Ka Nupepa Kuokoa, Volume IV, Number 2, 12 January 1865 — Na Palapala. No ka hookumu ana i Ekalekia okoa ma ka Mokupuni o Lanai. [ARTICLE]

Na Palapala.

No ka hookumu ana i Ekalekia okoa ma ka Mokupuni o Lanai.

Ua loaa mai ia makou kekahi palapala mai ia J. W. Kalawaia o Kahalapalaoa Lanai, e hai mai ana, no ka hookumu ana i Ekalekia okoa ma Lanai. ke ano nui o kana mea i hoike mai ai: Ikala 26 o Nov. A. D. 1864. Ua hiki mai o Rev. D. Balauina (Baldwin,) Rev. W. P. Alekanekero (Alexander.) a me Hev. L. Kuaihelani mai Lahaina mai. I ka la 27, oia hoi ke Sabati, ma ka hora 9 A. M. o ka hana mua i hanaia, o ka bapetiso ana. 2; Malamaia ka ahaaina a ka Haku; Pau ia hookuuia na kanaka no ka hora hookahi. A hala ka hora, ukoakoa hou mai ka aha. A hoomaka o Alekanekero i ka hana, me ka hoike ana i ka olelo a ke Akua, i kakau ia ma Luk. 24:26. A pau kona haiolelo ana. Pule o Balauina a pau. HoOmaha hou ka aha hoekahi hora, koe nae na hoaha-" nau, e kuka no ka hookaawale i Ekelekia okoa ma Lanai. A ua hooholoia, o Rev. D. Palauina no ke Kahu. A ma ia kuka ana, ua kohoia ielima mau luna apana, na lakou e koho i kahi o lakou e hele i ka Ahahui Lunakahiko e hiUi mai ana i ka la 25 o lanuari, A. D. 1864 ma Kaanapali. Pau ka hana, hookuuia na hofthanau. I wanaao oke kakahiaka Poalima, hoi aku na makua aloha ma Lahaina.