Ka Nupepa Kuokoa, Volume IV, Number 8, 23 February 1865 — Page 4
Ka Nupepa Kuokoa.
ALEMANAKA KRISTIANO.
Malama 3. Maraki, 1865. La 31.
LA. LA.
MAH. HAPALUA MUA 4 MAH. HAPALUA HOPE 20
MAHINA POEPOE 12 MAHINA HOU 27
LA O KA MALAMA LA O KA HEBEDOMA
PUKA MAI KA LA NAPOO KA LA
NAPOO KA MAHINA
1 Wenede Po 3 6 21 6 4 10 33
2 Tarede Po 4 6 20 6 4 10 33
3 Feraide Po 5 6 19 6 5 Kaka.
4 Satude Po 6 6 18 6 5 0 31
5 D SAB. 6 17 6 6 1 26
6 Monede Po 1 6 16 6 6 2 17
7 Tusede Po 2 6 15 6 6 3 4
8 Wenede Po 3 6 14 6 7 3 47
9 Tarede Po 4 6 14 6 7 4 27
10 Feraide Po 6 6 13 6 8 5 4
11 Satude Po 6 6 12 6 8 5 42
12 D SAB. 6 11 6 8 P. mai.
13 Monede Po l 6 10 6 9 7 30
14 Tusede Po 2 6 10 6 9 8 20
15 Wenede Po 3 6 9 6 10 9 8
16 Tarede Po 4 6 8 6 10 10 0
17 Feraide Po 5 6 7 6 10 10 53
18 Satude Po 6 6 6 6 10 11 45
19 D SAB. 6 5 6 11 Kaka.
20 Monede Po 1 6 4 6 11 0 37
21 Tusede Po 2 6 3 6 11 1 28
22 Wenede Po 3 6 2 6 11 2 19
23 Tarede Po 4 6 1 6 12 3 8
24 Feraide Po 5 6 0 6 12 3 56
25 Satude Po 6 5 59 6 13 4 43
26 D SAB. 5 58 6 13 Napoo.
27 Monede Po 1 5 57 6 13 7 9
28 Tusede Po 2 5 56 6 14 8 14
29 Wende Po 3 5 56 6 14 9 18
30 Tarede Po 4 5 55 6 15 10 20
31 Feraide Po 5 5 54 6 15 11 18
Pauku Hoomanao.
Mar. 1. " He lua ko na alopeke, he wahi noho ko na manu o ka lewa, aka, o ke keiki a ke kanaka, aohe ona wahi e hoomoe ai i kona poo." Mat. 8 : 20.
Mar. 2. " Na Iehova i haawi mai ; na Iehova hoi i lawe aku : e hoomaikai ia ka inoa o Iehova." Ioba 1 : 21.
Mar. 3. " E ake au e make i ka make ana o ke kanaka pono ; i like hoi kuu10 hope me kona." Nahelu 23 : 10.
Mar. 4. " Aole hoi o ko'u makemake, aka, o kou no ke hanaia." Luka 22 : 42.
Mar. 5. " E noi aku oukou i maluhia o Ierusalema." Hal. 122 : 6.
Mar. 6. " Pomaikai ka poe uwao ; no ka mea, e kapaia lakou he poe keiki na ke Akua." Mat. 5 : 9.
Mar. 7. " Ka poe i kupaa ka manao, e malama ana oe ia lakou me ka malu loa." Isaia 26 : 3.
Mar. 8. " A o ka oukou mea e lawe ai ma ka olelo, a ma ka hana, e pau ia i ka hanaia iloko o ka inoa o ka Haku, o Iesu, a e hoomaikai aku i ke Akua, i ka Makua, ma ona la." Kol. 3 : 17.
Mar. 9. " E alakai no oe ia'u ma kau olelo ao, a mahope aku, e hookipa ia'u i ka nani." Hal. 73 : 24.
Mar. 10. " He hapa, a he ino hoi, na la o ko'u mau makahiki e ola nei." Kin. 47 : 9.
Mar. 11. " E Iehova, e lapaau mai oe ia'u." Hal. 6 : 2.
Mar. 12. " E malama oe i kou wawae i kou hele ana i ka hale o ke Akua." Kekahuna 5 : 1.
