Ka Nupepa Kuokoa, Volume IV, Number 8, 23 February 1865 — He Palapala na ke Kuhina Noho o Amerika ma Hawaii nei ia Kekela ma. [ARTICLE]

He Palapala na ke Kuhina Noho o Amerika ma Hawaii nei ia Kekela ma.

Keena Kuhina o A. H. ) Honolulu, Feb. 10,1865. ( Rev J Kekela Sir : Ua haiia'ku ka Peresidena o Amerika Huipuia i kekahi mau malama i kaahope ae nei, no kau hana aloha maikai ma kou hoopakele ana i kekahi kanaka Amerika o Mr. Whalon mai ka make mainoino ma ka lima o na kanaka Aikanaka o ka mokupuni o Hivaoa, ma ka la 14 o lanuan 1864, oiai oko lakou manao mnopopo no 4, ke kalua ia ia," e like me ka'u i ike iho ai ma kau palapala ia Kev. Kauka Gulika o keia kulanakauhale. A ua hai pu ia'ku no hoi i ka Peresidena, ekolu poe e ae i kokua ma ka hoopakele ana, ī ka ilihia ana mai oia make weliweli, āka, ua ike iho nae au ma kau leta o kekahi misionari Hawaii, o Rev. A. Kaukau kekahi i kokua like ma ia hoopakele ana. O ko makou makamaka Nui a maikai ka Peresidena o Amerika Huipuia, ua mahalo nui i kau hana ana ma ia mea, a ua kauoha mai oia ia'u e kikooaku i ke Aupuni o Amerika Huipuia, i Elima Haneri Dala ma ke dala gula, i mea e kuai ai i mau makana no ka poe nana i hoopakele, a e haawi pakahi ia'ku ia oukou, ma ke ano hoike no ka piha a me ka nui o kona aloha no ka oukou hana aloha wiwo ole no ka pono o kekahi kanaka Amerika, he kanaka hoi i malihini loa ia oukou a pau. O na huaolelo i kakauia maluna o na wati, na pu, a me na medala, oia no na huaolelo i kauoha maoliia mai e ka Peresidena, ke hoouna pu aku nei au me keia palapala he papa hoike o na makana; a ina ua hewa kekahi o na mea i waeia aku nei, a me ka haawi ana paha oia mau mea, alaila, no'u no ka hewa, aole no ka Peresid'ena. Ona poe 1 haawiia na makana, e like me ka mei i ike ia, penei no ia : J. Kekela, A. Kaukau, Bartholome w Nagel, o ke alii i hele pu ai me oe, aole i loaa ia'u ka inoa, nolaila, ua kapaia no kona inoa "o ke alii," a o ke "kaikamahine uuku," oia no ka'u inoa i kapa ai ia ia, no ka mea, aohe i loaa ia'u kona inoa. Ke hoouna aku hei au i keia leta me na makana, ma ka Hokuao, oke Kapena James ke Aliimoku, e holo ana i ka la 15 o keia malama i ka pae moku o Nuuhiwa. Me ka manaolana, e laweia'ku keia makana e like me ka manao o kokakou makamaka Nui maikai ka Peresidena kona hoouna ana mai me ke ake nui no hoi e maikai kou ola me ka oluolu. a me ka pomafkai mau, me kou mau hoa pu ma ia hoopakele ana. Owau no e ka Kev. Sir. Kau K&uwa Hooolohe s JaMES McBRtDE, Kuhina Noho o Amerika Huipuia.