Ka Nupepa Kuokoa, Volume IV, Number 2, 12 January 1865 — No na waa lawaia & na kanaka maluna i puhiia e ka makani. [ARTICLE]

No na waa lawaia & na kanaka maluna i puhiia e ka makani.

I ka po o ka Poalima, oia hoi ka la 9 o Dekemaba, holo ekolu mau waa i ka lawaia opelu i ka wanaao o ua po nei, hoomaka ka ikeia o ka i-a e ke kolu o ka waa, a o na kanaka maluna o ia waa, o Hoonuu a me Kauwahi, a oia wahi hoi a laua i ike ai i ka i-a, a lawaia ai hoi, mawaho ae no o Kahea, Olowalu Maui. O kalua o na waa, he mau elemakule na kanaka maluna o ia waa, o Naholowaa a me Kamohomoho, mawaho ae o Keonepohuehue ko laua wahi i lanaai, aole laua i ike i ka i-a puhi waleia ai e ka makani. A o ka waa akolu hoi, o Nika a me Keola, na kanaka maluna o ia waa, mawaho ae o Kaheka ko laua wahi i lanaai, a i ko laua ike ana i ka i-a, oia paha ka hora 6 o kakahiaka,Poaono, la 10 o Dekemaba, ia wa no, pa mai la ka makani mauka pono mai o lakou. I aku la o Nika ia Keola, "e ka makani! no ka mea, he kamaaina no wau no keia wahi, akahi no wau a ike i ka makani ikaika." I ia wa, o ke kuu pau maila no ia o ka makani, o ka hao mai no ia o na ale weliweli o ka moana, i hoihoi mai ka hana i ka ihu o ka waa iuka, aole wahi mea a hoi ae, i ka ua mea he ikaika o ka makani. Ke puhi aku la no o ka makani iwaho loa, i kahi aole aina, hemo ae la ke ama mai ka iako ae, lele no o Keola ilo-. ko o ke kai e naki aku ana, i ka hoi ana mai iluna o ka waa, o ka hemo maila no ia, lele no i ke kai e hoopaa mai i ke ama, a pau loa ae ka lanalana o ka waa i ka mokumoku, pau ka pono o ka waa, o ka waiho no o ka upena, ko Keola mokumoku no ia, a au hou no iloko o ke kai e nakii ai ke ama a paa ke ama, o ka hoi mai la no ia a kau iluna o ka waa, hele mai la a anu i ka makani a me na ale o ka moana, o ke ku ae la no ia o Keola iluna, a ike ia Nahienaena i Lanai mawaho ae, kahea aku la o Keola i kanaka o ka moku e kii mai ia laua, aole nae he lohe mai o kanaka o luna o ka moku, na ka makani a me ke a-u laua nei i lawe a hiki ia Nahienaena, a kau laua maluna o ka moku, me ko laua mau mea lawaia, o ka upena, me na hoe o ka waa. Hookahi nae mea pilikia loa o Nika, i ke kau ana no iluna o ka moku, o ka hoi no ia a lalo moe, no ke ano a me ka mai kona mea i pilikia ai, ʻaʻole wahi kapa, he mau wahi kapa no, ua weluwelu loa i ke kai, no ka poe mai o luna o ka moku ko laua wahi kapa. Eia ka laua olelo: "pomaikai ke ola na ke Akua." A o kekahi mau waa, pehea la. ua pae paha aole paha. No Capt Helm, (Kapena o Nahienaena) ka hoomaikai ia e na mea a pau loa i hoomaopopo i keia hana lokomaikai, i la hoopakele ana i keia mau kaoaka i oleloia ae nei maluna o ka Nahienaena.