Mar. 13. " O kela mea keia mea e hoohiki wahahee ana, e hookiia'e oia." Zekaria 5 : 3.
Mar. 14. " Aka, i kau pule ana, e komo ae oe i kou keena mehameha, a papani oe i kou puka, a e pule aku i kou Makua ina no ma kahi nalo." Mat. 6 : 6.
Mar. 15. " O oe ke ao aku ia hai, aole anei oe e ao ia oe iho ?" Roma 2 : 21.
Mar. 16. " Lalau aku la ia i na popo berena ehiku, a me na ia, hooalohaloha aku ia, wawahi iho la, haawi aku la i na haumana ana, a haawi aku la hoi na haumana i ka poe kanaka." Mat. 15 : 36.
Mar. 17. " Mai ukiuki oe no ka poe hana hewa." Hal. 37 : 1.
Mar. 18. " O ka puni kala, o ka mole ia o ka hewa a pau ; ua kuko nui ia ia e kekahi poe, a ua haalele lakou i ka manaoio, a ua houhou lakou ia lakou iho i na ehaeha he nui." 1 Timoteo 6 : 10.
Mar. 19. " Akaaka ka poe lapuwale i ka hewa." Sol. 14 : 9.
Mar. 20. " E hiki anei i ka Aitiopa ke hoano e i kona ili, a me ka leopaki i kona mau kiko ? Alaila oukou, ka poe maa i ka hana hewa, e hiki ai ke hana maikai." Ieremia 13 : 23.
Mar. 21. " Ua oi aku ka maikai o ka hilinai aku ia Iehova, mamua o ka manao ana i na'lii." Hal. 118 : 9.
Mar. 22. " O oukou anei kekahi i makemake e hele aku ?" Ioane 6 : 67.
Mar. 23. " E na hoahanau, mai olelo ino oukou i kekahi i kekahi." Iakobo 4 : 11.
Mar. 24. " E hoiliili i na hakina i koe, i hoolei ole ia'i kekahi mea." Ioane 6 : 12.
Mar. 25. " Ua alohaia mai hoi au." 1 Tim. 1 : 16.
Mar. 26. " Mai hoohiki wahahee oe i ka inoa o Iehova o kou Akua ; no ka mea aole loa e hoapono o Iehova i ka mea hoohihi wahahee i kona inoa." Puk. 20 : 7.
Mar. 27. " Ua loaa hoi ia'u he kanawai no'u, i ko'u wa e makemake ai e hana pono, ua kokoke mai no ka hewa." Roma 7 : 21.
Mar. 28. " Aole ma ka mana, aole ma ka ikaika, aka, ma kuu Uhane, wahi a Iehova o na lehulehu." Zekaria 4 : 6.
Mar. 29. " Mai hoowahawaha oe i ka luahine ana o kou makuahine." Sol. 23 : 22.
Mar. 30. " E hoolili anei kakou i ka Haku ? Ua oi aku anei ko kakou ikaika i kona ?" l Kor. 10 : 22.
Mar. 31. " I puka mai no keia mai o Iehova o na kaua mai, ka mea kupanaha ma ka noonoo ana, a nui loa no hoi kona ike." Isaia 23 : 29.
NO O NO WAU.
Ki o O. (Key of D.) Elua hapaha ko ka mahele.
SOPERANO.
ALETO.
BASO.
1. He malihini au. Ke hele nei ;
Keia ao panoa no, No o no wau.
Ua puni au maanei I ka make me ka uwe ;
Ke ao kuu aina mau, No o no wau.
2. Ke paa na ale nei, Ku paa no wau ;
Aole emo ku, Kokoke pae :
Na malu nui e, Ke hala koke nei ;
Ke ao kuu aina mau, No o no wau.
3. Aole luli wau, Ke hele nei ;
Paa ole keia ao, No o no wau ;
Malaila ku no wau, Ma kou aoao akau ;
Ke ao kuu aina mau, No o no wau.
He Au Moku i ili ma Kau.
ALOHA OE E KE KUOKOA ; He mea nui a weliweli i ike ia ma Kau nei ma kuu moe. He au moku nui ua ili ma na kahakai o Kau nei. Holo mai keia mau moku maluna o ke kai lana malie o ka Pakipika ; a kokoke mai i ka aina nei, i ka nana aku ua ona paha na Kapena moku a pau, a i ole ia ua pupule paha. He mau moku nui kekahi, he mau Kalipa kekahi, he nani ke nena aku. He mau moku ahi kekahi, me ko lakou mau huila mahu, a me na makaukau a pau maluna :— He mau kialua pea heke kekahi, a he mau kialua maoli kekahi, a he mau kiakahi kekahi.
