Ka Nupepa Kuokoa, Volume IV, Number 2, 12 January 1865 — Waikahe Nui. [ARTICLE]

Waikahe Nui.

E ka Nupepa Kuokoa e ; Aloha oe :—Me ka lana malie o kuu puuwai, e lawe aku oe i keia wahi ukana maluna o kou hokua ;'no ka nf)eā, ua maa oe i ka lawe ana i na uleana kaumaha kupono e like me keia wahi ; ukana a'u e hooili aku nei maluna o kou hokua, i ike mai na wahi kini makamaka o kaua e noho mai la mai ka puka ana a ka la i Kumukahi, a hiki loa aku i Lehua, i ka " Waikahe Nui " launa ole mai ma ka awawa kahawai o Waimea a me Makaweli; o kekeu keia o na waikahe nui a'u i ike 'ai ma keia mau awawa elua i hai ia ae la ma'luna, mamua o nā waikahe a'u i ike ai i na makahiki i kaahope ae nei. Penei ke ano o kona hoomaka ana māi, e komo kino holookoa iloko o na hale e noho ia ana e na kanaka; i ka la 14 o Qjek. keia hoomaka ana, i na la mamua aku o ua la la, he nui no ka hoopoluluhi o na ao ua o.ka lani, pela mau ka hoopoluluhi anā a hala ka hookahi pule mamua aku, a hiki mai i ka lua o ka pule, oia paha ka la 12, alaila hoomaka mai la na kulu paka-ua e haule ma ka honua, a hiki i ka la 13, pela mau no ka hauie o na kulu paka-ua, a ia la, hoomaka mni la ka waikahe ana maua mau awawa' nei elua, o ka hoomaka ana keia, o ka nui aku koe, a ma ka wanaao o ka la 14 oia paha ka Poakolu, mahuahua loa inai la„,ua wai nei, he ane o ka hapalua paha ia o ua wai nei, a ma ke ahiahi o ua la nei, nui loa mai la ka ua, a puka mai la ka hapalua o ka wai hou a lilo i wai nui okoa, a hoohina ia kekahi mau hale, a lawe ia aku kekahi, a 0 kekahi iia hoohina iho no ma kona wahi i ku ai, a o ka nui o na hale ma na awawa elua, ua komo kino holookoa ia e ua waikahe nei, elua ano o ka wai ia la, o ka wai mai hoi a ka ua ma na pali mai, a o ka waīkahe mai hoi ma na kahawai. Nolaila, ulu mai la kg manao kaumaha pihoihoi a me" ka makau nui, no keia pilikia launa ole, aka, iloko 6 keia pihoihoi nui, lana ae la no ko'u Lunaikehala, o ke Akua wale no ka mea hikiki ke hoopau koke i keia pilikia, a ua hookoia no e ia lana ana o ko'u Lunaikehala. E hoonani ia ka inoa o ke Akua ola ma ka lani, no kona hoopakele ana i ko makou mau wahi ola, mailoko ae: o keia anehenehe o ka pilikia, aole o ko makou mau wāhi ola wale, o.ke ola hoi kekahi oko makou mau wahi hale, a pela aku. Aole o'u manaoe hoopuka aku 1 keia Episetore, aka, i kumu e ike mai ai ko makou mau makamaka o na aina awawa kahawai nei, e noho ana ma kela kihi a me keia kihi oua mau mokupuni nei i ka pilikia nui i loaa ia makou iloko o ka malama hope o keia makāhiki; ke hooki nei au maahei. Me ka mahalo no i ke u Kilohana Pookela o ka Lāhui.Havvaii. , ' i. V?. K: Nawai. ' Makaweli, Kona, Kauai, Dek. 15, 1864: