ilawelawe iima ai, a hooneoneo ia na haneri home he nui wale, a hoolilo ia hoihe inau tausani wahine, i poe wahine kane make. E like me ko lakou kiola ana'e i na lei bipi o ke kaumaha, a me ka pilihuā, ma na kahua kaua o Bunker Hill, a me Saraloga, i na makahiki he kanawalu kumamawalu i kaahope ae, a pela no auanei lakou e kupee ai i ka ha« i keia mau la'e i na kipi, ma na kula o Kikimona, a ma na papu paha o Kaletona. O Amerika holookoa i na la o ka hoomaka ana o ko lakou Kuokoa, hookahi no lakou a ka makuahine-kolea hookahi, aka, iloko o ke kanawalu kunmmaha o na makahiki oko lakou noho Kuokoa ana, " wehe i ka piko la o ka hoahanau," a hehi ino i ka uhi-maka o ka Hae Amerika.. o kona makuahine, malalo o ko lakou mau kapuai, me ke kikohukohu hoi me na kulu kok6 manaonao o ke kipi, aloha io no na kanaka Amerika i ko lakou aina, no ka mea, he mau tausani mile ko lakou kaawale mai ko lakoaina mai, aka, ke hauoli nei no kana mau pulapula me ia mamao loa. Me he mea la, aole nokala i manao ia ai keia mau kanaka, e noho alii a pau keia kaua ana, a haule mai na kipi ilalo o ka iepo, alaila laua haalele ae i ko laua inau noho ia hai, no ka mea ua maikai ae la; a me he mea Ia no hoi ua ike mai no ka Lunakanawai kiekie Loa, he pono ka laua aoao i koho ai, a nolaila i hoolōihi ia mai ai ko iaua noho alii; no ka mea aole e nana kee mai ana no onohi o ka lani, a aole no hoi e ae mai la e hehi ia ka pono i ka honua. No ka mea, i ka wa a ke kipi, i hoomaka ai e pani i na ihu o kona makuahine kolea i ole ai e honi hou ia i na ea oluolu, o na manawai o Hurona, a me na kapawai o Lawrena, ke poha koke mai la no ia o na kaulahao, a hakihaki hoi na kupee, i hoopaa ia ai i kaika o ka lahui Amerika, i na makahiki he kanawalu kumamawalu i kāa hope ae nei, a ala mai la na kanāka opiopio, me na lima kila, a me na naau paea, a hele aku imua e hooauhee aku ia lakou ma na kapa o Antieama, a ma na kula o Pitabuga.

Ki ola aku la lakou i ka waiwai, a kaua aku ja, u no kuu aina, kuu aina pono," a me ka ipu ae no hoi o ka mea e hoino mai ana i ka hae o ko lakou makuahihe he enemi mau loa ia no lakou, a hiki i ka hopena. Aohe no he manawa, a aohe no paha he wahi, e hiki ai ia lakou ke hoopoina i ko lakou aina makuahine, a hoemi mai ai hoi i ke aioha iaia, ka mea a lakou i aie ai. 1 na wahi a pau loa e welo ai ka Hae. Amerika, e houluulu auanei lakou malaila, a e hoolohe i kana mau kauoha mai. 1 na wahi a pat|, e welo. ai, i na paha ma ke v kai, a ma ka moana, ua makaukau lakou e hoala ae i ko lakou mau

lima a hooho ae, "e hoomauia ka welo ana o kela hae maikai, ma kahi e hana ai o na Kipi, haule nae imua o kakou, na lepo lanakila malalo o ko kakou mau kapuai, a o ka lepa o ka lanakila e welo maluna o kakou."