O kekahi o keia mau moku, ua ili ma Pohue ma kahi o ke kai malino; o kekahi ua ili ma Kalae, o kekahi ma Kamilo, a o kekahi ma na kahakai o Honuapo a me Punaluu.
Ua hoolei mai na ale i keia mau moku, a maluna o na pohaku wanawana o na kahakai o keia aina aa o Kau nei. Ua nahaha a okaoka liilii kekahi o keia mau moku, a ke ohi nei na kanaka i na papa a me na laau i mea hana hale, a i mea wahie no lakou. Ua ike ia na ukana a me na waiwai he nui wale o keia mau moku ; ua poino loa e waiho ana ma na kahakai, a ua lilo aku hoi ka nui i ka moana ;— ua laweia'ku e ke au.
I ka po ka ili ana o kekahi o keia mau moku, i ke ao kekahi. I ka wa makani nui ka ili ana o kekahi ; i ka pohu haalele loa ka ili ana o kekahi, i hukiia e ke au a pae i uka. Ua kahuliia kehahi o keia mau moku iwaho i ka moana i na kikio makani i loaa ia lakou. Oia na moku mama ukana ole, he kahuli wale ko lakou ano.
O kekahi o keia mau moku, ua lele pauki pinepine no me he mea e hooikaika ana e hookaawale aku mai ka aina'ku.
O kekahi hoi ua kuu na waapa ilalo, a ua ike ia ke kolo ana o na waapa me na kahu moku maluna.
O kekahi o na moku, ua hala loa aku nei ma ka moana, a e loaa ana i ke awa o Honolulu a me Lahaina, a me na awa paha o na aina e kekahi.— Aole no lakou kuu hai ana, ua palekana lakou, aole pilikia iki a lakou i koe, na na makani kolonahe e lawe ia lakou i na awa a na Kapena e makemake ai.
O kekahi o na moku ua holo pololei mai no, me ke kau ana o ka ihu i ka aina, a me ka huli ole, a kaa ka laau ihu i na pohaku. Ua hiamoe paha na kanaka a pau maluna, ua makapo paha. O kekahi ua ili ma na kohola papau, a ke poi nei ka nalu maluna o lakou.
Ke hooikaika nei no na kahumoku o kekahi o keia mau moku e hiu hou a haule aku na moku i kahi hohonu o ke kai. I ka nana'ku e hemo ana paha kekahi o keia mau moku, aka, o ka nui, aole no e hemo iki ana.
" Pehea la keia mea kupanaha loa o ka ili wale ana o keia mau moku he nui, o na moku makaukau i na pea a me na mea a pau e hooholo ai."
Mai kahaha oe e ka mea e heluhelu ana, a hoole i ka oiaio o keia mea a'u i hai ai, a na'u no e wehewehe aku i ke ano o keia moe.
Eia o mea,— He kanaka makaukau ma ka ike i ka ke Akua olelo ;— he keiki no ia a kekahi haipule nana i ao mai ia ia mamuli o ka pono. He kanaka ikaika ma ka hana, he makaukau ma ka imi waiwai ; A ma kona huli ana, ua hoolako mai ke Akua.ia ia i ka waiwai, i ka hanohano a me ka mahaloia.
I keia wa ua haalele kela i ka hale o Iehova ; ua hehi oia i ka la Sabati ;— ua inu oia i na mea ona ; ua lawe oia i ka hai wahine mare i wahine nana.
Aole anei keia he moku kiakolu nani, i ili a nahahaina ma na kahakai o ka lae pohaku o na kuko o ke kino.
Eia hou ; he kanaka i makaala mamuli o ka pono o ka uhane a me ka pono o ke kino. I kona hele ana i na Sabati i ka hale o Iehova, ua hele pu oia me kana wahine, me kana mau keiki, me na kapa maikai a me ka makaukau. O kana mau keiki ua ike mau ia ma ke kula Sabati, a ua mahaloia no ka paa pono ana o ka lakou mau haawina ai-o-ka-la. Kulu mau ka hapaha a me ka hapawalu o keia kanaka ma ka lima o ka Puuku no ka Mahina Hou a me na hana a ka Haku. Hauoli no keia kanaka. I ka holo ana o na hana pono a pau, a ua hoolako mai ke Akua i ka aina, i na lio, i na bipi, i na kao a nui.
