Ka Nupepa Kuokoa, Volume III, Number 52, 24 December 1864 — Na Palapala. Merry Christmas! Merry Christmas! [ARTICLE]

Na Palapala.

Merry Christmas! Merry Christmas!

Haohao no paha kekahi o ko makou mau hoa puni nupepa i ka mahele ole ana ma ka heluhelu i na huaolelo haole i kauia maluna, aka, e hoakaaka no nae makou ia mea. O kela mau huaolelo maluna, he mau mamala olelo aloha ia, ke 'hiki aku kela mea keia mea ma ka makaha o ka la i manao ia, o ka la ia i hiki mai ai ko kakou Hoola, a me ko kakou Haku nui i keia ao inea, oia hoi ka la e hiki mai ana i ka la apopo, aka, no ka haulehiaia ana o keia la mahope iho o ko makou haalele ana i ka noho hoa'loha ana i keia mau makahiki me oukou, nolaila, ke kikoo aku nei makou i ko makou mau pulima me ka.i pu aku.

" MERRY CHRISTMAS ! " O ka la i hanau ai ko kakou Haku, he la nui loa ia i malama ia e na aina Karistiano, i na Keneturia i kaahope ae, a o na ahaaina i malamaia ia la, ua oi ae ia mamua o na ahaaina a pau loa. o kekahi mau la hauoli e ae. Ma keia la e hohola ae ai kela kanaka waiwai keia kanaka waiwai i kā lakou mau papaaina i luluu i na maa ai o »a ano a pau loa, a kono aku i ka poe ilihune, e komo e ai, e inu a e kena, a haalele iho i ka naau '6 ka mea hale me ka mlluhia ; a ua kono ia aku no hoi kela lala keia lala o ka. ohana e hoi mai, mai ke kupunakane a hiki i ka mea opiopio loa, e olioli pu me ka ohana, a e halawai lioi ilokq,o ka olioli a me ka lealea. la la e hoopoinaia ai na manao kekeue, nalo aku na manao lili, a me ka lokoino, a hoopauia hoi na manao ino iloko o ka puuwai, a waiho iho me ka molaelae.

Alaila, o na anela ka poe nana i himeni, a i mele mai i na Keneturia he umikumamawalu i kaahope ae, e hai ana, " O ka malu a me ka lokahi i na kanaka," me hē mea la, ua puka mai lakou i kahikoia i ko lakou aahu olinolino, i ka wehe ana mai o ke alaula o keia la. Ma ka wanaao no paha o keia la i noho iho ai ka poe kanaka akamai o ka Hikina, a hpohikilele ia mjai laieou e ka dlinoiinri 6 ka Hoku, ka hoailōna 'o ka mea>fionti ka Ia hanau, a hele aku lakou ina na kula iuiu papaala o Betelehema, e haawi aku i ka lakou mau mohai, a nie ko lakou olioli i ka hanau ana o " KA HAKU O NA HAKU, KE Attl O NA ALU." I keia la no hoi e kahikoia ai na Halepulfe | i na lau uliuli o ke kuahiwi, a e malamaia no hoi na hooinana ana i oi aku i.ko na ia

pule e ae, alaila, e hele aku na poe a pau o kela ano keia ano i ka Halepule, e haawi aku i ko lakou hoonani i kela Mea Hiwahiwa loa e noho mai la iloko o na ao uliuli 0 ka lani .o na o kona Noho Alii luaole, a kamahao iloko o kona kapa olinolino, me kona nani mae ole, a me na Kerupima, na Serapima leo iea, e hookaniia aku no ma kona mau kapuai. Alia Jme he mea la ke lohe ia aku nei no ko lakou mau leo ; aohe nae e loheia aku e ka poe no lakou na naau haakei, a me ka hookano, aka, na naau wale no o ka poe haipule, a i paulele hoi i kana mau hana kamahao, a luaole hoi. O lakou wale no ka poe e lohe i ka wawaio ana o na leo kanikua o na Kerupima, ame na Serapima, a waiho mai no ia kaua na hoomaloka o leeia honua, iioko o ka poiuluhi a me ka pouli o ko kaua mau naau hilahiia 1 ka maliu aku ia ia, no ka mea, aohe kuleana o kaua iloko ona.

Ma Beritania, a ma Amerika, ua malama nui loa ia keia ia. I keia ahiahi mamua o ka puka ana o ka la apopo, e kai a huakai no kekahi poe ma na ipuka a hale a pau, me ka himeni ana, " Ke kali mai nei ke Christmas," a ua hookipa maikai ia aku no hoi lakou me ka hanai pono ia, oia iho la no ka uku no ko lakou luhi no ke kai a huakai ana, e olioli ana tioi i ka la hanau o ka Mesia. la manawa pu no hoi e kau ae ai na kamahi a pau i ko lakou niau kakini iluna, me ka manao e hiki mai ana o Santa Claus, ka makua nana e hoopiha mai i ko iakou mau kakini, me na milimili o kela ano keia ano, a i ke ala ana i kakahiaka nui wikiwiki ino lakou me ka manao ua piha, aia' nae aole. Ma keia la no hoi e haawi aku ai ke kane i ka wahine i kekahi makana makamae, pela lm ipo i ka hoa, ka makuakane i na keiki, o ke leaikuahine hoi i ke kaikunane.

Nani hoi ka panapana ana o na puuwai opiopio me ka olioli, i ka \va e kokoke mai ai keia la, a i kela pule keia pule, e ninau pinepine aku ai lakou i ko lakou mau makua, " Ahea hiki mai ka la Christmas." Ka la no hoi keia a na poe ilihune e oke nui ai e hiki mai, no ka mea, ma ia la e hoohamamaia ae ai na ipuka o na hale papaa o ka poe waiwai, a kikoo aku kō lakou mau lima me ke kono aku e komo mai e ai,' a e inu e like me ko lakou makemake a pau.

Nolaila, ma keia pule e oki ai ko makou launa ana me oukou ma na kahua nupepa, aka, aole no nae e hoopoinaia. e ko makou mau punwai ka oukou mau hana maikai, i hana laulea mai ai ia makou i na wa i hala, aohe «o paha wa, a aohe no wahi e hiki ai ke holoiia aku mai ke kunipaaia ana o ko oukou hoomanaoia maluna o ko makou mau manao, a nolaila hoi, ke waiho aku nei makou ia oukou iloko o ka lima, a me ka launa ana o hai, a ke manao lana nei no hoi makou, e maikai a e oluolu ka oukou hookipa ana ia lakou, e like me ka maikai o ka ou« kou h'ana ana mai ia makou, oiai e noho kiai loko ana makou ma ka makaha o keia nupepa, a ano, ke haawi aku nei makou ia oukou i ko makoa aloha pau ole, me ka i pu aku no hoi " Merry. Christmas. m