Hoowalewale mai o Satana i keia kanaka, a puni waiwai iho la kona naau.— Hana iho la oia i waiona i mea e hoolimalima ai i kanaka e pa i kona paa aina.. Ua hilahila iho la oia, a ua pau ka ike ia ana ma ka Luakini. Pau ka hele ana o kana mau keiki i ke Kula Sabati.
I na la hoano, ke auwana hele wale nei kana mau keiki ma ke kula e lealea wale ai.
Aole anei keia he moku i hukiia e ke au o keia ao a ili ma ke ahua o Puniwaiwai ?
Eia hou ; he kanaka ui, kino ikaika. I ka pau ana o kana mau la e hele ai i ke kula, ua makaukau no oia ma ka heluhelu palapala, ma ka helu naau, ka helu kakau, a me ke kakau lima. Ua loaa ia ia ke kahua kahi e kukulu ai i ka waiwai, ke kuonoono, a me ka mahaloia. Me he moku lanalana maluna o ke kai lana malie. Nana aku la oia a makemake i ka wahine opiopio a kona naau i aloha ai. Mare oia i wahine nona. A loaa he keiki mai ke Akua mai. Nani no ka pomaikai.
Ma ia hope iho hiki mai ka hula, hele keia kanaka malaila ; laha mai ka inu uala, a ua huli aku keia malaila ; ulu mai ka heihei lio, lilo aku la keia malaila, puni aku la i ka piliwaiwai ; ike aku i ka wahine e, auwana aku malaila.
Aole anei keia he moku i ili ma ka Pukoa o Lealea ? He nui wale keia mau moku i ili a nahaha ma Kau nei.
Na'u na KAHAKAI.
Moolelo no ka Halawai o ka Aha Luna Ekalesia o Hamakua a me Kohala Hema, ma Waimea.
E KA NUPEPA KUOKOA E ; ALOHA OE : No ka makemame o keia Aha, e hoouna ia ka moolelo o keia halawai, ma ka " Nupepa Kuokoa," a nau ia e hoouna'ku ma kela wahi keia wahi o keia mau Mokupuni, i ke ano o ka makou hana ana iloko o o keia mau la.
I ka la 3 o Ianuari nei, ua akoakoa mai no na Luna o ka Ekalesia o Hamakua, me Kohala Hema, i ka la i oleloia maluna, a o kekahi poe aole i hiki mai ia la : Eia ka hana mua. Ua kohoia o L. Lyons i Lunahoomalu, a o A. W. Pupulenui ke Kakauolelo, pule, a pau ka pule, hoomakaia ka hana.
Eia na hoa i hiki mai, no Hamakua, o J. S. Kekoi, S. Kamelamela, Keawe, P. Pololu, S. Kukahekahe, A. W. Pupulenui, D. Kaanehe, Z. Kahalau, Kimalae.
No Kohala Hema, L. Lyons, A. Pali, Manua, a mahope iho, ua hiki mai na Luna i koe, a pau ia, he haiolelo ia Z. Kahaku, aia ma Mataio 5 : 3. " Pomaikai ka poe i haahaa ka naau, no ka mea, no lakou ke Aupuni o ka lani," a ua wehewehe mai kela i ka loaa ana o ke Aupuni o ka lani, i ka poe haahaa o ka naau, a pela'ku, a pau ia, lilo ka hapalua hora ma ka pule, a me ka Lahui, ua noho ae la o D. Kaanehe ma kahi o ka Lunahoomalu, a nana i haawai aku i na hana no ka hapalua hora i oleloia maluna.
Hoopaneeia ka hana apopo, hora 9 o ke kakahiaka. Ua kohoia na Komite no kekahi la'e.
Ian. 4 — Hoomaka hou ia ka halawai ma ka hopa 9 o ke kakahiaka, ma ka Luakini. Ia P. Kaaekuahiwi ka haawi i na hana, he mau pule, a me na manao paipai no na Luina Hawaii, a me na auwana Hawaii e noho ana ma na aina haole, a pau ia.
He haiolelo ia J. W. Keoni, ma Epeso 6 : 11, a pau ia.
Heluhelu mai o P. Pololu, he Palapala Hoike M. H. no ka Ekalesia ma Waimanu, a me ka hoolilo ana i ko lakou Luakini no ke Akua Kieki Loa.
Heluhelu mai o N. Keikenui he Palapala Hoike M. H. no ka Ekalesia o Waipio, a me ke ano o ka noho ana o na hoahanau.
Heluhelu mai o D. Waiau he Palapala Hoike M. H. no ka Ekalesia o Eleio, a pau ia.
Ku mai o D. Kaanehe, heluhelu mai i kana Komite no na la nui o ka M. H. 1865, i mau la pule halawai, a hoomaikai aku i ke Akua no na kula ma ka Poaha hope o Feberuari. 2 — O ka la 31 o Iulai. 3 — O ka la 28 o Novemaba, &c.
Ninauia i ko ka Aha ma ke kau lima ana. Ua hooholoai, a pau ia.
He haiolelo ia S. Kamelamela, aia ma Halelu 2 : 3.
Heluhelu mai o D. Kaanehe he Palapala Hoike M. H. no ka Ekalesia ma Kapulena.
Heluhelu mai o J. S. Kekoi he Palapala Hoike M. H. no ka Ekalesia ma Paauhau.
He haiolelo ia D. Waiau, aia ma Kekahuna 11 : 1, a pau ia.
Heluhelu mai D. Kilakau, i ka na Komite, penei : " Na mea e pono ai na Sabati o ka M. H. 1865."
Ua hooholoia e ko ka Aha ma ke kau lima ana.
Hoopaneeia ka hana a ka hora 1 o ke ahiahi.
Ia S. D. Manuia ka pule, a hookuuia ka Aha.
Ua akoakoa hou mai na Luna i ka hora i oleloia maluna, lilo ka hapalua hora ma ka pule, ia A. Pali ka pule, a pau ka pule.
He haiolelo na S. Kukahekahe ma 1 Nalii 19 : 13.
Heluhelu mai o S. Kamelamela he Palapala Hoike M. H. no ka Ekalesia o Maunahoano.
Heluhelu hou mai o S. Kamelamela i ka Palapala Hoike M. H. a ke Kahu o Kaala, oia hoi o Z. Kahalau, e hai ana i ke ano o na hoahanau, i ke ala mai a me ka palaka o na hoahanau. Eia kahi mea hou malaila, o ka lilo o kahi poe i ka huia, elua kumu hula, o Kaui, a me Kehoa, helelei na dala o ka hula.
Ma ke noi a A. Pali, na ka Papa Hooko e koho i mau Luna hele aku ma ka Ekalesia o Kaala.
Ua hooholoia.
He haiolelo ia A. Pali, ma Hoikeana 21 : 27.
Heluhelu mai P. Kaaekuahiwi he Komite no na Kula & Halawai.
Heluhelu mai o S. Kukahekahe he Komite no na hana hou.
Heluhelu mai o D. Kilakau he Palapala Hoike M. H. no ka Ekalesia ma Puako.
Heluhelu mai o H. Kapule he Palapala Hoike M. H. no ka Ekalesia ma Makela, a me ka nui o na dala a kekahi poe malaila, he $1,812 iloko o ka M. H. hookahi.
Heluhelu mai ka Puuku i kana Palapala Hoike no ka nui o na kokua o ka M. H. no Kohala Hema, a me Hamakua.
Ia Napunielua ka pule no na Kela e noho ana ma kela wahi keia wahi. Hoopaneeia ka hana apopo hora 9 o ke kakahiaka.
Pule a pau, hookuuia ka Aha.
Ian. 5.— Halawai hou na Luna o ka Ekalesia, me ka hora 9 o ke kakahiaka. Lilo kekahi hapalua hora ma ka pule no na keiki Hawaii, a me ka heluhelu ana i ka moolelo o na la i hala.
He haiolelo ia N. Keikenui, ma 2 Nalii 2 : 12.
Heluhelu mai o J. W. Keoni he Palapala Hoike M. H. no ka Ekalesia ma Kaalaea.
Heluhelu mai o S. D. Manuia he Palapala Hoike M. H. no ka Ekalesia ma Kawaihae-kai.
Heluhelu mai J. W. Keoni, he Komite no ke kinai ana i na wai-ona.
Heluhelu mai o A. Pali he Komite penei : " Heaha la na mea e hiki mai ai ka Uhane Hemolele ?"
He haiolelo ia S. D. Manuia, ma Daniela 7 : 27.
Heluhelu mai o A. Pali he Palapala Hoike M. H. no ka Ekalesia o Waimea, a pau ia.
He haiolelo ia Z. Paakiki, ma Hoikeana 22 : 2.
Heluhelu mai o Kimalae, he Komite no na mea e paa'i ka Luakini o Kaala.
Hooholoia, e hele o S. Kukahekahe a me N. Keikenui, ma ka Ekalesia o Kaala.
Heluhelu mai o D. Kaanehe, he Kumumanao, no na hoahanau o ka Ekalesia oiaio.
He haiolelo ia J. S. Kekoi, ma Halelu 1 : 1, 3, a pau ia,
He haiolelo ia Wainanalii, ma Kekahuna 9 : 10.
Heluhelu mai o S. Kamelamela, he Komite no ka haalele kane, a haalele wahine.
Heluhelu mai o P. Kaaekuahiwi, he Komite no na hana o ka M. H. 1865.
Hooholoia e ko ka Aha, e apono aku i ka Palapala a ke Komite.
Ua aponoia :
Heluhelu mai ka Lunahoomalu, he Komite no na Halawai.
Hooholoia e ke ka Aha, e apono aku i ke Komite a ka Lunahooponopono.
Ua aponoia.
Hooholoia, e kohoia na Kahu o kela haawina keia haawina, e hele i ka Aha Euanelio ma Kohala, i ka malama o Sep. i na pilikia lakou, e kohoia i mau pani no lakou.
Hoike mai o S. Kukahekahe i ka poe hou i hookomoia iloko o ka Ekalesia i mau hoahanau, a me kekahi poe mihi, a pela'ku.
Hoike mai o A. Pali, aole mea hou i hookomoia iloko o kona Ekalesia, he nui no ka poe hula mai, a me ka poe mihi, aole nae i hookomoia mai lakou iloko o ka Ekalesia.
Hooholoia, e hoihoi aku i ka Papa Hooko, na lakou e nana mai, no ka hookaawale ana i kekahi puudala, no na hemahema e pili ana i ka Ekalesia.
Heluhelu mai ka hope Kakauolelo o ka Papa Hooko, i na mea i hooholoia i ke ahiahi nei.
Hooholoia, e ko ka Aha e apono aku i na hana a ka Papa Hooko.
Ua aponoia.
Heluhelu mai o P. Kaaekuahiwi, he Komite hoike i ka nui o na kokua no ka M. H. 1865.
Hooholoia, e apono aku ko ka Aha i ka Palapala koike a ua Komite nei.
Ua aponoia.
He haiolelo ia P. Kaaekuahiwi, ma Halelu 23 : 1.
Hooholoia, e mahalo aku keia Aha i ke kokua pono ana o na hoahanau o Waimea, i ka hookipa pono aku i na malihini.
Ua aponoia.
Hooholoia, e hoouna'ku ke Kakauolelo i ka moolelo o keia Aha, ma ka Nupepa Kuokoa.
Ua aponoia.
Ku mai ka Luna Hoomalu, a paipai i kona manao i na Kahu, a me na Luna o ka Ekalesia, no ka M. H. 1865.
Hooholoia, e hoopaneeia keia Halawai, a ka malama mua o Ianuari, A. D. 1866.
Ia L. Lyons ka pule a hookuu ia ka Aha.
Me ke aloha i ka Nupepa Kuokoa, a me kou mau Luna Hooponopono hou, no ka A. D. 1865.
A. W. PUPULENUI,
Kakauolelo. Waimea, Hawaii, Ian. 5, 1865.
Ke Kao ame ka Ilio-hae.
E ku ana kekahi Kao maluna o kaupaku hale, maalo ae la ka ilio hae ma ke alanui. Kuamuamu aku la ke Kao me ka haanui. Pane mai la ka Ilio, " Aole nau ke kuamuamu ana, aka, na ka hale."
Haawina. Haanui ka hohewale i ka wa pilikia ole.
LAAU LAPAAU!
AIA MA KAHI O
KAKELA ME KUKE
Ma Honolulu.
J. T. GOWER, — Makawao, Maui. J. D. HAVEKOST. — Wailuku, Maui. C. H. WETMORE, — Hilo, Hawaii. J. W. SMITH, — Koloa. Kauai.
HE LAAU KAHIKO, A HE MAOPOPO NO HOI.
Laau hoopau Naio me na Koe, A DR. JAYNE.
HE NUI NA PILIKIA O KAMALII I KA Naio a me ke Koe, a pela hoi na kanaka. O ka hope oia mau mea kolo, oia ka lolo. Oia mau mea kolo hope oia ka lolo, a o ka make hoi i kekahi manawa, a nolaila ma ia mai e ae kekahi, e like me ka lepo pou, nalulu, pehu, uleule, a me na mai e ae.
O ka Laau no keia e pau ai ua mau mea ino nei.
Eia hoi kekahi. O ka laau ka pono keia i ka pau pilikia i ka wela o ka houpo: i ka ono ole i ka ai; i ka nawaliwali o ke kino, i ka mai pehu; i ka nalulu hoopailua; i ka pono ole o ka mai wahine, a me na nea like.
Penei no e inu ai i ka laau hoopaia Naio me na Koe.
Ina no kamalii, e haawi aku i hookahi kupakolu o ka paua ki, i ka manawa hookahi no ke keiki malalo iho o ka makahiki hookahi. Mai ka makahiki hookahi a hiki i na makahiki eono, elua hapakolu o ka puna ka pono. Mailaila'e a i na makahiki eono, hookahi no puna okoa ka pono, a mailaila aku a i ka na kanaka makua, e hanai i elua, a i ekolu paha puna i ka wa hookahi. I ka wa e inu ai, e hui i ka laau me ka pa ka o ka wai maoli. Oia hoi, ina hookahi ka puna laau, alaila, e huiia me na puna wai maoli eha; a pela no e inu ai ma ke kakahiaka, awakea a me ke ahiahi. Aka, i nui ka pilikia, alaila, pono oe elima inu ani i ka la, penei; kakahiaka, kiekie ka la, awakea, auwi ka la, ahiahi.
E inu mamua o ka ai ana, aole kokoke mahope iho.
Laau hoopaa Hi a Dr. Jayne,
JAYNE'S CARMINATIVE BALSAM.
He laau maikai a oluolu hoi kela no ka Hi, ka Nahu, Nalulu. Wela o ka Houpo, Haoa, Huapailua wale, Luai, Luai moku. ono olo i ka ai, Nahu me ka awe no hoi o na keiki uuku, a me na mai like he nui.
Emo ole ka oluolu o ua mau mai nei i keia hana.
Penei e inu ai, i ka inu ana hookahi. Ina he keiki akahi hiki i ka iwakalua ka pono.
Ina he keiki mai na malama eono a hiki i na malama ewalu, he hapalua puna ki ka pono. Mai ka makahiki hookahi a hiki i elua, e inu no ia i puna ki okoa. Mai ka hiku a akaa a i ka walu o ka makahiki, elua puna ka pono, a no kanaka makua, he puna nui ka e inu ia i ka manawa hookahi.
A inu ea, e hui me ka wai maoli uuku. (a like a like me ka wai me ka laau,) a pela e inua ae ai. Ekolu, eha, elima paha inu ana i ka la hookahi, e like me ka nui o ka pilikia.
I akaka nae. Ina he nui ka wela, a ina ua kumu kekahi ai pono ole iloko o ka opu, e aho e moni e mamua i mau hua'ale Ola. a i ole, e inu i wahi paakai, a i wahi aila paha, i kumu e ka mea ino oloko, alaila e inu i keia laau hoopaa hi.
Ina e luai ka mea mai, mahope o ka inu ana i ka Laau, a pau a i ka luaiia, e hanai hoi aku no e like me mamua; a pela no a pinepine, a oluolu hoi ko loko, a waiho malie no hoi ka laau ma ka opu.
Aohe a makou mea e noi aku ai i ka ka hui uku hookahi wale no o ke kauoha aku ia lakou e HOAO PONO i na Laau Kunu a Kauka Jayne, i hoike aku ai i ke oia o na mea a pau i hoakakaia oa kana mau laau. Ua hooia, a e hiki ana no ke hooia i ka mai KUNU, NAHU, a me ke ANU, a me na mai e ae no hoi he mai wale ; a o na mai Hukii no ho i ola nui, na mai i ola ole i na laau e ae. E aho e hoao oukou o ka poe i mai la.
HE KUHA KOKO ANEI KOU?
HE KUNU ANEI KOU?
HE EHA ANEI KOU KANIA-I?
HE KUNU UMII ANEI KOU me ka NAE?
AOLE ANEI HE KUNU OO OU ? AOLE ANEI OU MAI KUNU? AOLE ANEI OU MAI NAENAE? AOLE ANEI OU EHA MA KA umauma? AOLE ANEI OU KUNU KALILI? AOLE ANEI OU HU MA KA iwiaoao?
A ina ua loaa ia oe ia mau mai, alaila, e ike oe i ke ola o ka LAAU KUNU a Kauka Jayne.
NA MAI HOOPAILUA.
MAI o ke Ake!
Mai Nalulu a me ka mai Dyspepsia.
(O ka nawaliwali o ka puu hoowali ai, iloko o ko kakou mau waihona ai.)
He pono ke ai koke i ka laau a Huaale Ola a Kauka Jayne. he laau oluolu, a he ola no hoi. Aohe ae ke mai i nele ka makekemake i na laau hoonaha ; a mai nui no hoi ka poe e ola ana, me ka oluolu no hoi, ina e hoomaopopoia, a e inu ia no hoi ua mau laau la. Aole no e oluolu pono kekahi mea, oiai e inoino ana oloko o kona kino ; a ua ulu nui ae no hoi ka mai, a i kekahi manawa ua make no, a ina e malama pono ia a e inu hoi i na Huaale Naha, alaila, ola no. No ka hooiaio ia ana mai o keia mau mea, nolaila, ke hoolaha ia aku nei ka Huaale Ola a Dr. Jayne.
Me ka hiki ke hoola'ku i ka maikai, a na ka hoao ana i hoike maopopo mai i ka oi o ke ola o keia laau mamua o na laau e ae, a me ka maikai no hoi o ka inu ana, a me ke ola maoli no hoi. A ina no e inu ana ia laau, aole no he mau mea i hookapuia, oia ka ai ana a me ka inu ana. Aole e ino ke waiho loihi, no
ka mea, ua hanaia no a maikai loa. A ina e inu ia ua hikiwawe loa ka hehee iloko o ka puu waiho ai. Ma ka inu ana ma ka haawina liilii, he maikai loa no ka naha ana, a he oluolu no hoi, a me ka holoi pau i ke ino oloko o ka opu.
DISIPEPESIA.
(Oia ka mai ono ole o ka ai i kekahi manawa, a me ka hoowali pono ole ia hoi o ka ai iloko o ka puu moni ai.) O keia Huaale Hoola a Kauka Jayne, he maikai loa no ka hooikaika ana ia mau oihana o ko kakou mau kino. Ina ua loihi loa ka mai ana, alaila, e hikiwawe ke ola ke inu pu ia ka Huaale me ka Laau Hoomaemae Koko a hoopau KAIO me na KOE A Kauka JAYNE, e like me ka mea i kuhikuhiia mawaho o ka wahi o ka laau.
NO NA MAI MA KE AKE, MAI LENA,
MAI MA KA OPU HANAWAI, NA MAI WELA, KA HAALULU,
KA MAI O KA ILI, KOKO INO,
MAI NALULU,
PAA O KA LEPO, MAI KUNA,
MAI WAHINE, a me ka MAI HOOPAILUA.
Ua maopopo loa ke OLA o keia mau HUAALE. A o ka mea wale no i koe i ka lehulehu o ka hoao pono ia mau hua. A he maikai no hoi na laau a Kauka Jayne, no ka hoola ana i na mai PUHA, ALAALA, KAOKAO, PUUPUU, PEHU, KUNAKUNA, Hanene, Lolo, na mai wahine, a me na mai e ae, no ke KOKO a inoino mai no i kana LAAU HOOMAEMAE KOKO.
162-1y